ນັກເຄື່ອນໄຫວທີ່ສຳຄັນຄົນນຶ່ງຂອງຫວຽດນາມ ຖືກຕັດສິນໂທດ
ຈຳຄຸກ 2 ປີເຄິ່ງໃນຂໍ້ຫາຫລົບຫລີກການເສຍພາສີທີ່ພວກຕຳໜິ
ຕິຕຽນເວົ້າວ່າ ມີຈຸດປະສົງທາງການເມືອງ.
ນອກນັ້ນ ທ່ານ Le Quoc Quan ຍັງຖືກປັບໃໝປະມານ 60
ພັນໂດລາໃນການດຳເນີນຄະດີເປັນເວລາເຄິ່ງມື້ພາຍໃຕ້ການ
ຮັກສາຄວາມປອດໄພຢ່າງເຄັ່ງ ຄັດ ໃນວັນພຸດມື້ນີ້ ທີ່ສານປະ
ຊາຊົນ ໃນນະຄອນຫຼວງຮາໂນ່ຍ.
ກ່ອນການຕັດສິນນັ້ນ ຕຳຫຼວດໄດ້ວາງກຳລັງຢ່າງເຂັ້ມງວດ
ອ້ອມສານເພື່ອປ້ອງກັນບໍ່ໃຫ້ພວກສະໜັບສະໜຸນທ່ານ Quan
ເຂົ້າໄປໃນບໍລິເວນດັ່ງກ່າວ. ມີລາຍງານວ່າໄດ້ເກີດການປະທະກັນແບບບໍ່ຮ້າຍແຮງຂຶ້ນ.
ທ່ານ Quan ອາຍຸ 42 ປີ ແມ່ນນຶ່ງໃນບັນດາພວກຕິຕຽນລັດຖະບານທີ່ມີຊື່ສຽງ ທີ່ສຸດ.
ກ່ອນຖືກຈັບໃນເດືອນທັນວາ ທະນາຍຄວາມທີ່ນັບຖືສາສະໜາກາໂຕລິກ ທ່ານນີ້ ໄດ້ຂຽນ
ຂ່າວລົງອິນເຕີແນັດ ກ່ຽວກັບເລື່ອງສິດທິມະນຸດ ປະຊາທິປະໄຕ ອິດສະຫຼະພາບໃນການ
ນັບຖືສາສະໜາແລະເລື່ອງທີ່ມີຄວາມຫຼໍ່ແຫຼມສຳຄັນອື່ນໆ.
ທ່ານ Duy Hoang ແມ່ນໂຄສົກຂອງກຸ່ມ Viet Tan ຊຶ່ງເປັນກຸ່ມນິຍົມປະຊາທິປະໄຕທີ່ມີ
ສຳນັກງານຕັ້ງຢູ່ກຸງວໍຊິງຕັນກ່າວຕໍ່ວີໂອເອວ່າ ມັນເປັນການດຳເນີນຄະດີ ທີ່ມີຈຸດປະສົງ
ທາງດ້ານການເມືອງ ນັບແຕ່ຕອນເລີ້ມຕົ້ນ.
ນີ້ບໍ່ແມ່ນເທື່ອທຳອິດ ທີ່ທ່ານ Quan ປະເຊີນກັບຂໍ້ຫາອາຍາ. ທ່ານເຄີຍຖືກຈັບ ແລະຖືກ
ຟ້ອງມາແລ້ວໃນຂໍ້ຫາໂຄ່ນລົ້ມລັດຖະບານ ໃນປີ 2007 ບໍ່ດົນຫຼັງຈາກ ໄດ້ຮັບທຶນຈາກ
ລັດຖະບານສະຫະລັດມາອົບຮົມເລື່ອງສິດທິພົນລະເມືອງ. ທ່ານໄດ້ຖືກປ່ອຍໃນເວລາ
ຕໍ່ມາ ຍ້ອນການຮຽກຮ້ອງຂອງນາໆຊາດ.
ລຸນຫລັງການຕັດສິນໃນວັນພຸດມື້ນີ້ ສະຖານທູດສະຫະລັດທີ່ນະຄອນຫຼວງຮາໂນ່ຍ
ໄດ້ອອກຖະແຫຼງຂ່າວສະບັບນຶ່ງເວົ້າວ່າ ຕົນມີຄວາມເປັນຫ່ວງກັງວົນທີ່ສຸດ ກ່ຽວກັບການ
ລົງໂທດດັ່ງກ່າວ. ຖະແຫຼງຂ່າວເວົ້າວ່າ ການໃຊ້ກົດໝາຍເກັບພາສີຂອງເຈົ້າໜ້າທີ່ຫວຽດ
ນາມ ເພື່ອລົງໂທດພວກຕຳໜິຕິຕຽນລັດຖະບານ ທີ່ໄດ້ສະແດງອອກຊຶ່ງທັດສະນະ
ຄວາມເຫັນທາງດ້ານການເມືອງຢ່າງສັນຕິຂອງພວກເຂົາ ເຈົ້ານັ້ນ ແມ່ນເປັນເລື່ອງທີ່
ລົບກວນໃຈ.
ຈຳຄຸກ 2 ປີເຄິ່ງໃນຂໍ້ຫາຫລົບຫລີກການເສຍພາສີທີ່ພວກຕຳໜິ
ຕິຕຽນເວົ້າວ່າ ມີຈຸດປະສົງທາງການເມືອງ.
ນອກນັ້ນ ທ່ານ Le Quoc Quan ຍັງຖືກປັບໃໝປະມານ 60
ພັນໂດລາໃນການດຳເນີນຄະດີເປັນເວລາເຄິ່ງມື້ພາຍໃຕ້ການ
ຮັກສາຄວາມປອດໄພຢ່າງເຄັ່ງ ຄັດ ໃນວັນພຸດມື້ນີ້ ທີ່ສານປະ
ຊາຊົນ ໃນນະຄອນຫຼວງຮາໂນ່ຍ.
ກ່ອນການຕັດສິນນັ້ນ ຕຳຫຼວດໄດ້ວາງກຳລັງຢ່າງເຂັ້ມງວດ
ອ້ອມສານເພື່ອປ້ອງກັນບໍ່ໃຫ້ພວກສະໜັບສະໜຸນທ່ານ Quan
ເຂົ້າໄປໃນບໍລິເວນດັ່ງກ່າວ. ມີລາຍງານວ່າໄດ້ເກີດການປະທະກັນແບບບໍ່ຮ້າຍແຮງຂຶ້ນ.
ທ່ານ Quan ອາຍຸ 42 ປີ ແມ່ນນຶ່ງໃນບັນດາພວກຕິຕຽນລັດຖະບານທີ່ມີຊື່ສຽງ ທີ່ສຸດ.
ກ່ອນຖືກຈັບໃນເດືອນທັນວາ ທະນາຍຄວາມທີ່ນັບຖືສາສະໜາກາໂຕລິກ ທ່ານນີ້ ໄດ້ຂຽນ
ຂ່າວລົງອິນເຕີແນັດ ກ່ຽວກັບເລື່ອງສິດທິມະນຸດ ປະຊາທິປະໄຕ ອິດສະຫຼະພາບໃນການ
ນັບຖືສາສະໜາແລະເລື່ອງທີ່ມີຄວາມຫຼໍ່ແຫຼມສຳຄັນອື່ນໆ.
ທ່ານ Duy Hoang ແມ່ນໂຄສົກຂອງກຸ່ມ Viet Tan ຊຶ່ງເປັນກຸ່ມນິຍົມປະຊາທິປະໄຕທີ່ມີ
ສຳນັກງານຕັ້ງຢູ່ກຸງວໍຊິງຕັນກ່າວຕໍ່ວີໂອເອວ່າ ມັນເປັນການດຳເນີນຄະດີ ທີ່ມີຈຸດປະສົງ
ທາງດ້ານການເມືອງ ນັບແຕ່ຕອນເລີ້ມຕົ້ນ.
ນີ້ບໍ່ແມ່ນເທື່ອທຳອິດ ທີ່ທ່ານ Quan ປະເຊີນກັບຂໍ້ຫາອາຍາ. ທ່ານເຄີຍຖືກຈັບ ແລະຖືກ
ຟ້ອງມາແລ້ວໃນຂໍ້ຫາໂຄ່ນລົ້ມລັດຖະບານ ໃນປີ 2007 ບໍ່ດົນຫຼັງຈາກ ໄດ້ຮັບທຶນຈາກ
ລັດຖະບານສະຫະລັດມາອົບຮົມເລື່ອງສິດທິພົນລະເມືອງ. ທ່ານໄດ້ຖືກປ່ອຍໃນເວລາ
ຕໍ່ມາ ຍ້ອນການຮຽກຮ້ອງຂອງນາໆຊາດ.
ລຸນຫລັງການຕັດສິນໃນວັນພຸດມື້ນີ້ ສະຖານທູດສະຫະລັດທີ່ນະຄອນຫຼວງຮາໂນ່ຍ
ໄດ້ອອກຖະແຫຼງຂ່າວສະບັບນຶ່ງເວົ້າວ່າ ຕົນມີຄວາມເປັນຫ່ວງກັງວົນທີ່ສຸດ ກ່ຽວກັບການ
ລົງໂທດດັ່ງກ່າວ. ຖະແຫຼງຂ່າວເວົ້າວ່າ ການໃຊ້ກົດໝາຍເກັບພາສີຂອງເຈົ້າໜ້າທີ່ຫວຽດ
ນາມ ເພື່ອລົງໂທດພວກຕຳໜິຕິຕຽນລັດຖະບານ ທີ່ໄດ້ສະແດງອອກຊຶ່ງທັດສະນະ
ຄວາມເຫັນທາງດ້ານການເມືອງຢ່າງສັນຕິຂອງພວກເຂົາ ເຈົ້ານັ້ນ ແມ່ນເປັນເລື່ອງທີ່
ລົບກວນໃຈ.
