ລິ້ງ ສຳຫລັບເຂົ້າຫາ

ວັນເສົາ, ໑໕ ມິຖຸນາ ໒໐໒໔

ພວກປະທ້ວງ ແບ່ງແຍກດິນແດນ ໃນພາກ ຕາເວັນອອກ ຢູເຄຣນ ປະເຊີນກັບ ເສັ້ນຕາຍ


ນາຍົກຢູເຄຣນ ທ່ານ Arseny Yatseniuk ກ່າວຄຳປາໄສ ຂະນະທີ່ທ່ານໄປຮ່ວມປະຊຸມ ທີ່ເມືອງ Donetsk ໃນພາກຕາເວັນອອກຂອງປະເທດ (11 ເມສາ 2014)
ນາຍົກຢູເຄຣນ ທ່ານ Arseny Yatseniuk ກ່າວຄຳປາໄສ ຂະນະທີ່ທ່ານໄປຮ່ວມປະຊຸມ ທີ່ເມືອງ Donetsk ໃນພາກຕາເວັນອອກຂອງປະເທດ (11 ເມສາ 2014)
ພວກປະທ້ວງແບ່ງແຍກດິນແດນທີ່ນິຍົມຣັດເຊຍຊຶ່ງໄດ້ເຂົ້າຢຶດ
ເອົາ ຕຶກໂຮງການຂອງລັດຖະບານຫຼາຍໆຫຼັງ ໃນພາກຕາເວັນ
ອອກຂອງຢູເຄຣນນັ້ນພວມປະເຊີນໜ້າກັບເສັ້ນຕາຍທີ່ລັດຖະ
ບານຢູເຄຣນໄດ້ກຳນົດໄວ້ໃນວັນສຸກມື້ນີ້ ເພື່ອໃຫ້ເຂົາເຈົ້າວາງ
ອາວຸດນັ້ນ.

ໃນອາທິດນີ້ ພວກຜູ້ຊາຍທີ່ປະກອບອາວຸດຈຸນຶ່ງ ໄດ້ບຸກເຂົ້າໄປ
ໃນຕຶກໂຮງການລັດຖະບານ ຢູ່ທີ່ເມືອງ Luhansk ແລະເມືອງ
Donetsk ທວງໃຫ້ຢູເຄຣນອະນຸຍາດໃຫ້ມີການລົງປະຊາມະຕິ ເພື່ອໃຫ້ເຂດດັ່ງກ່າວແຍກຕົວອອກເປັນເອກກະລາດ.

ລັດຖະບານຢູເຄຣນໄດ້ສະເໜີໃຫ້ອະໄພຍະໂທດແກ່ພວກທີ່ຍອມຈຳນົນ ແຕ່ກໍໄດ້ຂູ່ວ່າຈະ ໃຊ້ກຳລັງ ຖ້າພວກເຂົາເຈົ້າຫາກບໍ່ຖອນອອກໄປ ຈາກຕຶກໂຮງການຂອງລັດຖະບານພາຍ ໃນວັນສຸກມື້ນີ້.

ນາຍົກລັດຖະມົນຕີຢູເຄຣນ ທ່ານ Arseniy Yatsenyuk ໄດ້ພົບປະໃນວັນສຸກມື້ນີ້ກັບພວກ ຜູ້ນຳທ້ອງຖິ່ນໃນເມືອງ Donetsk ແລະເວົ້າວ່າ ທ່ານມີຄວາມຫວັງໄປໃນແງ່ດີທີ່ວ່າ ການປະ ເຊີນໜ້າກັນດັ່ງກ່າວຈະສາມາດໄດ້ຮັບການແກ້ໄຂ.

ທ່ານ Yatsenyuk ເວົ້າວ່າ “ຂ້າພະເຈົ້າ ຂໍກ່າວຢ່າງຈະແຈ້ງວ່າ ລັດຖະບານກາງບໍ່ພຽງແຕ່ ພ້ອມແລ້ວທີ່ຈະເປີດການໂອ້ລົມກັບຂົງເຂດຕ່າງໆ ແຕ່ຍັງພ້ອມແລ້ວທີ່ ຈະປະຕິບັດຕາມ ພັນທະຕາມກົດໝາຍແລະມີຄວາມປະສົງຢາກໃຫ້ພົນລະເມືອງທັງໝົດເປັນຂອງປະເທດ
ຂອງພວກເຮົາ. ກ່ຽວກັບຂອບເຂດຂອງການປ່ຽນແປງ ລັດຖະທຳມະນູນນັ້ນ ພວກເຮົາຈະ ສາມາດສະໜອງຕອບ ຕໍ່ການຮ້ອງຂໍເປັນພິເສດຂອງທຸກໆເຂດ.”
UKRAINE VO
please wait
Embed

No media source currently available

0:00 0:00:41 0:00

ຍັງບໍ່ມີຮ່ອງຮອຍໃດໆສະແດງໃຫ້ເຫັນໃນທັນທີວ່າ ລັດຖະບານພວມກະກຽມທີ່ຈະປະຕິບັດ ຕາມຄຳຂູ່ຂອງຕົນທີ່ຈະໃຊ້ກຳລັງເພື່ອຂັບໄລ່ພວກປະທ້ວງອອກໄປຈາກຕຶກໂຮງການລັດ
ຖະບານ ແລະກໍບໍ່ມີຫລັກຖານໃດໆ ສະແດງໃຫ້ເຫັນວ່າພວກປະທ້ວງພ້ອມແລ້ວ ທີ່ຈະຍອມ
ຈຳນົນ.

ຂະນະດຽວກັນ ກໍມີຄວາມວິຕົກຢູ່ຕໍ່ມາວ່າ ຣັດເຊຍອາດຈະກະກຽມເພື່ອບຸກເຂົ້າໄປໃນພາກ ຕາເວັນອອກຂອງຢູເຄຣນ.

ໃນວັນພະຫັດວານນີ້ ອົງການເນໂຕ້ໄດ້ນຳອອກເຜີຍແຜ່ຮູບຖ່າຍທາງອາກາດທີ່ສະແດງໃຫ້ ເຫັນ ໃນອັນທີ່ອົງການເນໂຕ້ເວົ້າວ່າ ເປັນທະຫານຣັດເຊຍຈຳນວນ 40,000 ຄົນ ພ້ອມດ້ວຍ ລົດຖັງ ແລະເຮືອບິນ ເຕົ້າໂຮມກຳລັງຢູ່ໃກ້ໆກັບຊາຍແດນຂອງຢູເຄຣນນັ້ນ.
XS
SM
MD
LG