ສານຈີນແຫ່ງນຶ່ງ ໃນວັນພະຫັດວານນີ້ ໄດ້ຕັດສິນລົງໂທດ ທະນາຍຄວາມ ສິດທິພົນລະ ເມືອງທີ່ມີຊື່ສຽງ ທ່ານ Xia Lin ໃຫ້ຕິດຄຸກ 12 ປີ ໃນຂໍ້ຫາສໍ້ໂກງ ໃນອັນທີ່ພວກນັກຕໍ່ສູ້ເພື່ອ ສິດທິມະນຸດຈຳນວນນຶ່ງຮ້ອງວ່າ ເປັນການແກ້ແຄ້ນໃນການຕໍ່ສູ້ຄະດີຂອງທ່ານໃຫ້ແກ່ບັນດາຈຳເລີຍທີ່ມີຊື່ສຽງເຊັ່ນວ່າ ນັກສິນລະປິນທີ່ບໍ່ເຫັນພ້ອມ ທ່ານ Ai Weiwei ຜູ້ທີ່ໄດ້ທ້າທາຍຕໍ່ລັດຖະບານຈີນນັ້ນ.
ນັບແຕ່ຕຳຫຼວດໃນເຄື່ີອງແບບ ຫາຕຳຫຼວດນອກເຄື່ອງແບບ ການຮັກສາຄວາມປອດໄພ ຢູ່ນອກສານ ໄດ້ມີຂຶ້ນຢ່າງເຄ່ັງຄັດ ໃນຂະນະທີ່ບັນດາໝູ່ເພື່ອນ ຄອບຄົວ ແລະຜູ້ສະໜັບ ສະໜູນ ໄດ້ພາກັນໄປເຕົ້າໂຮມ ເພື່ອລໍຖ້າຟັງການຕັດສິນຕໍ່ທ່ານ Xia ຜູ້ທີ່ໄດ້ຖືກກັກຂັງໂດຍຕຳຫລວດປັກກິ່ງ ໃນທ້າຍປີ 2014. ບັນດານັກສັງເກດການດ້ານສິດທິດມະນຸດສາ ກົນ ຈາກເຢຣະມັນ ຝຣັ່ງ ເດັນມາກ ແລະນໍເວ ໄດ້ຖືກກັ້ນໄວ້ ຢູ່ໃນເຂດທີ່ປອດໄພ ແຍກອອກຈາກສາທາລະນະຊົນທົ່ວໄປ.
ທ່ານ Xia ແມ່ນນັກເຄື່ອນໄຫວຄົນຫລ້າສຸດ ໂດຍສະເພາະແມ່ນບັນດາທະນາຍຄວາມໃນການຕໍ່ສູ້ຄະດີ ທີ່ຖືກຕັດສິນລົງໂທດ ພາຍໃຕ້ລັດຖະບານຂອງປະທານ ປະເທດທ່ານ Xi Jingping ຜູ້ທີ່ໄດ້ໃຫ້ເຫດຜົນກ່ຽວກັບການທັບມ້າງກຸ່ມສັງຄົມ ພົນລະເຮືອນ ອັນເປັນສ່ວນນຶ່ງ ໃນການປຸກລະດົມ ໃນຂອບເຂດທີ່ກວ້າງຂວາງ ເພື່ອເສີມສ້າງຄວາມເຂັ້ມແຂງໃນດ້ານຄວາມໝັ້ນຄົງ ແລະສະຖຽນລະພາບ.
ມີແຕ່ນ້ອງຊາຍ ແລະພັນລະຍາ ຂອງທ່ານ Xia ເທົ່ານັ້ນ ໄດ້ອະນຸຍາດໃຫ້ໄປ ເຂົ້າຟັງການຕັດສິນລົງໂທດ ທີ່ໃຊ້ເວລາໜ້ອຍກວ່າ 30 ນາທີ. ຫລັງຈາກການຕັດສິນແລ້ວ ຜູ້ພິພາກສາໄດ້ຖາມທ່ານ Xia ວ່າ ທ່ານໄດ້ຍິນຢ່າງແຈ່ມແຈ້ງບໍ ອີງຕາມທະນາຍຄວາມຂອງທ່ານ Xia ທ່ານ Ding Xikui. ທະນາຍຄວາມກ່າວວ່າ ຫລັງຈາກນັ້ນ ຕຳຫລວດກໍໄດ້ດຶງເອົາລູກຄວາມຂອງທ່ານ ອອກໄປຈາກຫ້ອງສານ ກ່ອນທີ່ລາວຈະສາມາດຕອບຕໍ່ຄຳຖາມຜູ້ພິ ພາກສາ ຫລືກ່າວຄຳເວົ້າແມ່ນແຕ່ຄຳດຽວ ກັບບັນດາສະມາຊິກຄອບຄົວ.
ທ່ານ Ding ໄດ້ກ່າວຕໍ່ ວີໂອເອ ພາສາຈີນກາງວ່າ ທ່ານ Xia ໄດ້ຍິນການຮ້ອງໂຮຢູ່ຂ້າງນອກ ໃນຂະນະທີ່ລາວຖືກແກ່ອອກໄປ “ເຈົ້າບໍ່ໃຫ້ຂ້ອຍເວົ້າ. ມັນເປັນການແກ້ແຄ້ນຕໍ່ຂ້ອຍ ທີ່ເປັນຜູ້ຕາງໜ້າ ໃນຄະດີຕ່່າງໆ.”
