ລິ້ງ ສຳຫລັບເຂົ້າຫາ

ພວກມືປືນ ນິຍົມຣັດເຊຍ ຍຶດເອົາ ກອງບັນຊາການ ຕຳຫລວດ ໃນເມືອງ Luhansk (ສະໄລດ໌/ວີດີໂອ)


ພວກສະໜັບສະໜູນ ຣັດເຊຍ ພາກັນຢືນຢູ່ຕໍ່ໜ້າຕຶກຫ້ອງວ່າການ ເມືອງ Kharkiv ຂອງປະເທດ ຢູເຄຣນ.
ລັດຖະມົນຕີ ກະຊວງ​ພາຍ​ໃນ ຢູ​ເຄຣນ ກ່າວ​ວ່າ ພວກມືປືນ
ທີ່​ນິຍົມຣັດ​ເຊຍ ​ໄດ້​ຍຶດ​ເອົາ ກອງ​ບັນຊາ​ການ​ຮັກສາຄວາມ
​ປ​ອດ​ໄພ ຂອງລັດ ທີ່ເມືອງ Luhansk ​ທາງພາກ​ຕາ​ເວັນ
​ອອກ​ຂອງປະ​ເທດ ຊຶ່ງ​ເປັນ​ບ່ອນ​ທີ່​ມີ​ການ​ປະ​ທ້ວງຕໍ່ຕ້ານ
ລັດຖະບານ ​ໃນວັນ​ອາທິດ​ວານ​ນີ້.

​ເຈົ້າ​ໜ້າ​ທີ່​ກ່າວ​ວ່າ ​ຕຳຫລວດ ໄດ້​ປິດ​ຖະໜົນ​ຫົນທາງທຸກ
​ເສັ້ນ ທີ່​ເຂົ້າ​ໄປ​ສູ່​ໂຕ​ເມືອງ.

ພວກ​ປະ​ທ້ວງ​ໄດ້​ພາກັນ​ເດີນ​ຂະ​ບວນ ຢູ່​ໃນເມືອ​ງ Luhansk
ແລະ​ເມືອ​ງ Donetsk ທາງ​ພາກ​ຕາ​ເວັນ​ອອກເຊັ່ນ​ກັນ ບ່ອນ​ທີ່ ​ພວກ​ປະ​ທ້ວງ​ທີ່​ໃສ່​ໜ້າ​ກາກ ພາກັນແກ່ວ​ງໝາກກະ​ໂພ​ກ ​ໃສ່​ຕຳຫລວດ​ປາບ​ຈະລາຈົນ.

ວີດີໂອ ກ່ຽວກັບຂ່າວນີ້:

ພວກ​ເດີນ​ຂະ​ບວນ ຮຽກຮ້ອງ​ໃຫ້​ມີ​ການ​ລົງ​ປະຊາ​ມະຕິ​ ຢູ່​ໃນ​ທັງ​ສອງ​ເມືອງ ກ່ຽວ​ກັບວ່າ
ຈະ​ແຍກ​ອອກ​ຈາກຢູ​ເຄຣນ ​ແລະ​ເຂົ້າໄປຮ່ວມ​ກັບຣັດ​ເຊຍ ຫລື​ບໍ່ ຊຶ່ງຄ້າຍຄື​ກັນ​ກັບການ
​ລົງ​ປະຊາ​ມະຕິ ​ຢູ່ Crimea ​ເມື່ອ​ເດືອນແລ້ວ​ນີ້.

​ໃນ​ຂະນະ​ດຽວ​ກັນ ລັດຖະມົນຕີກະຊວງ​ພາຍ​ໃນ ຢູ​ເຄຣນ ທ່ານ Arsen Avakov ກ່າວ​ວ່າ ພວກ​ປະ​ທ້ວງ​ໄດ້ຖືກ​ຂັບ​ໄລ່​ອອກ​ຈາກຕຶກ​ຂອງລັດຖະບານ ໄປ​ໝົດແລ້ວ ຢູ່ໃນອີກ ເມືອງ​ນຶ່ງ​ທາງ​ພາກ​ຕາ​ເວັນ​ອອກ​ ຄືເມືອງ Kharkiv ນັ້ນ. ທ່ານບໍ່ໄດ້​ໃຫ້ລາຍ​ລະ​ອຽດ​ເພີ້ມ​ເຕີມໃດໆ.

ທ່ານ Avakov ກ່າວ​ຫາ ປະທານາທິບໍດີ ຣັດ​ເຊຍ ທ່ານ Vladimir Putin ​ແລະ ​ປະທາ
ນາທິບໍດີຢູ​ເຄຣນ ທີ່​ຖືກ​ໄລ່​ອອກ​ໄປ​ແລ້ວ ຄື ທ່ານ Viktor Yanukovych ​ນັ້ນ​ວ່າ ​ຍຸ​ແຍ່
ແລະ​ສະໜອງ​ເງິນທຶນ​ໃຫ້​ແກ່​ການ​ກໍ່ບັນຫາ ​ທີ່​ເກີດ​ຂື້ນ​ຢູ່ທາງ​ພາກ​ຕາ​ເວັນ​ອອກນັ້ນ.
XS
SM
MD
LG