ລິ້ງ ສຳຫລັບເຂົ້າຫາ

ທ່ານ Bill Richardson ກັບປະທານບໍລິສັດ Google ເດີນທາງໄປ ເກົາຫລີເໜືອ


ທ່ານ Bill Richardson ​ແລະ​ທ່ານ Eric Schmidt ​ຂະນະ​ເດີນທາງ​​ໄປເຖິງ ​ພຽງ​ຢາງ ​ເມືອງ​ຫລວງ​ຂອງ​ເກົາຫລີ​ເໜືອ​
ອະດີດເອກ​ອັກຄະ​ລັດຖະທູດ​ ສະຫະລັດ ປະ​ຈໍາ​ສະຫະ​ປະຊາ​
ຊາດ ທ່ານ Bill Richardson ​ແລະ​ປະ​ທານ​ບໍລິຫານ ບໍລິສັດ
Google ທ່ານ Eric Schmidt ​ໄດ້​ເດີນທາງໄປເຖິງ ​ພຽງ​ຢາງ ​
ເມືອງ​ຫລວງ​ຂອງ​ເກົາຫລີ​ເໜືອ​ແລ້ວ ເພື່ອ​ຢ້ຽມຢາມຢ່າງ​ບໍ່​ເປັນ​
ທາງ​ການ.

ກ່ອນໜ້າການໄປ​ເຖິງ​ຂອງທ່ານ ບໍ່​ເທົ່າ​ໃດ​ຊົວ​ໂມງ ​ໃນ​ວັນ​ຈັນ​ມື້​ນີ້ ທ່ານ Richardson ​ໄດ້​ກ່າວ​ຕໍ່​ບັນດາ​ນັກ​ຂ່າວ​ທີ່ນະຄອນຫລວງ​ປັກ​ກິ່ງ​ຂອງ​ຈີນວ່າ ການ​ເດີນທາງ​ຂອງ​ທ່ານ ມີ​ຈຸດປະສົງ​ທາງ​ດ້ານ​ມະນຸດສະ​ທໍາ ​ແລະ​ຄະນະ​ຜູ້​ແທນຂອງ​ທ່ານ ຈະ​ພົບ​ປະ​ກັບບັນດາ​ຜູ້​ນໍາ​ຝ່າຍ​ການ​ເມືອງ ​ເສດຖະກິດ ​ແລະທະຫານ ຂອງ​ເກົາຫລີ​ເໜືອ.

ທ່ານ Richardson ກ່າວ​ວ່າ ທ່ານ​ມີ​ແຜນ​ທີ່​ຈະ​ສົນທະນາ​ກັບ ບັນດາ​ເຈົ້າ​ໜ້າທີ່​ເກົາຫລີ​ເໜືອ ​ກ່ຽວ​ກັບການ​ຈັບ​ກຸ​ມຄົນ​ເກົາຫລີ ສັນຊາດ​ອາ​ເມຣິກັນ
ທ່ານ Kenneth Bae ທີ່​ກໍາລັງ​ຖືກ​ກັກ​ຂັງ​ຢູ່ໃນ​ເກົາຫລີ​ເໜືອ ໃນຂໍ້​ຫາກໍ່​ອາ​ຊະ​ຍາ​ກໍາຕໍ່ຕ້ານ​ລັດ ທີ່​ບໍ່​ມີ​ການ​ແຈ້ງ​ໃຫ້​ຊາບ. ​

ທ່ານ Richardson ຍັງ​ກ່າວ​ອີກ​ວ່າ ທ່ານ​ມີ​ຄວາມ​ເປັນ​ຫ່ວງ​ກ່ຽວ​ກັບ ​ໂຄງການ​ນິວ​ເຄລຍ
ຂອງ​ເກົາຫລີ​ເໜືອ ​ແລະ​ຫວັງ​ວ່າ ການ​ເດີນທາງ​ຂອງ​ທ່ານ ຈະ​ຊ່ວຍ​ຜັກ​ດັນ​ເກົາຫລີ​ເໜືອ ​ໄປ​ສູ່ອັນ​ທີ່ທ່ານ​ເອີ້ນ​ວ່າ “​ທິດ​ທາງທີ່​ຖືກຕ້ອງ.”

ກະຊວງ​ການ​ຕ່າງປະ​ເທດ ສະຫະລັດ ​ໄດ້​ຕິຕຽນ​ການ​ເດີນ​ທາງຂອງ​ທ່ານ ​ Richadson ໂດຍ​ກ່າວ​ວ່າ ​ເວລາ​ນີ້​ບໍ່ແມ່ນ​ເວລາ​ທີ່ເໝາະ​ສົມ​ສໍາລັບທ່ານ Richadson ທີ່​ຈະ​ເດີ​ນທາງ​ໄປ​ເກົາຫລີ​ເໜືອ. ການ​ຢ້ຽ​ມ ຢາມຄັ້ງ​ນີ້ ມີ​ຂື້ນ​ຫລັງ​ຈາກ​ ​ເກົາຫລີ​ເໜືອ​ໄດ້ທໍາ​ການ​ທົດ​ລອງ
ຍິງລູກ​ສອນ​ໄຟ​ລະຍະ​ຍາວ ຊຶ່ງ​ເປັນ​ການ​ແຜ້ວ​ທາງ​ ​ໄປ​ສູ່ການ​ທົດ​ລອງນິວ​ເຄລຍ ອີກ​ເປັນ
ຄັ້ງ​ທີ່​ສາມ ທີ່ອາດ​ຈະ​ມີຂຶ້ນ​ໄດ້​ນັ້ນ.
XS
SM
MD
LG