ລິ້ງ ສຳຫລັບເຂົ້າຫາ

ນາຍົກ ອິນເດຍ ແລະ ປາກິສຖານ ພົບປະກັນ ເພື່ອຫຼຸດ​ຜ່ອນ ຄວາມເຄັ່ງຕຶງ (ວີ​ດີ​ໂອ)


ທ່ານ Manmohan Singh ນາຍົກລັດຖະມົນ​ຕິ​ອິນ​ເດຍ (ຂວາ)​ແລະ​ນາຍົກລັດຖະມົນຕີ Nawaz Sharif ​ແຫ່ງ​ປາ​ກິ​ສຖານ ​(ຊ້າຍ)
ທ່ານ Manmohan Singh ນາຍົກລັດຖະມຸນ​ຕິ​ອິນ​ເດຍ ​ແລະ​
ນາຍົກລັດຖະມຸນຕີ Nawaz Sharif ​ແຫ່ງ​ປາ​ກິ​ສຖານ ​ໄດ້​ພົບ
​ປະກັນ​ໃນ​ວັນ​ອາທິດ​ວານ​ນີ້​ທີ່​ນະຄອນນີວຢອກ ນອກ​ກອງ​ປະ
ຊຸມ​ສະມັດຊາ​ໃຫຍ່​ສະຫະ​ປະຊາ​ຊາດ ​ແລະ​ໄດ້​ຕົກລົງ​ກັນເຖິງ​
ຄວາມ​ຕ້ອງການ​ເພື່ອ​ລົດ​ຜ່ອນ​ຄວາມ​ເຄັ່ງ​ຕຶງລະຫວ່າງ​ສອງ​ປະ
​ເທດ​ລົງ​ກ່ຽວ​ກັບ​ເລື້ອງ​ຂົງ​ເຂດ Kashmir ທີ່​ເປັນ​ບັນຫາຂັດ
​ແຍ້​ງກັນນັ້ນ.

ຜູ້ນຳ​ທັງ​ສອງ​ໄດ້​ໂອ້​ລົມ​ກັນ​ເປັນ​ເວລາ​ປະມານ 1 ຊົ່ວ​ໂມງ​ທີ່​ໂຮງ​
ແຮມ​ແຫ່ງ​ນຶ່ງ​ໃນນະຄອນ​ນີວຢອກ ​ໃນ​ການ​ພົບ​ປະກັນ​ໜ້າ​ຕໍ່ໜ້າ​
ເປັນ​ຄັ້ງ​ທຳ​ອິດ ນັບ​ແຕ່​ທ່ານ Sharifຂຶ້ນ​ຄອງ​ອຳນາດ​ໃນ​ການ
​ເລືອກ​ຕັ້ງ​ໃນ​ເດືອນ​ພຶດສະພາ​ຜ່ານ​ມາ​ທີ່​ປາ​ກິ​ສຖານ​.

ທ່ານ Shivshankar Menon ທີ່​ປຶກສາ​ດ້າຄວາມ​ປອດ​ໄພ​ແຫ່ງ​ຊາດ​ອິນ​ເດຍ ກ່າວ
ວ່າ ພວກ​ນາຍົກລັດຖະມົນຕີທັງສອງ​ທ່ານນີ້ ​ໄດ້​ຕົກລົງ​ກັນ​ໃຫ້​ພວກ​ນາຍ​ທະຫານ​ຂັ້ນ
ອາວຸ​ໂສ​ຊອກ​ຫາ​ຊ່ອງ​ທາງ​ເພື່ອ​ຮື້​ຟື້ນ​ການ​ຢຸດ​ຍິງ​ກັນ​ໃນ​ແຄ້ວ​ນ Kashmir ທີ່ຖືກ​ແບ່ງ
​ແຍກ​ກັນ​ນັ້ນ.

ພຽງ​ໃນ​ຫວ່າງ​ສັບປະດາ​ຜ່ານ​ມາ​ນີ້ ພວກ​ຫົວ​ຮຸນ​ແຮງ​ໄດ້​ເຂົ້າ​ບຸກ​ໂຈມ​ຕີ​ຖານ​ທັບແຫ່ງ​ນຶ່ງ​
ໃນ​ແຄ້ວ​ນ Kashmir ທີ່ຢູ່​ພາຍ​ໃຕ້​ການ​ຄວບ​ຄຸມ​ຂອງ​ອິນ​ເດຍ ​ໂດຍ​ໄດ້ເຮັດ​ໃຫ້​ມີຜູ້​ເສຍ​
ຊີວິດ​ໄປ 10 ຄົນ.

ທ່ານ Jalil Abbas ລັດຖະມຸນຕີ​ຕ່າງປະ​ເທດ ປາ​ກິ​ສຖານ ​ໄດ້​ຢືນຢັນ​ວ່າ ຜູ້ນຳທັງ​ສອງ​
ຝ່າຍ​ໄດ້​ຕົກລົງ​ກັນ​ວ່າ ຂໍ້​ຕົກລົງ​ຢຸດ​ຍິງ​ກັນ​ໃນ​ແຄວ້ນ Kashmir ຈະ​ຕ້ອງໄດ້​ຮັບ​ການ​
ເຄົາລົບ​ນັບຖື.

ທັງ​ທ່ານ​ສິງ​ແລະ​ທ່ານ Sharif ກໍ​ໄດ້​ກ່າວເຊັ່ນ​ກັນ​ວ່າພວກທ່ານ​ທັງ​ສອງ​ຈະທຳ​ການ​ຢ້ຽມ​
ປະ​ເທດ​ຂອງ​ກັນ​ແລະ​ກັນ ​ແຕ່​ບໍ່​ໄດ້​ແຈ້ງ​ວັນ​ເວລາ​ຂອງ​ການ​ຢ້ຽມຢາມ​ຢ່າງ​ແນ່ນອນໃຫ້​
ຮູ້​ເທື່ອ.

​ໃນ​ຫລາຍ​ສັບປະດາ​ຜ່ານ​ມາ​ກ່ອນ​ຈະ​ມີ​ການ​ພົບ​ປະກັນ​ນີ້ ນາຍົກ​ລັດຖະມົນຕີ Sharif
​ໄດ້​ຊຸກຍູ້​ໃຫ້​ຍຸດຕິຄວາມ​ເຄັ່ງ​ຕຶງ​ເປັນຄັ້ງ​ປະວັດ​ສາດ​ກັບ​ອິນ​ເດຍ ​ໃນ​ຂະ​ນະ​ດຽວ​ກັນ ອິນ
​ເດຍກໍ​ໄດ້​ຮຽກຮ້ອງ​ໃຫ້​ປາ​ກິ​ສຖານ​ທຳ​ການ​ເຄື່ອນ​ໄຫວ​ຢຸດ​ເຊົາ​ທຳ​ການ​ໂຈມ​ຕີ​ຕ່າງໆ
​ເຊັ່ນ​ການ​ໂຈມ​ຕີ​ໃນ​ສັບປະດາ​ຜ່ານ​ມາ​ທີ່​ແຄວ້ນ Kashmir ​ແລະ​ໃນ​ນະຄອນ Mumbai ໃນ​ປີ 2008 ທີ່​ໄດ້​ໃຫ້​ຜູ້​ຄົນ​ເສຍ​ຊີວິດ​ໄປ 166 ຄົນ​ນັ້ນ.


XS
SM
MD
LG