ລິ້ງ ສຳຫລັບເຂົ້າຫາ

ກຳລັງ​ທະຫານ​ທີ່ຈົ່ງ​ຮັກ​ພັກດີ​ຕໍ່ ປະທານາທິບໍ​ດີ Gambia
ກຳລັງ​ຊອກຄົ້ນ​ຫາຝ່າຍກົງກັນຂ້າມ ຢູ່ຕາມບ້ານເຮືອນໃນ
​ນະຄອນ​ຫລວງ Banjul ​ ທີ່​ຮັບຜິດ ຊອບ​ໃນການໂຈມຕີ
ດ້ວຍອາວຸດ​ ຕໍ່ທຳນຽບປະທານາທິບໍດີໃນອາທິດ​ນີ້. ປະ​ທາ
ນາ​ທິບໍດີ Yahya Jammeh ກ່າວ​ໃນ​ວັນ​ພະຫັດ​ວານ​ນີ້​ວ່າ
ຄວາມຮຸນ​ແຮງທີ່ ​ເກີ​ດຂື້ນ​ໃນ​ຕອນ​ເຊົ້າ​ມືດ​ຂອງວັນ​ອັງຄານ
ນັ້ນ ບໍ່​ແມ່ນ​ລັດຖະປະຫານ ​ເພາະວ່າ ທະຫານ​ຍັງ​ຈົງ​ຮັກ​ພັກ
ດີ​ຕໍ່​ທ່ານ. ທ່ານ Jammeh ກ່າວ​ວ່າ ນີ້​ແມ່ນ​ການ​ໂຈ​ມຕີ​ໂດຍ
“ພວກ​ກໍ່​ການ​ຮ້າ​ຍ” ທີ່​ສະໜັບສະໜູນ​ຈາກ​ກຸ່ມຄົນບໍ່ດີຢູ່​ນອກ
​ປະ​ເທດ. ປະ​ທານາທິບໍດີ ​ບໍ່ໄດ້ຢູ່ໃນປະ​ເທດ ເວລາ​ເກີດ​ເຫດ
ຮ້າຍດັ່ງກ່າວ.

ປະ ​ທານາ​ທິບໍດີ Jammeh ກ່າວ​ວ່າ “ບໍ່​ມີ​ພວກ​ທະຫານ​ ແມ່ນ​ແຕ່​ນຶ່ງຄົນເຂົ້າຮ່ວມ ເວັ້ນ​ແຕ່ເຂົ້າຮັບມືກັບ​ການ​ໂຈມ​ຕີ. ​ເພາະສະ​ນັ້ນມັນຈຶ່ງບໍ່ສາມາດຮ້ອງ​ໄດ້ ວ່າ​ເປັນ​ການ​ລັດຖະ
ປະຫານ​ໂດຍ​ທະຫານ​ ​ເພາະວ່າ ຂ້າພະ​ເຈົ້າ​ເຫັນ​ຂ່າວຂອງ ສື່ມວນຊົນຈຳນວນ​ນຶ່ງທີ່​ເຂົາ​
ເຈົ້າ​ກ່າວ​ວ່າ ເປັນ​ລັດຖະປະຫານ. ນີ້​ບໍ່​ແມ່ນ​ລັດຖະ ປະຫານ ນີ້​ແມ່ນ​ການ​ຖືກ​ໂຈມ​ຕີ​ຈາກ​
ກຸ່ມ​ກໍ່​ການ​ຮ້າຍ ທີ່​ໄດ້ຮັບການໜູນ​ຫລັງ​ຈາກມະຫາອຳນາດບາງປະເທດ ທີ່​ຂ້າພະ​ເຈົ້າ​ຈະ​
ບໍ່ຂໍ​ບອກ​ຊື່​ດຽວ​ນີ້ ​ແຕ່​ພວກ​ເຮົາ​ຮູ້​ວ່າ ພວກ​ທີ່​ຄັດຄ້ານນີ້​ຕັ້ງ​ຢູ່ໃສ.”

ອົງການ​ຂ່າວ​ຝຣັ່ງ ອ້າງ​ຄຳ​ເວົ້າ ​ຈາກແຫ​ລ່ງຂ່າວ​ສື​ບລັບ Gambia ທີ່ກ່າວວ່າ ພັກ​ຝ່າຍ​
ຄ້ານ​ ພວກຄັດຄ້ານທາງດ້ານການເມືອງຕໍ່ທ່ານ Jammeh ຫລາຍ​ສິບຄົນ ​ໄດ້​ຖືກ​ຈັບ
ສອບ​ສວນ ​ແລະ​ຕິດ​ຄຸກ. ລັດຖະບານ ຍັງ​ບໍ່​ທັນ​ໄດ້​ຢືນຢັນ​ຢ່າງ​ເປັນການເປີດ​ເຜີຍກ່ຽວ
ກັບເລື່ອງນີ້.

ສະຫະ​ປະຊາ​ຊາດ ​ໄດ້​ປະນາມ​ຕໍ່ການກໍ່ຄວາມ​ຮຸນ​ແຮງ​ໃນ Gambia​. ​ເລຂາ​ທິການ​ໃຫຍ່
ສະຫະ​ປະຊາ​ຊາດ ທ່ານ Ban Ki-moon ​ໄດ້​ຮ້ອງໃຫ້​ມີການສືບ ສວນແບບໂປ່ງໃສ ກ່ຽວ
ກັບ​ເຫດການທີ່ເກີດຂຶ້ນໃນ​ວັນ​ອັງຄານຜ່ານມາ ​ໃນ​ຂະ ນະ​ທີ່​ປະ​ທານາທິບໍດີ​ເອງ​ ໄດ້​ເຕືອນ
ບຸກ​ຄົນ​ອື່ນໆ​ຕໍ່​ການ​ພະຍາຍາ​ມທີ່​ຈະຍຶດ​ອຳ ນາດ​ໃດໆກໍຕາມ.

ທ່ານ Jammeh ໄດ້ເຂົ້າຢຶດອຳນາດ ຢູ່ໃນອະດີດອານານິຄົມອັງກິດແຫ່ງນີ້ໃນເວລາທີ່
ທ່ານມີອາຍຸ 29 ປີ ຫລັງຈາກເຮັດລັດຖະປະຫານ ໃນປີ 1994. ພວກ ນັກເຄື່ອນໄຫວສິດ
ທິມະນຸດກ່າວວ່າ ທ່ານໄດ້ແນເປົ້າໝາຍມາເປັນເວລາດົນນານ ແລ້ວ ໃສ່ພວກນັກການ
ເມືອງຝ່າຍຄ້ານ ນັກຂ່າວ ແລະພວກທີ່ຮັກຮ່ວມເພດ.

XS
SM
MD
LG