ລິ້ງ ສຳຫລັບເຂົ້າຫາ

logo-print

ປະຕິກິລິຍາຂອງຜູ້ຄົນ ຫຼັງຈາກການ​ໂຕ້​ວາທີ ຜູ້ສະໝັກ ປະທານາທິບໍດີ ເສັດສິ້ນລົງແລ້ວ


ທ່ານ Donald Trump ຜູ້ສະໝັກປະທານາທິບໍດີ ສັງກັດພັກ Republican ແລະທ່ານນາງ Hillary Clinton ສັງກັດພັກ Democratic ໃນການໂຕ້ວາທີ ທີ່ເມືອງ Hempstead ລັດ New York ວັນທີ 26 ກັນຍາ, 2016.

ຫຼັງ​ຈາກ​ທີ່​ໄດ້ທີ່​ຜູ້​ສະໝັກ​ ເປັນ​ປະທານາທິບໍດີສະຫະລັດ ຈາກສອງ​ພັກການ​ເມືອງ​ໃຫຍ່ ລົງຈາກ​ເວທີ​ໄປແລ້ວ ການ​ສົນທະນາ​ກັນ​ຍັງ​ດຳ​ເນີນ​ຢູ່​ຕໍ່​ມາທີ່​ມະຫາວິທະຍາ​ໄລ Hofstra ​ທີ່​ໄດ້ເປັນ​ເຈົ້າພາບ​ຈັດ​ການ​ໂຕ້​ວາທີປະທານາທິບໍດີ​ເທື່ອ​ທຳ​ອິດ ປີ 2016. ການ​ໂຕ້​ຖຽງ​ກັນ​ທາງຄຳ​ເວົ້າລະຫວ່າງພວກນັກຊ່ຽວຊານ ​ແລະ​ພວກ​ນັກ​ສຶກສາ ຍັງ​ດຳ​ເນີນ​ຢູ່​ຕໍ່​ມາວ່າ ​ແມ່ນ​ຜູ້​ສະ​ໝັກທ່ານ​ໃດເປັນຜູ້​ຊະນະ ​ແລະ​ແມ່ນ​ຜູ້​ໃດທີ່​ກັບ​ຄືນ​ບ້ານ ເປັນ​ຜູ້​ຜ່າ​ຍ​ແພ້. ນັກ​ຂ່າວ Ramon Taylor ມີ​ລາຍ​ງານ​ຈາ​ກມະຫາວິທະຍາ​ໄລ Hofstra ຊຶ່ງວັນນະ​ສອນ ​ຈະ​ນຳ​ເອົາລາຍ​ລະອຽດ​ມາສະ​ເໜີ​ທ່ານ​ໃນ​ອັນ​ດັບ​ຕໍ່​ໄປ.

ທີ່​ມະຫາວິທະຍາ​ໄລ Hofstra ​ໃນ​ເມືອງ Hempstead ລັດ New York ​ພວກ​ນັກ​ສຶກສາ ​ແລະບັນ​ດາຜູ້​ຊ່ຽວຊານ​ທັງຫຼາຍແມ່ນ​ໄດ້​ກວດ​ສອບ​ທຸກ​ຖ້ອຍ​ຄຳ​ເວົ້າ​ແລະ​ທຸກການ​ເຄື່ອນ​ໄຫວ ໂດຍ​ທັງ​ສອງ​ຜູ້​ທີ່​ຖືກ​ແຕ່ງຕັ້ງຂອງ​ພັກ​ການ​ເມືອງໃຫຍ່ ​ໃນ​ການ​ໂຕ້​ວາທີປະທານາທິ ບໍດີ​ເທື່ອ​ທຳ​ອິດ​ຂອງປີ 2016 ນີ້.

​ເມື່ອການ​ໂຕ້​ວາທີເສັດ​ສິ້ນ​ລົງ​ແລ້ວ ການ​ກ່າວ​ອ້າງ​ວ່າ​ຕົນເປັນ​ຜູ້ຊະນະ​ນັ້ນ ​ແມ່ນ​ເລີ່ມຂຶ້ນ.

ທ່ານ Mark Cuban ນັກ​ທຸລະກິດ​ມະຫາ​ເສດ​ຖີພັນ​ລ້ານ ​ໄດ້​ກ່າວ​ວ່າ “ທ່ານ​ນາງ​ໄດ້​ຕອບຄຳ​ຖາມແບບ​ລົງ​ເລິກ ​ແລະ​ບໍ່​ລັງ​ເລ​ໃນ​ການໃຫ້​ຄຳ​ຕອບ. ທ່ານ ​ໄດ້​ຕອບ​ໂຕ້​ຄືນ ​ເໝືອນ​ດັ່ງ​ພວກ​ທີ່​ຕອບ​ໂຕ້​ຄືນ​ທັງຫຼາຍນັ້ນ ​ເວລາ​ທ່ານ​ແຢັບ​ໄປ​ ແລະ​ກໍ​ພາດ​ເປົ້າ ທ່ານ​ກໍ​ຈະ​ບໍ່ພໍ​ໃຈ ​ແລະ​ກໍ​ຈະ​ເຮັດ​ຕື່ມ​ອີກ.”

ທ່ານ David Plouffe ນັກ​ວາງ​ແຜນຍຸດ​ທະ​ສາດການ​ເມືອງ ໄດ້​ກ່າວ​ວ່າ “ຂ້າພະ​ເຈົ້າ​ຄິດ​ວ່າ ​ໃນ​ຂະນະ​ທີ່​ການ​ໂຕ້​ວາທີ​ດຳ​ເນີນ​ຢູ່​ຕໍ່​ໄປ​ນັ້ນ​, ທ່ານ​ແມ່ນ​ມີ​ຄວາມ​ລຳ​ບາກ​ທີ່​ຈະເພັ່ງ​ເລັງຊຶ່ງ​ຂ້າພະ​ເຈົ້າ​ໝາຍ​ເຖິງ​ທ່ານ Trump ທີ່​ວ່າ ​ໃນ​ບາ​ງ​ໂອກາດ​ທ່ານ​ປະສົບ​ກັບ​ຄວາມ​ລຳບາກ​ທີ່​ຈະ​ຢືນ​ຢູ່​ໃນ​ຈຸດ​ທີ່​ວ່າ​ທ່ານ​ໄດ້ເວົ້າກ່ຽວ​ກັບ​ຫຍັງກັນ​ແທ້.”

ບັນດາ​ສະມາຊິກ​ພັກ Republican ​ທັງຫຼາຍຮວມທັງອະດີດ​ເຈົ້າ​ຄອງ​ນະຄອນ​ນິວຢ໊ອກ ທ່ານ Rudolph Guiliani ​ພວກ​ຊຶ່ງ​ຖົກ​ຖຽງ​ເລື້ອງ​ນະ​ໂຍບາຍ​ຮັກສາ​ຄວາມ​ປອດ​ໄພ ທີ່​ວ່າ “stop and frisk” ​ແມ່ນ​ໄດ້​ຍົກ​ຍ້ອງ​ທ່ານ Trump ​ໃນ​ລະຫວ່າງ​ໂຕ້​ວາ​ທີ​ນັ້ນ ​ແລະ​ຕໍ່​ມາ​ ​ໄດ້​ຍ້ອງທ່ານ Trump ວ່າ ມີ​ການ​ກະກຽມ​ທີ່​ດີກ​ວ່າ​ ເພື່ອ​ປັບປຸງ​ລະບຽບ​ກົດໝາຍ​ແລະກົດ​ລະບຽບຄຳ​ສັ່ງ ​ແລະ​ທາງ​ດ້ານ​ເສດຖະກິດ.

ທ່ານ Guiliani ​ໄດ້ກ່າວ​ວ່າ “ທ່ານ​ນາງ​ແມ່ນ​ຈອມ​ປອມ. ທ່ານ​ນາງ​ແມ່ນເປັນ​ຜູ້​ທີ່​ໄດ້​ຮັບ​ຄວາມ​ລົ້ມ​ແຫຼວ ຕອນ​ທີ່​ທ່ານ​ນາງ​ດຳລົງ​ຕຳ​ແໜ່​ງ​ເປັນ​ລັດຖະມົນຕີ​ການ​ຕ່າງປະ​ເທດ ​ແລະ​ໃນ​ການ​ທີ່​ທ່ານ​ນາງ​ໄດ້​ອະທິບາຍ​ໃນ​ຄ່ຳ​ຄືນ​ນີ້ ​ແມ່ນ​ການ​ເມີນ​ເສີຍ​ຕໍ່​ການ​ເສດຖະ ກິດ​ຢ່າງ​ບໍ່​ໜ້າ​ເຊື່ອ. ທ່ານ​ຈະ​ສາມາດ​ຮັກສາ​ວຽກ​ການ​ໄວ້ໃນ​ປະ​ເທດ​ນີ້ ​ໄດ້​ຢ່າງ​ໃດ ຖ້າ​ຫາກ​ທ່ານ​ເກັບ​ພາສີ​ຂອງ​ນັກທຸລະກິດ​ເພີ້​ມຂຶ້ນ​ຕື່ມ? ​ເປັນ​ຫຍັງ​ນັກທຸລະກິດ​ຕ້ອງການ​ຢາກ​ຈະ​ຈ່າຍ​ພາສີ​ເພີ້​ມຕື່ມ?”

ທ່ານ Ramon Taylor ຜູ້​ສື່​ຂ່າວ VOA ກ່າວ​ວ່າ ​ແຕ່​ວ່າບາງທີ ການສັນລະ​ເສີນ ຕໍ່​ການ​ໂຕ້​ວາທີ​ຂອງ​ທ່ານ Trump ​ແມ່ນ​ມາ​ຈາກຕົວທ່ານ Trump ​ເອງ.

ທ່ານ Donald Trump ຜູ້​ສະໝັກ​ເປັນ​ປະທານາທິບໍດີສະຫະລັດ ສັງກັດ​ພັກ Republican ​ໄດ້​ກ່າ​ວວ່າ “​ອິງ​ຕາມ​ການ​ຢັ່ງ​ຫາງ​ສຽງທາງ​ອິນ​ເຕີ​ແນ໊ຕທັງ​ໝົດ, ພວກ​ເຮົາ​ແມ່ນ​ເຮັດ​ໄດ້​ດີ​ຫຼາຍ. ຂ້າພະ​ເຈົ້າ​ແມ່ນ​ດີ​ໃຈ​ຫຼາຍ ທີ່​ຂ້າພະ​ເຈົ້າ​ສາມາດ​ທີ່​ຈະໂຈະ​ການ​ປະນາມ​ ບໍ່​ໃຫ້​ກຽດ ຊຶ່ງ​ເປັນ​ການ​ໃຫ້​ຄວາມ​ນັບຖືຕໍ່​ທ່ານ Bill Clinton ​ເພາະວ່າ​ຂ້າພະ​ເຈົ້າ​ໃຫ້​ຄວາມ​ຢຳ​ເກງ​ຕໍ່​ຍານາງ Chealsea Clinton ​ແລະ​ຂ້າພະ​ເຈົ້າ ບໍ່​ໄດ້​ກ່າວ​ໃນ​ຄຳ​ເວົ້າ​ທີ່​ໄດ້​ວາງ​ແຜນ​ທີ່​ຈະ​ເວົ້າ​ນັ້ນ.”

​ແຕ່​ວ່າ​ຂ້າງ​ນອກ​ເວ​ທີ​ໂຕ້​ວາ​ທີ ມີ​ນັກ​ສຶກສາ​ຫຼາຍໆ​ຄົນ ທີ່​ເບິ່ງ​ການ​ໂຕ້​ວາທີ ​ໃນ​ມະຫາວິ​ທະ ຍາ​ໄລ ໄດ້​ກ່າວ​ໃນ​ຖານະ​ເປັນ​ຜູ້​ຊ່ຽວຊານ ດ້ວຍ​ຄວາມ​ຮັກ​ຄວາມ​ສັດທາ.

ທ້າວ Brandon Lebowitz ນັກ​ສຶກສາ​ຈາກ ​ມະຫາວິທະຍາ​ໄລ Hofstra ​ໄດ້ກ່າວ​ວ່າ
“​ທ່ານ Trump ​ແມ່ນເປັນ​ຜູ້​ທີ່​ເກັ່ງ​ໃນ​ການ​ກ່າວ​ຕໍ່​ສາທາລະນະ. ພວກ​ຜູ້​ຄົນ​ດູ​ຖູ​ກຕໍ່​ການ​
ມີ​ອຳນາດ​ຂອງ​ທ່ານ​ທາງ​ດ້ານ​ກ່າວຄຳປາໄສຕໍ່​ສາທາລະນະ ​ໃນ​ການ​ສົ່ງ​ຂໍ້ຄວາມ​ຕ່າ​ງໆ​ຂອງ​ທ່ານມື້ນີ້ ທ່ານ​ໄດ້​ເຮັດ​ວຽກ​ກັບ​ພະນັກງານ​ຫຼາຍ​ພັນ​ຄົນ ທົ່ວ​ສະຫະລັດ ທ່ານ​ໄດ້​ຄຸກ​ເຄຍກັບ ພວກ​ຄົນ​ງານ​ກໍ່ສ້າງ ຈົນ​ໄປ​ເຖິງ​ນັກທຸລະກິດ​ການ​ເງິນ ຊຶ່ງ​ຖື​ວ່າ​ເກືອບ​ທຸກ​ໜ້າ​ທີ່​ການ​ງານ​ໃນ​ທຸກໆ​ດ້ານ​ເລີຍ.”

ທ້າວ Summer Mahmoud ນັກ​ສຶກສາ​ຈາກ ​ມະຫາວິທະຍາ​ໄລ Hofstra ​ໄດ້ກ່າວ​ວ່າ “ຂ້ອຍ​ເຂົ້າ​ມາ​ແບບ​ອິດສະຫຼະ ​ແຕ່​ວ່າ​ຂ້ອຍມີ​ຄວາມໝັ້ນ​ໃຈ​ຫຼາຍ​ຂຶ້ນ​ທີ່​ຈະ​ຕັດ​ສິນ​ໃຈ​ເລືອກ ທີ່​ຈະ​ລົງ​ຄະ​ແນນ​ໃຫ້​ທ່ານ​ນາງ Hillary ​ໃນ​ມື້​ນີ້. ຂ້ອຍ​ມີ​ຄວາມ​ຮູ້ສຶກ​ວ່າ​ທ່ານ​ນາງ​ມີ​ຄວາມ​ໝັ້ນ​ໃຈ​ ໃນ​ການ​ຕອບ​ຄຳ​ຖາມ​ຂອງ​ເພິ່ນ. ຂ້ອຍຮູ້ສຶກ​ວ່າ ທ່ານ​ນາງ​ໄດ້​ມີ​ການ​ຕຽມ​ພ້ອມ​ກວ່າ. ທ່ານ Trump ແມ່ນຫຼົບຫຼີກຫຼາຍໆຄຳຖາມ ຊຶ່ງທ່ານໄດ້ສະແດງອອກ ເຖິງທ່າທີ ຂອງທ່ານ ຢ່າງແຂງຂັນ ຊຶ່ງຂ້ອຍຄິດວ່າ ມັນບໍ່ແມ່ນມືອາຊີບ.”

ສຳຫຼັບບັນດານັກສຶກສາໃນ ມະຫາວິທະຍາ​ໄລ Hofstra ແລ້ວ ການໂຕ້ວາທີຍັງຈະດຳ
ເນີນຕໍ່ໄປຕື່ມ​ອີກ.

ກະລຸນາ​ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG