ໃນຂະນະທີ່ການໂຄສະນາຫາສຽງ ປະທານາທິບໍດີສະຫະລັດ ເປັນເວລານຶ່ງປີເຄິ່ງ ໃກ້ຈະ
ຈົບລົງແລ້ວ ໂດຍທີ່ຫຼາຍໆຄົນທັງຢູ່ໃນແລະນອກປະເທດທີ່ບໍ່ມີຄວາມອົດທົນ ຢາກໃຫ້ເສັດສິ້ນລົງໄວໆ ແລະກໍບໍ່ມີຫຍັງໃໝ່ໆທີ່ບັນດາຜູ້ສະໝັກ ແຕ່ລະຄົນສາມາດນຳມາສະເໜີໄດ້. ແຕ່ວ່າຢູ່ໃນການແຂ່ງຂັນທີ່ໃກ້ຄຽງກັນ ທັງຜູ້ສະໝັກຂອງພັກເດໂມແຄຣັດ ທ່ານນາງ Hillary Clinton ແລະຜູ້ສະໝັກພັກ ຣີພັບບລິກັນ ທ່ານ Donald Trump ຍັງຈະ ຕ້ອງໄດ້ຕໍ່ສູ້ ເພື່ອຍາດເອົາ ທຸກໆ ການລົງຄະແນນສຽງທີ່ເຂົາເຈົ້າສາມາດຍາດເອົາໄດ້. ການໃຊ້ສຳນວນໂວຫານທີ່ ດຸເດືອດຢູ່ແລ້ວນັ້ນແມ່ນຈະຮ້າຍແຮງຂຶ້ນຕື່ມແລະທັງສອງຝ່າຍຕ່າງກໍທຳນາຍວ່າ ຈະມີຜົນທີ່ຕິດຕາມມາແບບໃດຖ້າຫາກຝ່າຍຄູ່ແຂ່ງເປັນຜູ້ຊະນະ. ກ່ອນໜ້າການ ເລືອກຕັ້ງ ໃນວັນອັງຄານມື້ອື່ນນີ້ ຜູ້ສະໝັກທັງສອງທ່ານ ແມ່ນຍັງກາງຕໍ່ອາໄສຢ່າງໜັກ ຕໍ່ບັນດາຜູ້ສະໜັບສະໜູນ ຄອບຄົວ ແລະບັນດາສະມາຊິກາຂອງພັກ. Zlatica Hoke ມີລາຍງານກ່ຽວກັບເລື້ອງນີ້ ຊຶ່ງ ກິ່ງສະຫວັນ ຈະນຳເອົາລາຍລະອຽດ ມາສະເໜີທ່ານ.
ບັນດາຜູ້ສະໝັກ ແລະຜູ້ສະໜັບສະໜູນເຂົາເຈົ້າພາກັນໄປໆມາໆ ຢູ່ໃນລັດຕ່າງໆ ທີ່ມີຈຳນວນໂຕເລກຜູ້ແທນລັດສູງເຊັ່ນວ່າ ລັດ Florida, North Carolina ແລະ Pennsylvania. ບາງຄັ້ງບັນດາຄູ່ແຂ່ງຂັນຫລີກກັນພຽງແຕ່ໜ້ອຍດຽວ ດັ່ງທີ່ທ່ານ Donald Trump ຜູ້ສະໝັກປະທານາທິບໍດີຂອງພັກຣີ ພັບບລິກັນ ກ່າວໃນວັນພະຫັດຜ່ານມານີ້ວ່າ.
ທ່ານ Trump ກ່າວວ່າ “ແລະຂ້າພະເຈົ້າຫາກໍອອກໄປ ຈາກນະຄອນ Miami. ແລະໃນ ເວລາທີ່ອອກໄປນັ້ນ ຂ້າພະເຈົ້າກໍເຫັນເຮືອບິນ Air Force One. ເພາະສະນັ້ນ ຂ້າພະ ເຈົ້າຈຶ່ງເວົ້າກັບຕົນເອງວ່າ “ຂ້າພະເຈົ້າຄິດວ່າ ຜູ້ນັ້ນ ຈະ ແມ່ນໃຜນໍ.” ແລະແມ່ນປະທາ ນາທິບໍດີຂອງພວກເຮົາບໍ ແລະລາວມາທີ່ນີ້ເພື່ອ ໂຄສະນາຫາສຽງ ໃຫ້ແກ່ “Hillary ຂີ້ສໍ້ບໍ.”
ທ່ານ Trump ໄດ້ເຕືອນບັນດາຜູ້ປ່ອນບັດວ່າ ບັນຫາອີແມລຂອງ ທ່ານນາງ Clinton ຈະບໍ່ໜີໄປໃສ ຖ້າຫາກທ່ານນາງຖືກເລືອກແລະການສືບສວນຈະໃຊ້ ເງິນຜູ້ເສຍພາສີເປັນຈຳນວນຫຼວງຫລາຍຫລືຫລາຍຕື່ມຂຶ້ນ ດັ່ງດຽວກັນກັບການ ສືບສວນກ່ຽວກັບຄວາມປະ ພຶດ ຂອງສາມີທ່ານນາງ ເວລາທ່ານເປັນປະທານາທິ ບໍດີ.
ທ່ານ Trump ກ່າວວ່າ “ທານນາງມີທ່າທາງວ່າຈະຢູ່ພາຍໃຕ້ການສືບສວນເປັນເວລາ ຫລາຍໆປີ. ນອກຈາກນັ້ນ ຍັງມີທ່າທາງວ່າຈະສະຫລຸບດ່້ວຍການດຳເນີນຄະດີ. ນີ້ຈະ ເປັນການຫຍຸ້ງຍາກຢູ່ຫລາຍໆປີ ທີ່ຈະເກີດຂຶ້ນ ກ່ອນທີ້ເຂົາເຈົ້າຈະລົງຄວາມເຫັນໄດ້. ພວກເຮົາບໍ່ຕ້ອງການໃຫ້ເປັນເຊັ່ນນັ້ນ. ພວກເຮົາຕ້ອງການປະທານາທິບໍດີ ທີ່ຈະເຂົ້າ ໄປ ແລະເຮັດໜ້າທີ່ໂລດ.”
ທ່ານນາງ Melania ພັນລະຍາຂອງທ່ານ Trump ອອກມາກ່າວຄຳປາໄສເປັນເທື່ອທຳອິດ ນັບແຕ່ກອງປະຊຸມໃຫຍ່ພັກຣີພັບບລິກກັນ ໂດຍໄດ້ຖະແຫລງຕໍ່ບັນ ດາຜູ້ມີສິດປ່ອນບັດຢູ່ລັດ Pennsylvania.
ທ່ານນາງກ່າວວ່າ “ທ່ານ Trump ໄດ້ໃຫ້ຄຳໝັ້ນສັນຍາ ທີ່ຟື້ນຟູກຽດສັກສີຂອງ ວໍຊິງ ຕັນ ແລະໃຫ້ຕ່າງປະເທດຄວາມເຄົາລົບນັບຖືອາເມຣິກາ. ນີ້ບໍ່ແມ່ນການໂຄສະນາ ທຳມະດາ. ມັນແມ່ນການເຄື່ອນໄຫວ.”
ມັນເປັນການເຄື່ອນໄຫວ ທີ່ຊາວອາເມຮິກັນຄວນຈະຢ້ານ ອີງຕາມທ່ານນາງ Clinton ແລະຝ່າຍຂອງທ່ານນາງ.
ທ່ານນາງ Clinton ກ່າວວ່າ “ຖ້າຫາກທ່ານ Donald Trump ຊະນະການເລືອກຕັ້ງ ຄັ້ງນີ້ ພວກເຮົາຈະໄດ້ມີຜູ້ບັນຊາການສູງສຸດ ທີ່ເກີນກວ່າຄວາມສາ ມາດຂອງຜູ້ກ່ຽວຢ່າງຊິ້ນເຊີງ ແລະເປັນແນວຄິດທີ່ເປັນອັນຕະລາຍຢ່າງບໍ່ໜ້າ ເຊື່ອ ເປັນບຸກຄົນທີ່ຕ້ອງ ການຢາກໃຫ້ຫລາຍປະເທດມີອາວຸດນິວເຄລຍ ແລະ ອາດຈະສາມາດໝິ່ນປະໝາດ ບັນດາຜູ້ນຳຕ່າງປະເທດຢ່າງງ່າຍດາຍແລະເລີ້ມ ສົງຄາມທີ່ແທ້ຈິງ ແທນທີ່ຈະເປັນສົງ ຄາມ Twitter.
ທ່ານນາງ Clinton ໄດ້ໂຄສະນາຫາສຽງຢູ່ລັດ North Carolina ໃນວັນພະ ຫັດທີ່ຜ່ານມານີ້ໃນຂະນະທີ່ທ່ານ Barack Obama ໂຄສະນາຊ່ວຍທ່ານນາງ ທີ່ລັດ Florida.
ປະທານາທິບໍດີ Obama ກ່າວວ່າ “ຂ້າພະເຈົ້າບໍ່ໄດ້ມີຊື່ໃນການປ່ອນບັດເທື່ອນີ້ ແຕ່ວ່າ ຄວາມທ່ຽງທຳ ແມ່ນຢູ່ໃນການປ່ອນບັດ. ຄວາມເໝາະສົມແມ່ນຢູ່ໃນການ ປ່ອນບັດ. ຄວາມຍຸຕິທຳຢູ່ໃນການປ່ອນບັດ. ຄວາມກ້າວໜ້າທັງໝົດທີ່ພວກເຮົາໄດ້ເຮັດມາແມ່ນຢູ່ກັບການປ່ອນບັດ. ການປະຕິຮູບຄົນເຂົ້າເມືອງຢູ່ກັບການປ່ອນບັດ. ການຂຶ້ນຊົ່ວໂມງເຮັດວຽກຂັ້ນຕ່ຳສຸດຢູ່ກັບການປ່ອນບັດ. ການຈ່າຍທີ່ເທົ່າທຽມກັນໃນການເຮັດວຽກ ຢູ່ກັບການປ່ອນບັດ. ປະຊາທິປະໄຕແມ່ນຢູ່ກັບການປ່ອນບັດ."
ຄວາມກົດດັນຂອງບັນດາຜູ້ປ່ອນບັດກຳລັງເພີ້ມທະວີຂຶ້ນ ໂດຍສະເພາະບັນດາຜູ້ທີ່ບໍ່ສວຍໃຊ້ ການປ່ອນບັດກ່ອນກຳນົດແລະຈະປ່ອນບັດເຂົາເຈົ້າໃນວັນອັງຄານ ມື້ອຶ່ນນີ້.
