ປະທານາທິບໍດີສະຫະລັດ ທ່ານບາຣັກ ໂອບາມາ ໄດ້ຮ້ອງຂໍ
ຕໍ່ລັດຖະສະພາ ໃນວັນພຸດວານນີ້ ໃຫ້ອະນຸມັດຢ່າງເປັນທາງການ
ຕໍ່ການໃຊ້ກຳລັງທະຫານ ໃນການເຮັດສົງຄາມຕໍ່ຕ້ານ ພວກກໍ່
ການຮ້າຍລັດອິສລາມ.
ໃນການຖະແຫຼງຢູ່ທີ່ທຳນຽບຂາວນັ້ນ ທ່ານໂອບາມາເວົ້າວ່າ
ການຮ້ອງຂໍດັ່ງກ່າວ ຈະບໍ່ແມ່ນການອະນຸມັດ ເພື່ອໃຫ້ເຮັດສົງ
ຄາມພາກພື້ນດິນອີກຄັ້ງນຶ່ງ ຄືກັນກັບທີ່ສະຫະລັດ ໄດ້ເຮັດມາ
ຢູ່ໃນອີຣັກ ແລະອັຟການິສຖານ. ປະທານາທິບໍດີ ອະທິບາຍວ່າ
ການອະນຸມັດດັ່ງກ່າວນີ້ ຈະອະນຸຍາດໃຫ້ທ່ານ ສົ່ງກອງກຳລັງ
ພິເສດ ຕົວຢ່າງວ່າ ຖ້າຫາກສະຫະ ລັດໄດ້ຮັບຂ່າວລັບທີ່ສາມາດປະຕິບັດການໄດ້ ກ່ຽວກັບບ່ອນທີ່ພວກຜູ້ ນຳລັດອິສລາມເຕົ້າໂຮມກັນຢູ່ນັ້ນ.
ຄຳຮ້ອງຂໍການອະນຸມັດທີ່ທ່ານໄດ້ສະເໜີໄປນັ້ນ ຈະຈຳກັດການປະຕິບັດງານຕ່າງໆ ພາຍໃນ 3 ປີ ແລະຫ້າມບໍ່ໃຫ້ກອງທະຫານພົວພັນໃນອັນ ທີ່ຄຳຮ້ອງຂໍລະບຸວ່າ “ການບຸກໂຈມຕີທາງພາກພື້ນດິນທີ່ຍືດເຍື້ອນັ້ນ.”
ປະທານາທິບໍດີ ໂອບາມາ ກ່າວຖະແຫລງ ຜ່ານທາງໂທລະພາບທີ່ຖ່າຍທອດທົ່ວປະເທດ
ວ່າ “ພາລະກິດອັນນີ້ ແມ່ນຍາກລຳບາກ ແລະ ມັນຈະຄົງຍາກລຳບາກຢູ່ໃນອີກ
ລະຍະນຶ່ງ ແຕ່ແນວໂຮມຂອງພວກເຮົາແມ່ນກຳລັງບຸກໂຈມຕີ. ພວກລັດອິສລາມ
ແມ່ນກຳລັງຢູ່ໃນທ່າຕັ້ງຮັບ ແລະພວກລັດອິສລາມ ໃນທີ່ສຸດກໍຈະປະລາໄຊ.”
ຮ່າງຂໍ້ສະເໜີຂອງທ່ານໂອບາມາ ລະບຸວ່າ ການປະຕິບັດງານສູ້ລົບທາງພາກພື້ນດິນ
ຂະໜາດໃຫຍ່ ທີ່ຄ້າຍຄືກັນກັບໃນອີຣັກ ແລະ ອັຟການິສຖານນັ້ນ ຄວນປະໄວ້ໃຫ້ເປັນ
ໜ້າທີ່ຂອງກອງກຳລັງທ້ອງຖິ່ນ ແທນທີ່ຈະເປັນຂອງກອງທະຫານສະຫະລັດ.
