ທ່ານຍ່າງອອກມາພ້ອມກັບສຽງຕົບມືຕ້ອນຮັບຢ່າງອົບອຸ່ນ ແລະຍາວນານ, ເຊິ່ງທ່ານກ່າວຂອບໃຈ ແລະເລີ້ມຕົ້ນຄໍາປາໄສດ້ວຍການເລົ່າເຖິງປະຫວັດສາດທີ່ຍິ່ງໃຫຍ່ຂອງ ສະຫະລັດ.
ທ່ານເລົ່າເຖິງການໄປປ່ອນບັດເລືອກຕັ້ງຂອງປະຊາຊົນຊາວອາເມຣິກັນ, ເຊິ່ງພວກເຂົາໄດ້ທໍາການເລືອກເອົາຜູ້ນໍາພຽງຄົນດຽວ ແລະພວກເຂົາເຈົ້າກໍດໍສເນີນໄປດ້ວຍສັນຕິວິທີ, ເຊິ່ງທ່ານກ່າວວ່າ:
“ຄວາມປາດຖະໜາຂອງປະຊາຊົນ ແມ່ນຢູ່ເໜືອກວ່າສິ່ງອື່ນໃດ.”
ທ່ານ ໄບເດັນ ກ່່າວເຖິງການສົນທະນາຂອງທ່ານ ກັບ ທ່ານ ດໍໂນລ ທຣໍາ, ຜູ້ທີ່ໄດ້ຮັບໄຊຊະນະຈາກການເລືອກຕັ້ງປະທານາທິບໍດີໃນວັນອັງຄານທີ່ຜ່ານມາດ້ວຍການເຮັດໃຫ້ໝັ້ນໃຈວ່າ ໃນການຜ່ຽນຜ່ານ ທຸກຢ່າງຈະຕ້ອງດໍາເນີນໄປດ້ວຍຄວາມຖືກຕ້ອງ, ສະຫງົບ ແລະ ສັນຕິວິທີ, ນັ້ນ ຄືສິ່ງທີ່ຊາວອາເມຣິກັນສົມຄວນຈະຕ້ອງໄດ້ຮັບ.
ນອກນັ້ນ, ທ່ານ ໄບເດັນ ຍັງໄດ້ເລົ່າເຖິງການໂອ້ລົມຂອງທ່ານ ກັບຮອງປະທານາທິບໍດີ ພ້ອມທັງຍ້ອງຍໍ ທ່ານນາງ ຄາມາລາ ແຮຣິສ, ທ່ານໄດ້ເຫັນ ແລະຮຽນຮູ້ຫຼາຍສິ່ງທີ່ວິເສດຂອງທ່ານນາງ ພ້ອມທັງກ່າວວ່າ ທ່ານນາງ ແຮຣິສ ດໍາເນີນການໂຄສະນາຫາສຽງດ້ວຍການ “ສ້າງແຮງບັນດານໃຈ” ແລະ “ທຸ້ມເທທັງຫົວໃຈ ແລະຄວາມພະຍາຍາມ.”
ທ່ານ ໄບເດັນ ກ່າວວ່າ ທ່ານຍອມຮັບຜົນທີ່ອອກມາ ແລະການເລືອກຕັ້ງ ກໍດໍາເນີນໄປຢ່າງຍຸຕິທໍາ ແລະໄສສະອາດ. ຂ້າພະເຈົ້າຮູ້ວ່າ ສໍາລັບບາງຄົນແລ້ວ ນີ້ແມ່ນເວລາແຫ່ງໄຊຊະນະ, ແຕ່ຄົນອີກຈໍານວນນຶ່ງແລ້ວ ນີ້ແມ່ນຊ່ວງເວລາແຫ່ງການສູນເສຍ, ການໂຄສະນາຫາສຽງກໍຄືການແຂ່ງຂັນໃນມຸມມອງຂອງຜູ້ລົງແຂ່ງຂັນ, ປະເທດຊາດເລືອກເອົາພຽງນຶ່ງດຽວ ແລະພວກເຮົາກໍຍອມຮັບໃນສິ່ງທີ່ປະເທດຊາດກໍານົດອອກມາ.
ທ່ານ ກ່າວວ່າ: “ດັ່ງທີ່ຂ້າພະເຈົ້າເຄີຍກ່າວອອກມາເລື້ອຍໆວ່າ ພວກທ່ານບໍ່ພຽງແຕ່ຮັກປະເທດຂອງພວກທ່ານ ໃນຍາມທີ່ພວກທ່ານໄດ້ຮັບໄຊຊະນະ, ທ່ານບໍຄວນຮັກເພື່ອນບ້ານຂອງພວກທ່ານ ພຽງແຕ່ຍາມທີ່ພວກທ່ານເຫັນດີເຫັນພ້ອມເທົ່ານັ້ນ.”
ທ່ານ ໄບເດັນ ຈະຮັກສາສັນຍາທີ່ໄດ້ສາບານໄວ້ວ່າ “ໃນວັນທີ 20 ມັງກອນນີ້ ພວກເຮົາຈະມີການປ່ຽນອໍານາດດ້ວຍສັນຕິວິທີ.”
ທ່ານກ່າວຂອບໃຈພະນັກງານທຸກໆຄົນທີ່ປະຕິບັດໜ້າທີ່ຂອງຕົນ ພ້ອມທັງກ່າວວ່າ ໃຫ້ພູມໃຈໃນໜ້າທີ່ທີ່ພວກເຂົາເຈົ້າລົງມືປະຕິບັດ “ມັນເປັນປະຫວັດສາດແທ້ໆ.”
ທ່ານ ໄບເດັນ ກ່າວວ່າ: “ອຸປະສັກເປັນສິ່ງທີ່ຫຼີກລ່ຽງບໍ່ໄດ້, ແຕ່ການຍອມແພ້ກໍເປັນສິ່ງທີ່ບໍ່ສາມາດໃຫ້ອະໄພໄດ້. ພວກເຮົາຊິບໍ່ເປັນຫຍັງ, ແຕ່ພວກເຮົາ ຈໍາເປັນຕ້ອງມີຄວາມມຸ່ງໝັ້ນ, ພວກເຮົາຕ້ອງກ້າວຕໍ່ໄປ ແລະເໜືອສິ່ງອື່ນໃດ ພວກເຮົາຕ້ອງເຊື່ອໝັ້ນໃນສັດທາ.”
ທ່ານກ່າວມ້ວນທ້າຍດ້ວຍການກ່າວຂອບໃຈ ແລະກັບຄືນ
ຟໍຣັມສະແດງຄວາມຄິດເຫັນ