ໃນຄຳປາໄສປະຈຳສັບປະດາ ໃນວັນເສົາມື້ນີ້ ປະທານາທິບໍດີບາຣັກ ໂອບາມາ ໄດ້ສຳນຶກເຖິງບຸນຄຸນຂອງແມ່ທຸກໆຄົນເນື່ອງໃນກາດການສະເຫລີມສະຫລອງວັນແມ່ທີ່ຈະ ມາເຖິງ ໃນມື້ອື່ນນີ້ ຮວມທັງສະຕີໝາຍເລກນຶ່ງ ທ່ານນາງ Michelle Obama.
ປະທານາທິບໍດີໂອບາມາ ໄດ້ກ່າວຢ້ຳວ່າ ພວກເຮົາຄວນໃຫ້ການສະໜັບສະໜຸນຕໍ່ພໍ່ແມ່ ທຸກໆຄົນໃນສິ່ງທີ່ພວກເພິ່ນຕ້ອງການໂດຍສະໜອງວັນພັກທີ່ມີການຈ່າຍເງິນໃຫ້ແກ່ແມ່ແລະພໍ່ ເວລາໄດ້ລູກໃໝ່ ການຈ່າຍເງິນເວລາເຈັບປ່ວຍ ການອຳນວຍຄວາມສະດວກສຳ ລັບພວກຄົນງານທີ່ຖືພາ ການຮັກສາສຸຂະພາບທີ່ດີ ການເບິ່ງແຍງລູກເຕົ້າ ການເຮັດວຽກທີ່ສາມາດປັບປ່ຽນ ການຈ່າຍເງິນເດືອນ ທີ່ເທົ່າທຽມກັນ ແລະຄ່າຈ້າງແຮງງານຕ່ຳສຸດ ທີ່ເໝາະສົມ.
ນອກນັ້ນ ປະທານາທິບໍດີຍັງໄດ້ກ່າວຢ້ຳເຖິງຄວາມສຳຄັນກ່ຽວກັບບັນຫາຕ່າງໆ. ປະທາ ນາທິບໍດີໄດ້ຮຽກຮ້ອງໃຫ້ສະພາສະເຫລີມສະຫລອງວັນແມ່ແບບມີຄວາມໝາຍໂດຍເອົາ ບາດກ້າວກ່ຽວກັບບັນຫາເຫລົ່ານີ້.
