ມີລາຍງານວ່າ ສອງຄົນເສຍຊີວິດຫຼັງຈາກໄດ້ເກີດແຜ່ນດິນໄຫວຂະໜາດແຮງ ຢູ່ນອກແຄມຝັ່ງມະຫາສະມຸດປາຊິຟິກຂອງປະເທດ Costa Rica ເມື່ອວັນພຸດວານນີ້.
ອົງການສໍາຫຼວດທໍລະນີວິທະຍາສະຫະລັດ ເວົ້າວ່າ ແຜ່ນດິນໄຫວທີ່ມີຄວາມແຮງ 7.6 ຣິກເຕີ ມີຈຸດສູນກາງຢູ່ນອກຝັ່ງທະເລຫ່າງຈາກນະຄອນຫຼວງ San Jose ໄປທາງກໍ້າຕາເວັນຕົກ ປະມານ 140 ກິໂລແມັດ. ຫຼັງຈາກນັ້ນກໍເກີດແຜ່ນດິນໄຫວຂະໜາດນ້ອຍຕາມມາອີກສອງບັ້ນ.
ເຈົ້າໜ້າທີ່ Costa Rica ກ່າວວ່າ ນຶ່ງໃນສອງຄົນທີ່ເສຍຊີວິດນັ້ນ ແມ່ນຍ້ອນເປັນຫົວໃຈວາຍ. ຜູ້ຄົນຈຳນວນນຶ່ງໄດ້ຮັບການປິ່ນປົວ ຍ້ອນອາການບາດເຈັບ ແຕ່ຈໍານວນຜູ້ທີ່ໄດ້ຮັບບາດເຈັບນັ້ນຍັງບໍ່ຊາບເທື່ອໃນເວລານີ້.
ແຜ່ນດິນໄຫວໄດ້ກໍ່ໃຫ້ເກີດດິນເຈື່ອນຢູ່ໃນປະເທດ Costa Rica ແລະສ້າງຄວາມເສຍຫາຍເພພັງແກ່ໂຄງສ້າງຕຶກອາຄານ ແລະຖະໜົນຕ່າງໆ. ປະຊາຊົນໃນນະຄອນ San Jose ເວົ້າວ່າ ໂທລະສັບກໍໃຊ້ການບໍ່ໄດ້ ເສົາໄຟຟ້າລົ້ມເດຍລະດາດຢູ່ຕາມຖະໜົນຫົນທາງ. ແຮງສະເທືອນຂອງແຜ່ນດິນໄຫວ ຍັງເຮັດໃຫ້ເກີດຕື່ນຕົກໃຈຢູ່ໃນປະເທດ Nicaragua ບ່ອນທີ່ໂຮງຮຽນຫຼາຍແຫ່ງຖືກປິດລົງຊົ່ວຄາວນັ້ນ.
ສູນກາງເຕືອນໄພຄື້ນຟອງສຸນາມິມະຫາສະມຸດປາຊິຟິກ ກໍໄດ້ອອກຄໍາເຕືອນກ່ຽວກັບຟອງສຸນາມິ ທີ່ Costa Rica, Panama ແລະ Nicaragua ແຕ່ກໍໄດ້ຍົກເລີກຄໍາເຕືອນດັ່ງກ່າວ ປະມານນຶ່ງຊົ່ວໂມງຫຼັງ ຈາກເກີດແຜ່ນດິນໄຫວ.
ອົງການສໍາຫຼວດທໍລະນີວິທະຍາສະຫະລັດ ເວົ້າວ່າ ແຜ່ນດິນໄຫວທີ່ມີຄວາມແຮງ 7.6 ຣິກເຕີ ມີຈຸດສູນກາງຢູ່ນອກຝັ່ງທະເລຫ່າງຈາກນະຄອນຫຼວງ San Jose ໄປທາງກໍ້າຕາເວັນຕົກ ປະມານ 140 ກິໂລແມັດ. ຫຼັງຈາກນັ້ນກໍເກີດແຜ່ນດິນໄຫວຂະໜາດນ້ອຍຕາມມາອີກສອງບັ້ນ.
ເຈົ້າໜ້າທີ່ Costa Rica ກ່າວວ່າ ນຶ່ງໃນສອງຄົນທີ່ເສຍຊີວິດນັ້ນ ແມ່ນຍ້ອນເປັນຫົວໃຈວາຍ. ຜູ້ຄົນຈຳນວນນຶ່ງໄດ້ຮັບການປິ່ນປົວ ຍ້ອນອາການບາດເຈັບ ແຕ່ຈໍານວນຜູ້ທີ່ໄດ້ຮັບບາດເຈັບນັ້ນຍັງບໍ່ຊາບເທື່ອໃນເວລານີ້.
ແຜ່ນດິນໄຫວໄດ້ກໍ່ໃຫ້ເກີດດິນເຈື່ອນຢູ່ໃນປະເທດ Costa Rica ແລະສ້າງຄວາມເສຍຫາຍເພພັງແກ່ໂຄງສ້າງຕຶກອາຄານ ແລະຖະໜົນຕ່າງໆ. ປະຊາຊົນໃນນະຄອນ San Jose ເວົ້າວ່າ ໂທລະສັບກໍໃຊ້ການບໍ່ໄດ້ ເສົາໄຟຟ້າລົ້ມເດຍລະດາດຢູ່ຕາມຖະໜົນຫົນທາງ. ແຮງສະເທືອນຂອງແຜ່ນດິນໄຫວ ຍັງເຮັດໃຫ້ເກີດຕື່ນຕົກໃຈຢູ່ໃນປະເທດ Nicaragua ບ່ອນທີ່ໂຮງຮຽນຫຼາຍແຫ່ງຖືກປິດລົງຊົ່ວຄາວນັ້ນ.
ສູນກາງເຕືອນໄພຄື້ນຟອງສຸນາມິມະຫາສະມຸດປາຊິຟິກ ກໍໄດ້ອອກຄໍາເຕືອນກ່ຽວກັບຟອງສຸນາມິ ທີ່ Costa Rica, Panama ແລະ Nicaragua ແຕ່ກໍໄດ້ຍົກເລີກຄໍາເຕືອນດັ່ງກ່າວ ປະມານນຶ່ງຊົ່ວໂມງຫຼັງ ຈາກເກີດແຜ່ນດິນໄຫວ.