ເກີດແຜ່ນດິນໄຫວຂະໜາດແຮງ ຢູ່ພາກຕາເວັນຕົກ ຂອງປະເທດຍີ່ປຸ່ນ.
ແຜ່ນດິນໄຫວທີ່ມີຄວາມແຮງ 6.6 ໄດ້ເກີດຢູ່ເລິກປະມານ 10 ກິໂລແມັດ ໃນເຂດເມືອງ Tottori ຊຶ່ງຕັ້ງຢູ່ແຄມທະເລຍີ່ປຸ່ນ ໃນຕອນບ່າຍວັນສຸກມື້ນີ້.
ການສັ່ນສະເທືອນຢ່າງແຮງຂອງແຜ່ນດິນໄຫວ ໄດ້ເຮັດໃຫ້ຫຼາຍພັນຫລັງຄາເຮືອນບໍ່ມີໄຟຟ້າໃຊ້.
ທ່ານ Koji Nakahara ເຈົ້າໜ້າທີ່ຂອງເມືອງ Hokuel ຊຶ່ງເປັນເມືອງແຄມທະເລກ່າວວ່າ “ໄດ້ເກີດຄວາມສັ່ນສະເທືອນຢ່າງແຮງ.”
ເວລານີ້ຍັງບໍ່ທັນມີລາຍງານກ່ຽວກັບຈຳນວນຜູ້ບາດເຈັບລົ້ມຕາຍຫຼືຄວາມເສຍຫາຍຮ້າຍແຮງໃດໆເທື່ອ.
ພວກນັກພະຍາກອນອາກາດ ກ່າວວ່າ ບໍ່ມີໄພອັນຕະລາຍ ຈາກຄື້ນຟອງຍັກສຸນາມິໃດໆ.
