ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

​ລັດຟ​ລໍ​ຣິ​ດາ ​​ຈະ​ທຳ​ການ ຟື້ນ​ຟູຄືນ ຢ່າງ​ໄວ​ ຫຼັງ​ຈາກ​ ເຮີ​ຣິ​ເຄນ ໄມ​ເກີ​ລ ຜ່ານ​ໄປ


ຕົ້ນ​ປາມ​ຖືກ​ລົມ​ພັດ​ຢ່າງ​ແຮງ​ໃນ​ຂະ​ນະ​ທີ່​ມີເຮີຣິ​ເຄນໄມ​ເກີ​ລ ພັດ​ເຂົ້າ​ໄປ​ໃນ​ເມືອງປາ​ນາ​ມາ ທີ່​ຕັ້ງ​ຢູ່​ແຄມ​ທະ​ເລ ໃນ​ລັດ​ຟ​ລໍ​ຣິ​ດາ ໃນ​ວັນ​ທີ 10 ຕຸ​ລາ, 2018.
ຕົ້ນ​ປາມ​ຖືກ​ລົມ​ພັດ​ຢ່າງ​ແຮງ​ໃນ​ຂະ​ນະ​ທີ່​ມີເຮີຣິ​ເຄນໄມ​ເກີ​ລ ພັດ​ເຂົ້າ​ໄປ​ໃນ​ເມືອງປາ​ນາ​ມາ ທີ່​ຕັ້ງ​ຢູ່​ແຄມ​ທະ​ເລ ໃນ​ລັດ​ຟ​ລໍ​ຣິ​ດາ ໃນ​ວັນ​ທີ 10 ຕຸ​ລາ, 2018.

ຜູ້​ປົກ​ຄອງ​ລັດຟ​ລໍ​ຣິ​ດາ, ທ່ານ ຣິກ ສະ​ກັອດ (Rick Scott) ​ໃນ​ວັນ​ພະ​ຫັດ​ມື້ນີ້ ໃຫ້
​ສັນ​ຍາ​ວ່າ ລັດ​ຖະ​ບານ​ຂອງ​ທ່ານຈະໃຫ້ການ​ບັນ​ເທົາ​ທຸກ​ຢ່າງ​ແຂງ​ຂັນພາຍ​ຫລັງ​ທີ່
ລັດ​ດັ່ງ​ກ່າວ ໄດ້​ຮັບ​ຜົນກະ​ທົບ​ຈາກລົມ​ພາ​ຍຸ​ເຮີ​ຣິ​ເຄນໄມ​ເກິ​ລ ຊຶ່ງເປັນ​ລົມ​ພາ​ຍຸ​ທີ່​ມີ
​ພະ​ລັງ​ແຮງ​ທີ່​ສຸດ ​ທີ່​ເຄີຍ​ປະ​ທະ​ແຜ່ນ​ດິນ​ໃຫຍ່​ສະ​ຫະ​ລັດ ​ໃນ​ຮອບ 50 ປີຜ່ານ​ມາ.

“ພວກ​ເຮົາ​ຈະ​ຟື້ນ​ຟູ​ຄືນ ແລະ​ຕອບ​ສະ​ໜອງ​ຢ່າງ​ແຂງ​ຂັນ ​ພາຍ​ໃນ​ບໍ່​ເທົ່າ​ໃດ​ມື້ຕໍ່​ໜ້າ
ນີ້ ແລະ​ຈະ​ເຮັດ​ທຸກ​ສິ່ງທຸກ​ຢ່າງ​ທີ່​ພວກ​ເຮົາ​ສາ​ມາດ​ເຮັດ​ໄດ້ ເພື່ອ​ຊ່ວຍ​ຊຸມ​ຊົນ​ຂອງ
​ພວກ​ເຮົາ ທີ່​ໄດ້​ປະ​ເຊີນ​ກັບ​ຜົນ​ກະທົບ​ ຂອງ​ພາ​ຍຸ​ທີ່​ຫາ​ຍະ​ນະ​ນີ້,” ນັ້ນ​ຄື​ຄຳ​ເວົ້າ
​ຂອງ​ທ່ານ​ສະ​ກັອດ.

ທ່ານ​ຍັງ​ໄດ້​ຮຽກ​ຮ້ອງ​ໃຫ້​ປະ​ຊາ​ຊົນ​ທີ່​ຖືກ​ກະ​ທົບ​ໂດຍ​ພາ​ຍຸ​ເຮີ​ຣີ​ເຄນໃຫ້​ພາ​ກັນຢູ່​
ໃນ​ເຮືອນ​ ເພື່ອອຳ​ນວຍ​ໃຫ້​ພະ​ນັກ​ງານ​ກູ້​ໄພ​ສຸກ​ເສີນ​ສາ​ມາດ​ປະ​ຕິ​ບັດ​ງານ​ຂອງ
​ພວກ​ເຂົາ​ເຈົ້າໄດ້.

ສູນ​ກາງ​ເຮີ​ຣິ​ເຄນ​ແຫ່ງ​ຊາດ​ໄດ້​ປະ​ເມີນລົມ​ພາ​ຍຸ​ດັ່ງ​ກ່າວວ່າ ໄດ້​ຫຼຸດ​ລະ​ດັບ​ຄວາມ​
ຮ້າຍ​ແຮງລົງມາ​ເປັນ​ລົມ​ພາ​ຍຸ​ເຂດຮ້ອນໃນ​ຕອນ​ເຊົ້າໆ ​ຂອງວັນ​ພະ​ຫັດ​ມື້ນີ້ ໂດຍ
​ກ່າວ​ວ່າ ​ຄວາມ​ແຮງສູງ​ສຸດ​ຂອງລົມພາ​ຍຸ​ເຮີ​ຣິ​ເຄນນີ້ ໄດ້​ຫລຸດ​ລົງ​ມາ​ຢູ່​ໃນ​ລະ​ດັບ​
ຕ່ຳ​ກວ່າລະ​ດັບຄວາມ​ແຮງ​ຂອງ​ພາ​ຍຸ​ເຮີ​ຣິ​ເຄນ.

ແຕ່​ວ່າ ໃນ​ຂະ​ນະ​ທີ່​ລົມ​ໄດ້​ອ່ອນ​ແຮງ​ລົງ ໄພ​ນາບ​ຂູ່​ຂອງ​ຝົນ​ທີ່​ຕົກ​ມາ​ຖ້ວມເຂດ
​ດັ່ງ​ກ່າວ ຊຶ່ງ​ລວມ​ທັງ​ເຂດ​ທີ່​ໄດ້​ຖືກ​ນ້ຳ​ຖ້ວມ​ຂັງ ຍ້ອນ​ພາ​ຍຸ​ເຮ​ຣິ​ເຄນ​ທີ່​ພັດ​ມາ
​ເມື່ອມໍ່ໆ​ມາ ຢູ່​ຕາມ​ແຄມ​ຝັ່ງ​ທະ​ເລ​ພາກ​ຕາ​ເວັນ​ອອກ​ຂອງ​ສະ​ຫະ​ລັດຢູ່​ແລ້ວນັ້ນ.


ພາ​ຍຸ​ນີ້ ໄດ້​ພັດ​ເຂົ້າ​ໄປ​ໃນ​ລັດ​ຈໍ​ເຈຍ​ຢູ່​ຕະ​ຫລອດ​ຄືນ ແລະ​ມີ​ການ​ພະ​ຍາ​ກອນ​ວ່າ
ຈະ​ພັດ​ເປັນ​ແລວ​ຊ້າໆ​ ໄປ​ທົ່ວ​ລັດ​ຄາ​ໂຣ​ໄລ​ນາ​ໃຕ້, ຄາ​ໂຣ​ໄລ​ນາ​ເໜືອ ແລະ​ລັດ​
ເວີ​ຈີ​ເນຍ ກ່ອນ​ຈະ​ອອກ​ໄປ​ຫາ​ມະ​ຫາ​ສະ​ໝຸດແອັດແລນ​ຕິກ​ໃນ​ຕອນ​ເຊົ້າວັນ​ສຸກ
ມື້​ອື່ນນີ້. ລັດ​ເຫລົ່າ​ນັ້ນ ອາດ​ໄດ້​ຮັບ​ນ້ຳ​ຝົນ​ໃນ​ລະ​ຫວ່າງປະ​ມານ 7 ຫາ 15 ຊັງ​
ຕີ​ແມັດ.

ພວກ​ເຈົ້າ​ໜ້າ​ທີ່​ເວົ້າ​ວ່າ ມີ​ຄົນ​ເສຍ​ຊີ​ວິດ​ຄົນ​ນຶ່ງ ​ຍ້ອນ​ລົມ​ພາ​ຍຸນີ້ ພາຍ​ຫລັງ​ທີ່​ກົກ
ໄມ້​ຕົ້ນ​ນຶ່ງ​ ຫັກ​ລົງ​ທັບ​ຊາຍຜູ້​ນຶ່ງ​ ຢູ່​ໃນ​ເມືອງ​ຫລວງທາ​ລ​ລາ​ຮາ​ຊ​ຊີ
(Tallahassee) ຂອງ ລັດຟ​ລໍ​ຣິ​ດາ.

ຄົນ​ອາ​ໄສ​ຢູ່​ໃນ​ເຮືອນ​ຫລັງ​ນຶ່ງ ທີ່​ຖືກ​ກົກ​ໄມ້​ລົ້ມ​ທັບ ພາ​ກັນ​ຫອບ​ເອົາ​ເຄື່ອງ​ໜີ​ໄປ ເມື່ອ​ເຮີ​ຣິ​ເຄນ ໄມ​ເກີ​ລ ເຂົ້າ​ປະ​ທະ​ເມືອງ ປາ​ນາ​ມາ ໃນວັນ​ທີ 10 ຕຸ​ລາ, 2018
ຄົນ​ອາ​ໄສ​ຢູ່​ໃນ​ເຮືອນ​ຫລັງ​ນຶ່ງ ທີ່​ຖືກ​ກົກ​ໄມ້​ລົ້ມ​ທັບ ພາ​ກັນ​ຫອບ​ເອົາ​ເຄື່ອງ​ໜີ​ໄປ ເມື່ອ​ເຮີ​ຣິ​ເຄນ ໄມ​ເກີ​ລ ເຂົ້າ​ປະ​ທະ​ເມືອງ ປາ​ນາ​ມາ ໃນວັນ​ທີ 10 ຕຸ​ລາ, 2018

ເຮີ​ຣິ​ເຄນ​ໄມ​ເກິີລ ໄດ້​ພັດ​ຂຶ້ນຝັ່ງ ໃນ​ວັນ​ພຸດ​ວານນີ້ ຢູ່​ເຂດພາກ​ຕາ​ເວັນ​ຕົກ​ສຽງ
ເໜືອ​ສຸດຂອງ​ລັດ​ຟ​ລໍ​ຣິ​ດາ ດ້ວຍ​ລົມ​ແຮງທີ່​ຄົງ​ຕົວ​ຢູ່ໃນ​ລະ​ດັບ 249 ກິ​ໂລ​ແມັດ​ຕໍ່
​ຊົ່ວ​ໂມງ ຊຶ່ງ​ເຮັດ​ໃຫ້ເຮີ​ຣິ​ເຄນ​ຫົວ​ນີ້ມີ​ຄວາມ​ແຮງເກືອບ​ຮອດ​ລະດັບ 5 ຊຶ່ງເປັນ
​ລະ​ດັບ​ສູງ​ສຸດ​ ​ສຳ​ລັບໃຊ້​ວັດ​ແທກຄວາມ​ແຮງ ແລະ​ລະ​ດັບ​ຄວາມ​ສາ​ມາດ​ຂອງ
​ເຮີ​ຣິ​ເຄນ ທີ່​ພາ​ໃຫ້​ເກີດ​ຄວາມ​ເສຍ​ຫາຍໄດ້.

“ພວກ​ເຮົາ​ກຳ​ລັງ​ປະ​ເຊີນ​ກັບນະ​ຮົກ​ຢູ່,” ນັ້ນ​ຄື​ຄຳເວົ້າ​ຂອງ​ຜູ້ອ​າ​ໄສຢູ່​ໃນ​ເມືອງປາ
​ນາ​ມາ ​ທີ່​ຕັ້ງ​ຢູ່​ແຄມ​ທະ​ເລ ທີ່​ໄດ້​ຕັດ​ສິນ​ໃຈ​ບໍ່​ຍອມ​ຍົກ​ຍ້າຍ​ໜີ ໃຊ້​ເພື່ອ​ພັນ​ລະ​ນາ
​ເຖິງເຮີຣິ​ເຄນໄມ​ເກີ​ລ ໃນະ​ຂະ​ນ​ທີ່​ມັນ​ພັດ​ຂຶ້ນ​ຝັ່ງ.

ຊາວ​ເມືອງ​ປາ​ນາ​ມາ ພາ​ກັນ​ໄປ​ອາ​ໄສ​ຢູ່​ສູນ​ລົບ​ໄພ ທີ່​ໂຮງ​ຮຽນ​ມັດ​ທະ​ຍົມ​ປາຍ Rutherford ກ່ອນ​ເຮີ​ຣິ​ເຄນ ໄມ​ເກີ​ລ​ຈະ​ໄປ​ເຖິງ ໃນ​ວັນ​ທີ 10 ຕຸ​ລາ 2018
ຊາວ​ເມືອງ​ປາ​ນາ​ມາ ພາ​ກັນ​ໄປ​ອາ​ໄສ​ຢູ່​ສູນ​ລົບ​ໄພ ທີ່​ໂຮງ​ຮຽນ​ມັດ​ທະ​ຍົມ​ປາຍ Rutherford ກ່ອນ​ເຮີ​ຣິ​ເຄນ ໄມ​ເກີ​ລ​ຈະ​ໄປ​ເຖິງ ໃນ​ວັນ​ທີ 10 ຕຸ​ລາ 2018

ພາ​ຍຸ​ດັ່ງ​ກ່າວ​ໄດ້​ພັດ​ເອົາ​ຕົ້ນ​ໄມ້​ ແລະສາຍ​ໄຟຂາດ ຢູ່​ທົ່ວ​ຫົວ​ເມືອງຕ່າງໆ ໃນເຂດແຄມ​ອ່າວເມັກ​ຊິ​ໂກ​ໃນ​ລັດ​ຟ​ລໍ​ຣິ​ດາ ໃນ​ຂະ​ນະ​ທີ່​ມັນ​ໄດ້​ພັດ​ໃຫ້ຫຼັງ​ຄາ​ເຮືອນ​ເປີດ ແລະ​ເຮັດ​ໃຫ້ມີນ້ຳສູງ​ຫຼາຍ​ແມັດໄຫລ​ຂຶ້ນຖ້ວມ​ເຂດ​ດັ່ງ​ກ່າວ ​ຍ້ອນຄວາມ​ແຮງຂອງ​ລົມ​ພາ​ຍຸ​.

Explainer: What is a Hurricane?
please wait

No media source currently available

0:00 0:01:30 0:00

ອ່ານ​ຂ່າວນີ້​ເພີ້ມ​ເປັນ​ພາ​ສາ​ອັງ​ກິດ

XS
SM
MD
LG