ສະຫະພາບຢູໂຣບ ຫລື EU ໄດ້ຂົ່ມຂູ່ ຈະທຳການລົງໂທດຊຸດ
ໃໝ່ຕໍ່ຣັດເຊຍ ຖ້າມົສກູຍັງສືບຕໍ່ການເຄື່ອນໄຫວທາງທະຫານ
ຂອງຕົນ ໃນພາກຕາເວັນອອກຂອງຢູເຄຣນ ຕໍ່ໄປ. ແຕ່ EU
ແມ່ນມີຄວາມແຕກແຍ້ງກັນ ກ່ຽວກັບລະດັບຄວາມຮຸນແຮງ
ຂອງມາດຕະການລົງໂທດທີ່ອາດຈະນຳໃຊ້ນັ້ນ ຍ້ອນວ່າ
ຫລາຍໆປະເທດ ໃນຈຳນວນສະມາຊິກ 28 ປະເທດ ຂອງ
ອີຢູ ແມ່ນເພິ່ງພາອາໄສຣັດເຊຍ ໃນດ້ານການຄ້າ ແລະແກັສ.
ກອງປະຊຸມບັນດາຜູ້ນຳສະຫະພາບຢູໂຣບ ຢູ່ໃນນະຄອນຫລວງ
ບຣັສເຊີລສ໌ ໄດ້ປະກາດໃນຕອນເຊົ້າຂອງວັນອາທິດມື້ນີ້ ຫຼັງຈາກການປຶກສາຫາລືອັນ
ຍາວນານວ່າ ພວກຕົນໄດ້ຂໍຮ້ອງໃຫ້ຄະນະກຳມາທິການອີຢູ ເຮັດລາຍການຂອງມາດຕະ
ການຕ່າງໆ ຂຶ້ນມາພາຍໃນອາທິດນຶ່ງ ເພື່ອນຳໃຊ້ຕໍ່ຣັດເຊຍ ຖ້າຫາກຣັດເຊຍບໍ່ຕ່າວປິ້ນແນວທາງຂອງຕົນ ໃນຢູເຄຣນ.
ປະທານສະພາຢູໂຣບ ທ່ານ Van Rompuy ກ່າວວ່າ “ສະພາ
ຢູໂຣບ ກ່າວວ່າ ຕົນພ້ອມແລ້ວ ທີ່ຈະເອົາບາດກ້າວຕ່າງໆ
ທີ່ສຳຄັນຕໍ່ໄປ ຕໍ່ໜ້າ ການປ່ຽນແປງໄປໃນສະຖານະການ
ຢູ່ພາກພື້ນດິນ ແລະໄດ້ຂໍຮ້ອງໃຫ້ ຄະນະກຳມາທິການອີຢູ
ກະກຽມວຽກງານຢ່າງຮີບດ່ວນ ພ້ອມໆກັນກັບ ພະແນກກິດ
ພາຍນອກຂອງຢູໂຣບ ແລະໃຫ້ນຳສະເໜີ ຂໍ້ສະເໜີຕ່າງໆ
ເພື່ອພິຈາລະນາ ພາຍໃນນຶ່ງອາທິດ.”
ນາຍົກລັດຖະມົນຕີເຢຍຣະມັນ ທ່ານນາງ Angela Merkel ກ່າວ
ວ່າ ປະທານາທິບໍດີຣັດເຊຍ ທ່ານ Vladimir Putin ຕ້ອງເຄື່ອນ
ໄຫວຢ່າງວ່ອງໄວ ເພື່ອຫລີກເວ້ນການລົງໂທດຊຸດໃໝ່ນີ້.
ບັນດາເຈົ້າໜ້າທີ່ຂັ້ນສູງຂອງອີຢູ ໄດ້ພົບປະໃນວັນເສົາວານນີ້ ຢູ່ໃນນະຄອນຫລວງບຣັສ
ເຊີລສ໌ ກັບປະທານາທິບໍດີຢູເຄຣນ ທ່ານ Petro Poroshenko ທີ່ຂໍຮ້ອງໃຫ້ມີການຕອບໂຕ້
ທີ່ໜັກແໜ້ນຂຶ້ນອີກ ຈາກບັນດາປະເທດຕາເວັນຕົກ ຕໍ່ວິກິດການໃນປະເທດຂອງທ່ານນັ້ນ.
ການເຄື່ອນໄຫວ ຄັ້ງໃໝ່ ຂອງຣັດເຊຍ ໃນ ຢູເຄຣນ
