ປະທານາທິບໍດີຢູເຄຣນ ທ່ານ Petro Poroshenko ກ່າວວ່າ
ກອງທັບຂອງທ່ານແມ່ນພ້ອມແລ້ວທີ່ຈະນຳເອົາອາວຸດໜັກກັບ
ຄືນໄປສູ່ເຂດແນວໜ້າໃນພາກຕາເວັນອອກຢູເຄຣນ ໂດຍໃຫ້
ຂໍ້ສັງເກດວ່າ ພວກກະບົດທີ່ຣັດເຊຍໜູນຫຼັງ ຍັງສືບຕໍ່ລະເມີດ
ຂໍ້ຕົກລົງຢຸດຍິງ ທີ່ໄດ້ບັນລຸກັນ ໃນເດືອນແລ້ວນີ້.
ທ່ານ Poroshenko ກ່າວໃນວັນສຸກມື້ນີ້ວ່າ ກອງທັບຢູເຄຣນ
“ພ້ອມແລ້ວທຸກເວລາ ທີ່ຈະລຸກຂຶ້ນຕໍ່ສູ້ກັບສັດຕູ.”
ນອກນັ້ນ ທ່ານຍັງກ່າວວ່າ ການຂົ່ມຂູ່ທາງທະຫານຈາກຕາ
ເວັນອອກ ຈະຍັງຄົງມີຢູ່ ຖ້າຫາກການຢຸດຍິງຍັງໄດ້ຮັບການ
ເຄົາລົບຢູ່ ຊຶ່ງເປັນທີ່ຈະແຈ້ງໝາຍເຖິງຣັດເຊຍ.
ສະຖານະການ ໃນ ຢູເຄຣນ
ລັດຖະມົນຕີຕ່າງປະເທດຣັດເຊຍ ທ່ານ Sergei Lavrov ກ່າວໃນວັນສຸກມື້ນີ້ວ່າ ໄດ້ມີ
ຄວາມຄືບໜ້າກ່ຽວກັບການຖອນອາວຸດໜັກ ຢູ່ພາກຕາເວັນອອກຂອງຢູເຄຣນ. ທ່ານ
ໄດ້ເນັ້ນໜັກເຖິງຄວາມສຳຄັນ ໃນການປະຕິບັດຕາມພາກສ່ວນ ອື່ນໆຂອງຂໍ້ຕົກລົງຢຸດ
ຍິງ ຮວມທັງບັນຫາດ້ານມະນຸດສະທຳ ທີ່ສຳຄັນຕ່າງໆ ແລະການປະຕິຮູບລັດຖະທຳມະ
ນູນ ຢູ່ໃນຂົງເຂດ Donbas ທາງພາກຕາເວັນອອກຂອງຢູເຄຣນ.
ໃນວັນພະຫັດວານນີ້ ກອງທະຫານຢູເຄຣນ ໄດ້ເລີ້ມຖອນປືນໃຫຍ່ອອກຈາກເຂດແນວ
ໜ້າ ທີ່ບ້ານທາງພາກຕາເວັນອອກແຫ່ງນຶ່ງ ໃກ້ກັບເມືອງ Debaltseve ທີ່ໄດ້ຮັບຄວາມ
ເສຍຫາຍຢ່າງໜັກ ຊຶ່ງຢູ່ພາຍໃຕ້ການຕິດຕາມ ເບິ່ງຢ່າງໃກ້ຊິດຂອງຄະນະສັງເກດການ
ຢູໂຣບ ກ່ຽວກັບການຢຸດຍິງ.
ບັນດາເຈົ້າໜ້າທີ່ທະຫານໃນວັນພະຫັດວານນີ້ ໄດ້ສະແດງໃຫ້ບັນດານັກຂ່າວຈາກອົງ
ການຂ່າວ Reuters ໄດ້ເຫັນລົດແກ່ປືນໃຫຍ່ 100 ມິນລີແມັດ ຈາກບ້ານ Paras-
koviyvka ໃນຂະນະທີ່ຢູເຄຣນ ຮັບຮູ້ເຖິງຫລຸດຜ່ອນການໂຈມຕີ ຈາກພວກກະບົດ ໃນ
ໄລຍະບໍ່ເທົ່າໃດມື້ທີ່ຜ່ານມານີ້.
