ລິ້ງ ສຳຫລັບເຂົ້າຫາ

ວັນສຸກ, ໒໔ ພຶດສະພາ ໒໐໒໔

ນາງ ສຕອມມີ ເດນຽລສ໌ ຍຶດໝັ້ນໃນຄຳກ່າວອ້າງຂອງນາງ ເລື້ອງການມີເພດສຳພັນກັບທ່ານ ທຣຳ ໃນປີ 2006


ນາງ ສຕອມມີ ເດນຽລສ໌ (Stormy Daniels) ຂຶ້ນໃຫ້ການເປັນພະຍານ ໃນຂະນະທີ່ພາບໂປຣໂມດ ສຳລັບລາຍການນຶ່ງຂອງນາງ ທີ່ມີຮູບຂອງອະດີດປະທານາທິບໍດີສະຫະລັດ ທ່ານ ດໍໂນລ ທຣຳ ປາກົດຢູ່ເທິງໜ້າຈໍ ໃນສານອາຍາ ແມນຮັດຕັນ, ນະຄອນ ນິວຢອກ, ວັນທີ 9 ພຶດສະພາ 2024.
ນາງ ສຕອມມີ ເດນຽລສ໌ (Stormy Daniels) ຂຶ້ນໃຫ້ການເປັນພະຍານ ໃນຂະນະທີ່ພາບໂປຣໂມດ ສຳລັບລາຍການນຶ່ງຂອງນາງ ທີ່ມີຮູບຂອງອະດີດປະທານາທິບໍດີສະຫະລັດ ທ່ານ ດໍໂນລ ທຣຳ ປາກົດຢູ່ເທິງໜ້າຈໍ ໃນສານອາຍາ ແມນຮັດຕັນ, ນະຄອນ ນິວຢອກ, ວັນທີ 9 ພຶດສະພາ 2024.

ທະ​ນາຍ​ຄວາມຕໍ່ສູ້ຄະດີໃຫ້ອະດີດ​ປະ​ທາ​ນາ​ທິ​ບໍ​ດີ​ສະ​ຫະ​ລັດ ທ່ານ​ດໍ​ໂນ​ລ ທ​ຣຳ ໄດ້​ດູຫມິ່ນ​ນັກ​ສະ​ແດງ​ໜັງຜູ້ໃຫຍ່ ນາງ ສຕອມມີ ເດນຽລສ໌ (Stormy Daniels) ວ່າ​ເປັນ​ຄົນ​ຂີ້​ຕົວະ​ເພື່ອ​ເງິນ​ ໃນ​ການໄຕ່ສວນຄະດີອາຍາ ຂອງນາງ ຢູ່​ໃນ​ການດຳ​ເນີນ​ຄະດີທາງອາຍາ​ຂອງ​ທ່ານ ໃນ​ວັນ​ພະ​ຫັດ​ວານນີ້. ​ແຕ່​ນາງ​ຍຶດໝັ້ນ​ກັບ​ຄຳກ່າວ​ອ້າງ​ຂອງນາງທີ່ວ່າ​ ທ່ານໄດ້​ເຊີນ​ນາງ​ໄປ​ກິນ​ອາ ຫານຄໍ່າ ​ໃນ​ຫ້ອງ​ພັກ​ຢູ່ໂຮງ​ແຮມ​ຂອງ​ທ່ານ​ໃນ​ປີ 2006, ໂດຍບໍ່​ເຄີຍ​ເອົາ​ອາຫານ​ເຂົ້າ​ໄປ ແລະຕໍ່ມາໄດ້ຖອດເຄື່ອງອອກ​ເພື່ອ​ມີ​ເພດ​ສຳພັນ​ກັບ​ນາງ.

ທະນາຍຄວາມຕໍ່ສູ້ຄະດີ ທ່ານນາງ ຊູຊານ ແນັກເລັສ (Susan Necheles) ບອກກັບ ນາງ ເດນຽລສ໌ (Daniels) ວ່າການປະເຊີນໜ້າກັນໃນການແຂ່ງ ຂັນກິ​ລາ ກ໊ອຟ ທີ່ມີຊື່ສຽງຢູ່ທີ່ Lake Tahoe ໃນລັດ ເນວາດາ ບໍ່ເຄີຍເກີດ ຂຶ້ນມາກ່ອນ, "ເຈົ້າມີປະສົບການຢ່າງຫຼວງຫຼາຍໃນການສ້າງເລື່ອງຂີ້ຕົວະ ກ່ຽວກັບ ການຮ່ວມເພດໃຫ້ກາຍເປັນເລື້ອງແທ້" ໃນຫຼາຍກວ່າ 200 ຮູບເງົາ ລາ​ມົກທີ່ນາງໄດ້ສະແດງ ຫຼືຜະລິດ.

ແຕ່ ນາງ ເດນຽລສ໌ (Daniels) ຕອບວ່າ, "ນັ້ນ ບໍ່ແມ່ນຮູບແບບທີ່ຂ້ອຍ ຈະອະທິບາຍມັນ. ການຮ່ວມເພດໃນຮູບເງົາກໍຄືສະເໜືອນຈິງຫຼາຍ, ຄືກັນ ກັບສິ່ງທີ່ເກີດຂຶ້ນກັບຂ້ອຍຢູ່ໃນຫ້ອງນັ້ນ.”

ນາງ ແນັກເລັສ (Necheles) ໄດ້ຖາມວ່າ "ເຈົ້າເປັນຄົນສ້າງເລື້ອງທັງຫມົດນີ້, ແມ່ນບໍ່?" ນາງ ເດນຽລສ໌ (Daniels) ຕອບຢ່າງໜັກແໜ້ນວ່າ "ບໍ່."

"ເຈົ້າກຳລັງພະຍາຍາມເຮັດໃຫ້ຂ້ອຍເວົ້າວ່າມັນມີການປ່ຽນແປງ, ແຕ່ມັນກໍບໍ່ປ່ຽນ ແປງ," ນາງ ເດນຽລສ໌ (Daniels) ຜູ້ທີ່ມີອາຍຸ 45 ປີ ເວົ້າກ່ຽວກັບເລື່ອງຂອງ ນາງ.

ນາງຍັງໄດ້ດູຖູກທ່ານ ທຣຳ ຜູ້ທີ່ມີອາຍຸ 77 ປີ ທີ່ນັ່ງຢູ່ໃກ້ໆກັບໂຕະຂອງຝ່າຍ ຕໍ່ສູ້ຄະດີ.

ຖ້າການປະເຊີນໜ້າທີ່ບໍ່ຕ້ອງການຂອງນາງ ກັບ ທຣໍາ ບໍ່ເປັນຄວາມຈິງ, ນາງ ເດນຽລສ໌ (Daniels) ໄດ້ໃຫ້ການວ່າ, "ຂ້ອຍຄົງຈະຂຽນມັນໃຫ້ດີຂຶ້ນກວ່ານີ້ ຫຼາຍ," ເຊິ່ງເຮັດໃຫ້ມີສຽງຫົວຢູ່ໃນຫ້ອງໄຕສວນຄະດີຂອງສານ.

ອ່ານຂ່າວນີ້ເປັນພາສາອັງກິດ

ຟໍຣັມສະແດງຄວາມຄິດເຫັນ

XS
SM
MD
LG