ລິ້ງ ສຳຫລັບເຂົ້າຫາ

ວັນພະຫັດ, ໒໕ ກໍລະກົດ ໒໐໒໔

ພະສັນຕະປາປາ Francis ຊົງ​ຢ້ຽມຢາມ​ ອາ​​ລ​ເບ​ເນຍ ເປັນເວລາໜຶ່ງມື້ (ວີດີໂອ)


Pope Francis waves to faithful as he is driven through the crowd in Mother Teresa Square in Tirana, Sept. 21, 2014.
Pope Francis waves to faithful as he is driven through the crowd in Mother Teresa Square in Tirana, Sept. 21, 2014.

ພະສັນຕະປາປາ Francis ຊົງ​ກຳລັງຢ້ຽມຢາມ ​ປະ​ເທດ
​ອາລ​ເບ​ເນຍ ຊຶ່ງ​ເປັນ​ເທື່ອ​ທຳ​ອິດ ທີ່​ພະ​ອົງ​ສະເດັດ​ປະພາດ
​ປະ​ເທດ​ນຶ່ງ​ໃນ​ຢູ​ໂຣບທີ່​ຢູ່ນອກ​ປະ​ເທດອີ​ຕາ​ລີ​.

ຜູ້ນຳສາສະໜາ​ໂຣມັນ ຄາ​ທໍລິກ ທີ່​ມີ​ສາວົກຈຳນວນ ໜຶ່ງ​ຕື້​ຄົນ
ໃນໂລກ ຈະ​ຊົງ​ປະກອບ​ພິທີ​ທາງ​ສາສະໜາກາງ​ແຈ້ງ ຢູ່​ທີ່ຈະຕຸ​ລັດ
Mother Teresa ​ໃນ​ນະຄອນຫລວງ Tirana ໃນລະຫວ່າງການ
​ຢ້ຽມຢາມ​ເປັນ​ເວລາໜຶ່ງ​ມື້ໃນ​ວັນ​ອາທິດ​ມື້​ນີ້. ພະອົງຍັງ​ຈະຊົງ​
ພົບ​ປະກັບ​ປະທານາທິ ບໍດີ​ອາ​ລ​ເບ​ເນຍ ທ່ານ Bujar Nishani
​ແລະ ມີ​ກຳນົດ ​ທີ່​ຈະໄປ​ຢ້ຽມຢາມ​ພວກ​ເດັກ​ກຳພ້ານຳ.

​ພະສັນຕະປາປາ Francis ໄດ້​ກ່າວ​ ໃນ​ລະຫວ່າງ​ການ​ເດີນ​ທາງ​ ໄປ​ຍັງ​ປະ​ເທດອາລ​ເບ​ເນຍ ​ວ່າ ​ປະ​ເທດ​ນ້ອຍໆ​ແຫ່ງ​ນັ້ນ ​ໄດ້ “​ບັນລຸຄວາມ​ສຳ​ເລັດ ​ໃນການປະສົບ​ກັບ ສັນຕິ​ພາບ ລະຫວ່າງ​ຫລາຍໆສາສະໜາທີ່​ແຕກ​ຕ່າງກັນ.”

ອາລ​ເບເນຍ ເຄີຍເປັນລັດ​ຄອມ​ມິວນິສ ​ແລະ ດຽວ​ນີ້ ​ໄດ້​ເປັນ​ແບບຢ່າງ​ຂອງການ​ຢູ່​ຮ່ວມ​ກັນ ລະຫວ່າງ ຄຣິສ​ຕຽນກັບ​ມຸສລິ​ມ.

ຮູບ​ພາບ​ອັນ​ໃຫຍ່​ໂຕ ​ຂອງ​ບັນດາ​ນັກບວດ​ຄາ​ທໍ​ລິກ ​ແລະ ​ແມ່​ຊີ ຜູ້​ທີ່​ໄດ້​ຖືກ​ປະ​ຫັດ​ປະຫານ ພາຍ​ໃຕ້​ລັດທິ​ຄອມ​ມິວນິສ ​ໄດ້​ຖືກ​ແຂວນ​ໄວ້​ຢູ່​ຕາມ​ທ້ອງ​ຖະໜົນ​ໃຫຍ່ ​ທີ່ເນັ່ງ​ໄປ​ຫາຈັດ​ຕຸ​ລັດ Mother Teresa.

ການ​ກັບ​ຄືນ​ມາ​ຂອງ​ສາສະໜາ​ຄາ​ທໍ​ລິກ ຢູ່​ໃນ​ອາລ​ເບ​ເນຍນັ້ນ ສ່ວນ​ນຶ່ງ​ແມ່ນ​ເປັນ​ ຍ້ອນ​ຄວາມເຫລື້​ມໄສ​ໃນ​ໂຕ​ແມ່​ຊີ Mother Teresa ຜູ້​ທີ່​ເກີດ​ຢູ່ມາ​ເຊ​ໂດ​ເນຍ​ໃນປັດຈຸບັນ​ນີ້ ​ແຕ່​ມີ​ເຊື້ອສາຍ​ອາລ​ເບ​ເນຍ.

POPE ALBANIA VO
please wait
Embed

No media source currently available

0:00 0:00:51 0:00

XS
SM
MD
LG