ລິ້ງ ສຳຫລັບເຂົ້າຫາ

ວັນຈັນ, ໒໐ ພຶດສະພາ ໒໐໒໔

ພະສັນຕະປາປາ ແຟຣນຊິສ ພົບປະກັບ ທ່ານນາງ ອອງ ຊານ ຊານ ຊູ ຈີ


ພະສັນຕະປາປາ ແຟຣນຊິສ ພົບປະກັບ ທີ່ປຶກສາລັດຖະບານ ແລະລັດຖະມົນຕີຕ່າງປະເທດ ແຫ່ງ ສາທາລະນະລັດ ສະຫະພາບມຽນມາ ທ່ານນາງ ອອງ ຊານ ຊູ ຈີ.
ພະສັນຕະປາປາ ແຟຣນຊິສ ພົບປະກັບ ທີ່ປຶກສາລັດຖະບານ ແລະລັດຖະມົນຕີຕ່າງປະເທດ ແຫ່ງ ສາທາລະນະລັດ ສະຫະພາບມຽນມາ ທ່ານນາງ ອອງ ຊານ ຊູ ຈີ.

ພະ​ສັນ​ຕະປາ​ປາ ​ແຟຣນຊິ​ສ ກຳ​ລັງ​ພົບ​ປະໃນມື້ນີ້ ​ກັບຜູ້ນຳ​ພົນລະ​ເຮືອນ​ມຽນ ມາທ່ານ
​ນາງ ອອງຊານ ຊູ ຈີ ນຶ່ງ​ມື້​ຫລັງ​ຈາກ​ພວກຜູ້ບັນຊາການ​ທະຫານຂອງ​ປະ​ເທດ​ກ່າວ​ວ່າ
ທ່ານ​ໄດ້​ກ່າວຕໍ່ພະ​ສັນ​ຕະປະ​ປາວ່າ “ບໍ່​ມີ​ການ​ຈຳແນກກີດກັນ​ທາງ​ສາສໜາ​ຢູ່” ​ໃນ​
ມຽນມາ.

ສະຫະ​ປະຊາ​ຊາດ ​ແລະ​ສະຫະລັດ ​ໄດ້​ກ່າວ​ຫາກອງ​ທັບມຽນມາວ່າ “ກວດລ້າງ​ຊົນ​ຊາດ
ຊົນເຜົ່າ” ​ໃນ​ຄວາ​ມຮຸນ​ແຮງ​ຕໍ່ຕ້ານຊາວ​ມຸສລິ​ມ​ໂຣຮິງ​ຢາ​ແລະ​ທ່ານ​ນາງ ອອງ ຊານ ຊູ ຈີ
ຜູ້​ໄດ້​ຮັບ​ລາງວັນໂນແບລຂະແໜງ​ສັນຕິພາບ ​ໄດ້​ປະ​ເຊີນ​ໜ້າ​ກັບ​ການ​ຕິ​ຕຽນ​ກ່ຽວກັບການ
ຮັບມື​ກັບ​ວິ​ກິດ​ການ.

ທ່ານ​ນາງໄດ້​ກ່າວ​ໃນ​ອາທິດ​ແລ້ວນີ້ ​ເວລາ​ມີການຖ​າມ​ກ່ຽວ​ກັບ​ການ​ລະເມີດສິດທິ​ມະນຸດ
ວ່າ “ພວກ​ເຮົາ​ບໍ່​ສາມາດ​ເວົ້າ​ວ່າ​ ມັນ​ໄດ້​ເກີດ​ຂຶ້ນ ຫລື​ບໍ່. ​ໃນຖານະທີ່ລັດ ຖະບານເປັນຜູ້
ຮັບຜິດຊອບ​ ພວກ​ເຮົາຕ້ອງ​ໃຫ້​ເປັນ​ທີ່​ແນ່ໃຈ​ວ່າ​ມັນ​ຈະ​ບໍ່​ເກີດ​ຂື້ນ.”

ພະ​ສັນ​ຕະປາ​ປາ​ແຟຣນຊິ​ສ ​ໄດ້​ພົບ​ປະ​ກັບ​ຜູ້ນຳທະຫານ ນາຍ​ພົນ​ອະວຸ​ໂສ ມິນ ອັອງ
ຮ​ແລງ ​ໃນ​ວັນ​ຈັນ​ວານ​ນີ້ ​ໃນ​ຂະນະ​ທີ່​ພະ​ອົງ​ຊົງ​ເລີ້ມ​ການສະເດັດປະພາດ ມຽນມາ ທີ່ຕັ້ງ
ຢູ່ໃນເອ​ເຊຍ​ອາຄະ​ເນ ​ເພື່ອ​ສົນທະນາ​ຫາລືກ່ຽວກັບຄວາ​ມຮຸນ​ແຮງ​ຢູ່​ໃ​ນລັດຣາໄຄນ໌​ ທີ່​
ໄດ້​ເຮັດ​ໃຫ້ຊາວ​ໂຣຮິງ​ຢາ 620,000 ຄົນ​ພາກັນ​ຫລົບໜີ​ໄປສູ່​ບັງ​ກລາ​ແດັສທີ່ເປັນ
ເພື່ອນບ້ານ.

ນາຍພົນ ມິນ ອອງ ຮະ​ແລງ ກ່າວ​ຢູ່​ໃນ ເຟສບຸກ ທີ່​ພິມເຜີຍແຜ່​ໂດຍ​ຫ້ອງການ​ຂອງ​ທ່ານ
ວ່າ “ມຽນມາບໍ່​ມີ​ການ​ຈຳແນກກີດກັນ​ ທາງ​ສາສໜາ​ຫຍັງ​ໝົ​ດ. ​ເຊັ່ນ​ດຽວ​ກັນກັບກ​ອງທັບ​ຂອງພວກ​ເຮົາ​ຄື​ກັນ ປະຕິບັດໜ້າທີ່​ເພື່ອໃຫ້ມີ​ສັນຕິພາບ ​ແລະ​ສະຖຽນ​ລະ​ພາບ​ຂອງ​
ປະ​ເທດ.”

ຫລັງ​ຈາກການພົບປະເປັນເວລາ 15 ນາທີ​ໂຄສົກ​ວັງ​ວາ​ຕິ​ກັນ​ ທ່ານເກຣັກ ​ເບິ​ກ ​ໄດ້​ກ່າວ
​ວ່າ ທັງ​ສອງທ່ານ “​ໄດ້​ສົນ​ທະ​ນາ​ເຖິງ​ຄວາມ​ຮັບຜິດຊອບ​ອັນ​ໃຫຍ່​ຂອງ​ພວກ​ເຈົ້າ​ໜ້າ​ທີ່
​ຂອງປະ​ເທດ​ໃນ​ໄລຍະ​ຂ້າມ​ຜ່ານ​ຂອງ​ປະ​ເທດໃນ​ເວລາ​ນີ້” ກ່ອນ​ມີ​ການແລກປ່ຽນ​ຂອງ
ຂວັນ​ກັນ.

ເຈົ້າໜ້າທີ່iຮັກສາຄວາມປອດໄພຄົນນຶ່ງ ປິດປະຕູເຂົ້າເຮືອນ ບິສຊອບ ທີ່ມຽນມາ ຫລັງຈາກ ຂະບວນລົດນຳພາຜູ້ນຳທະຫານມາເຖິງ.
ເຈົ້າໜ້າທີ່iຮັກສາຄວາມປອດໄພຄົນນຶ່ງ ປິດປະຕູເຂົ້າເຮືອນ ບິສຊອບ ທີ່ມຽນມາ ຫລັງຈາກ ຂະບວນລົດນຳພາຜູ້ນຳທະຫານມາເຖິງ.

ຊາວ​ມຽນມາ​ຫລາຍ​ພັນ​ຄົນ ຂອງຊາວຄາໂທລິກ​ຈຳນວນເກືອບ 700,000 ຄົນ ​ໄດ້​ພາ
ກັນ​ເດີີ​ນທາງໄປຕ້ອນຮັບ​ພະ​ສັນ​ຕະປະ​ປາ ​ໃນ​ຂະນະ​ທີ່​ເຮືອບິນຂອງພະ​ອົງລົງຈອດທີ່​
ສະໜາມ​ບິນນະຄອນ​ຢາງ​ກຸ້​ງແລະ​ຫລາຍ​ກວ່າ 150,000 ​ຄົນໄດ້​ລົງ​ທະບຽນ ເພື່ອເຂົ້າ
ຮ່ວມພິທີ​ສູດ​ມົນຂະໜາດໃຫຍ່ ​ທີ່​ພະ​ອົງ​ຈະ​ຈັດ​ຂຶ້ນ​ໃນ​ວັນ​ພຸດ​ມື້​ອື່ນ​ນີ້ ອີງ​ຕາມ​ໂຄສົກ​
ສາສະໜາ​ຄາ​ໂທ​ລິກາຂອງມຽນມາ ທ່ານມາຣິ​ອາໂນ ​ໂຊ ​ແນ້ງ.

ຮູບພາບພະສັນຕະປາປາ ແຟຣນຊິສ ເດີນທາງມາເຖິນນະຄອນຢາງກຸ້ງ ປະເທດມຽນມາ ວັນທີ 27 ພະຈິກ, 2017.
ຮູບພາບພະສັນຕະປາປາ ແຟຣນຊິສ ເດີນທາງມາເຖິນນະຄອນຢາງກຸ້ງ ປະເທດມຽນມາ ວັນທີ 27 ພະຈິກ, 2017.

​ສາສະໜາ​ຄາ​ໂທ​ລິກໃນມຽນມາ ​ໄດ້​ຮຽກຮ້ອງ​ຢ່າງ​ເປີ​ດ​ເຜີຍ ຂໍໃຫ້​ພະ​ສັນ​ຕະປະ​ປາ
ແຟຣນຊິ​ສ ​ຫລີກ​ລ່ຽງການໃຊ້ຄຳ​ເວົ້າ “​ໂຣຮິງ​ຢາ” ​ເພາະວ່າ​ກຸ່ມຊົນກຸ່ມນ້ອຍ ດັ່ງກ່າວ​ບໍ່
​ໄດ້​ຖືກ​ຮັບ​ຮູ້ຢູ່​ໃນ​ປະ​ເທດ.

ແຜນທ່ີ່ ເດີນທາງຢ້ຽມຢາມເອເຊຍ ຂອງພະສັນຄະປາປາ ແຟຣນຊິສ.
ແຜນທ່ີ່ ເດີນທາງຢ້ຽມຢາມເອເຊຍ ຂອງພະສັນຄະປາປາ ແຟຣນຊິສ.

ຜູ້ນໍາ​ສາສະໜາ​ໂຣມັນ​ຄາ​ໂທ​ລິກ ​ໄດ້​ຮ້ອງຊາວ​ມຸສລິ​ມ​ໂຣຮິງ​ຢາ ຢູ່​ໃນ​ປະ​ເທດທີ່​ຖື​ສາສ
ໜາ​ພຸດ​ເປັ​ນສ່ວນ​ໃຫຍ່ວ່າ “ພວກ​ອ້າ​ຍ ​ແລະ​ເອື້ອຍ” ຂອງ​ທ່ານ ໂດຍໄດ້ ກ່າວ​ຕໍ່​ຕ້ານ
ການໃຊ້​ຄວາ​ມຮຸນ​ແຮງ ​ຢູ່​ໃນ​ລັດຣາໄຄນ໌​ທີ່​ມີ​ບັນຫາ​ນັ້ນ.

ທ່ານ​ເບີກ​ບໍ່​ໄດ້ແຈ້ງໃຫ້ຊາບວ່າ ພະ​ສັນ​ຕະປະ​ປາ​ແຟຣຊິ​ສ ​ໄດ້​ໃຊ້​ຄໍາ​ເວົ້າ​ດັ່ງ​ກ່າວ​ຢູ່​ໃນ
​ການ​ພົບ​ປະ​ກັບ​ນາ​ຍພົນມຽນມາຫຼືບໍ່.

ອ່ານຂ່າວນີ້ເພີ້ມເປັນພາສາອັງກິດ

Opoe Myanmar
please wait
Embed

No media source currently available

0:00 0:01:37 0:00

XS
SM
MD
LG