ພະສັນຕະປະປາແຟຣນຊິສຊົງແຕ່ງຕັ້ງ ພະຄາດີນານ ອົງທຳອິດສໍາລັບ ສປປ ລາວ ເມື່ອວັນອາທິດແລ້ວນີ້ ອີງຕາມລາຍງານຂ່າວຈາກວາຕິກັນ.
ພະສັງຄະຣາດ ຫລຸຍສ໌-ມາຣີ ລິງ ມັງຄະເນຂຸນ (Louis-Marie Ling Mangkha-
nekhoun) ອາຍຸ 73 ປີ ໄດ້ບວດເປັນພະສົງ ໃນປີ 1972 ແລະເປັນພະສັງຄະຣາດ ປະຈຳສັງຄະມົນທົນປາກເຊ ນັບແຕ່ປີ 2001 ເປັນຕົ້ນມາ.
ປັດຈຸບັນນີ້ ເພິ່ນໄດ້ຮັບໜ້າທີ່ປະຈຳທີ່ສັງຄະມົນທົນວຽງຈັນ.
ຢູ່ ສປປ ລາວ ມີວັດກາໂຕລິກຢູ່ 67 ແຫ່ງ ແລະມີພະສົງປະຕິບັດສາສະໜາກິດຢູ່ 17
ອົງ. ອີງຕາມປື້ມຂໍ້ມູນຂອງສາສະໜາກາໂຕລິກແລ້ວ ໝົດປະເທດ ມີຜູ້ເຂົ້າຮັບການ
ສຶກສາເປັນເນນ ຢູ່ 20 ຄົນ ມີນາງຊີ 93 ຄົນ ແລະຜູ້ເຫລື້ອມໃສໃນສາສະໜາທັງໝົດ
46,000 ຄົນ ຄືປະກອບເປັນບໍ່ຮອດນຶ່ງເປີເຊັນຂອງພົນລະເມືອງຂອງປະເທດ.
ພະຄາດີນານໃໝ່ທັງໝົດ 5 ອົງ ທີ່ພະສັນຕະປະປາແຟຣນຊິສ ຊົງແຕ່ງ ຕັ້ງໃນວັນອາ
ທິດແລ້ວນີ້ 4 ປະເທດແມ່ນບໍ່ເຄີຍມີຄາດີນານມາກ່ອນ ປະ ກອບດ້ວຍ ສປປ ລາວ
ແອລຊານວາດໍ, ມາລີ ແລະສະວີເດັນ. ມີແຕ່ສະເປນປະເທດດຽວທີ່ເຄີຍມີກາດີນານ
ມາແລ້ວ.
