ສັນຕະປາປາ Francis ຊົງເດີນທາງດ້ວຍເຮືອບິນເຮລີຄອບເຕີຈາກຈໍແດນໄປ
ຍັງເມືອງ Bethlehem ໃນວັນອາທິດມື້ນີ້.
ພວກສັນຕະປາປາອົງກ່ອນໆນັ້ນ ມັກເດີນທາງໄປຍັງຝັ່ງຕາເວັນຕົກຂອງແມ່ນ້ຳ
ຈໍແດນ ຫຼັງຈາກໄດ້ໄປຢ້ຽມຢາມນະຄອນ Tel Aviv ຂອງ ອິສຣາແອລແລ້ວ. ກຳ
ນົດການເດີນທາງຂອງສັນຕະປາປາ Francis ເວລານີ້ກຳລັງຖືກມອງເຫັນວ່າເປັນ
ສັນຍະລັກແຫ່ງການເຫັນດີນຳຄວາມປາດຖະໜາຂອງຊາວປາແລສໄຕນ໌ ທີ່ຢາກ
ມີປະເທດຂອງຕົນເອງ.
Photo Gallery:
ສັນຕະປາປາ ຢ້ຽມຢາມ ເມືອງ Bethlehem
Pope Francis is welcomed to Bethlehem by the President of the Palestinian Authority, Mahmoud Abbas, and senior religious officials. In his arrival remarks, he expressed support for a two-state solution to the Israeli-Palestinian conflict.
ພະສັນຕະປາປາ Francis ຊົງກ່າວຍ້ອງຍໍຄວາມສຳພັນທີ່ດີຂອງວາຕິກັນ ແລະ
ອັນທີ່ພະອົງເອີ້ນວ່າ ລັດປາແລສໄຕນ໌ນັ້ນ.
ຜູ້ນຳຂອງສາສະໜາໂຣມັນກາໂຕລິກທີ່ມີຜູ້ເຊື່ອຖືຈຳນວນ 1300 ລ້ານຄົນໃນ
ໂລກໄດ້ຊົງພົບປະກັບປະທານາທິບໍດີ Mahmoud Abbas ແຫ່ງປາແລສໄຕນ໌
ໃນວັນອາທິດມື້ນີ້.
ທ່ານ Abbas ກ່າວວ່າ ທ່ານໄດ້ແຈ້ງໃຫ້ພະສັນຕະປາປາຊາບວ່າ ອິສຣາແອລ ໄດ້ບັງຄັບໃຫ້ຊາວຄຣິສຕຽນ ແລະຊາວມຸສລິມອອກຈາກນະຄອນເຈຣູຊາແລັມ.
