ສັນຕະປາປາ Francis ຊົງກ່າວວ່າ ການໂອ້ລົມສົນທະນາກັນ
ແລະບໍ່ແມ່ນການສະແດງກຳລັງ “ແບບບໍ່ມີເຫດຜົນ” ຈະຊ່ອຍ
ນຳມາແຫ່ງສັນຕິພາບ ຢູ່ແຫຼມເກົາຫຼີ ໃນຂະນະທີ່ພະອົງຊົງເລີ້ມ
ການຢ້ຽມຢາມເກົາຫຼີໃຕ້ເປັນເວລາ 5 ມື້.
ການໃຫ້ຄວາມເຫັນດັ່ງກ່າວ ມີຂຶ້ນຫຼັງຈາກເກົາຫຼີເໜືອ ຍິງຈະ
ຫຼວດ 5 ລູກລົງໃສ່ທະເລ ປະມານໃນເວລາດຽວກັນກັບເວລາ
ເຮືອບິນຂອງສັນຕະປາປາ ໄປຮອດນະຄອນຫຼວງໂຊນ ໃນ
ເຊົ້າວັນພະຫັດມື້ນີ້.
ບັນດາເຈົ້າໜ້າທີ່ປ້ອງກັນປະເທດຂອງເກົາຫຼີໃຕ້ກ່າວວ່າ ລູກ
ຈະຫຼວດເຫຼົ່ານີ້ຍິງມາຈາກເມືອງທ່າກຳປັ່ນ Wonsan ໃນໄລຍະທາງ 220 ຫຼັກກິໂລແມັດ ກ່ອນຕົກລົງໃສ່ມະຫາສະມຸດ ນອກຝັ່ງທະເລທາງກ້ຳຕາເວັນອອກຂອງປະເທດ.
ສັນຕະປາປາ ຢ້ຽມຢາມ ເກົາຫຼີໃຕ້
ທ່ານ Noh Kwang-il ໂຄສົກກະຊວງການຕ່າງປະເທດເກົາຫຼີໃຕ້ໄດ້ ປະນາມການຍິງ
ຈະຫຼວດດັ່ງກ່າວ ຊຶ່ງເປັນຄັ້ງຫຼ້າສຸດ ທີ່ເກົາຫຼີເໜືອໄດ້ ຍິງທົດລອງຕິດຕໍ່ກັນມາຫຼາຍຄັ້ງແລ້ວ ແບບດຽວກັນນີ້.
ໃນລະຫວ່າງການສະເດັດປະພາດນັ້ນ ພະສັນຕະປາປາ Francis ຈະ ໄປຮ່ວມໃນງານ
ບຸນຂອງພວກຊາວໜຸ່ມກາໂຕລິກແລະປະກອບພິທີທາງ ສາສະໜາເພື່ອສັນຕິພາບແລະການປອງດອງຊາດຢູ່ໃນແຫຼມເກົາຫຼີທີ່ແບ່ງແຍກແລະມີຄວາມເຄັ່ງຕຶງນັ້ນ.
ເກົາຫຼີເໜືອບໍ່ຍອມສົ່ງຄະນະຜູ້ຕາງໜ້າໄປຮ່ວມ ໃນພິທີທາງສາສະໜາຂອງສັນຕະປາປາ ໂດຍອ້າງຄວາມບໍພໍໃຈຂອງຕົນຕໍ່ການຊ້ອມລົບລະຫວ່າງສະຫະລັດແລະເກົາຫຼີໃຕ້ ທີ່ຈະ
ມີຂຶ້ນໃນຕໍ່ໜ້ານີ້.
