ພະສັນຕະປາປາແຟຣນຊິສ ໄດ້ຊົງເສັດສິ້ນການປະພາດເອເຊຍ
ຄັ້ງ ທຳອິດຂອງພະອົງໃນວັນຈັນມື້ນີ້ ແລະຊົງຮຽກຮ້ອງໃຫ້ມີການ
ປອງດອງ ກັນລະຫວ່າງເກົາຫຼີໃຕ້ ແລະຄູ່ສັດຕູຄອມມີວນິດທີ່ຂົມ
ຂຶ່ືນ ເກົາຫຼີເໜືອ ນັ້ນ.
ພະສັນຕະປາປາຊົງອອກຄຳຮຽກຮ້ອງ ເພື່ອສັນຕິພາບໃນແຫຼມ
ເກົາຫຼີ ທີ່ປະເຊີນກັບບັນຫານັ້ນ ໃນພິທີທາງສາສະໜາທີ່ໂບດ
Myeongdong ຢູ່ນະຄອນຫຼວງໂຊລ ຊຶ່ງມີປະທານາທິບໍດີເກົາຫຼີ
ໃຕ້ ທ່ານນາງ Park Geun-hye ໄປຮ່ວມນຳນັ້ນ. ພະສັນຕະປາ
ປາ ຊົງກ່າວວ່າການຄືນດີກັນ ກໍຈະມີຂຶ້ນໄດ້ກໍຕໍ່ເມື່ອມີການໃຫ້ອະ
ໄພກັນ ເຖິງແມ່ນມັນອາດຈະປາກົດວ່າ “ເປັນໄປບໍ່ໄດ້ ປະຕິບັດ
ບໍ່ໄດ້ ແລະບາງຄັ້ງບາງຄາວ ກໍເປັນທີ່ໜ້າລັງກຽດກໍຕາມ.”
ບັນດາເຈົ້າໜ້າທີ່ກາໂຕລິກໃນເກົາຫຼີໃຕ້ ໄດ້ຊຸກຍູ້ໃຫ້ ພຽງຢາງສົ່ງຄະນະຜູ້ຕາງໜ້າຈາກ
ສະມາຄົມກາໂຕລິກເກົາຫຼີ ທີ່ລັດຄວບຄຸມນັ້ນ ມາຮ່ວມໃນພິທີທາງສາສະໜາໃນມື້ນີ້
ທີ່ນະຄອນຫຼວງໂຊລ ແຕ່ອຳນາດປົກຄອງເກົາຫຼີເໜືອປະຕິເສດຄຳເຊື້ອເຊີນນັ້ນ ໂດຍ
ອ້າງເຫດຜົນເຖິງການຊ້ອມລົບຮ່ວມປະຈຳປີລະຫວ່າງເກົາຫຼີໃຕ້ແລະສະຫະລັດ ທີ່ໄດ້
ເລີ້ມຂຶ້ນໃນວັນຈັນມື້ນີ້ ເຊັ່ນກັນ.
ຜ່ານມາ ເກົາຫຼີເໜືອໄດ້ປະຕິຍານວ່າ ຈະເປີດສາກທຳການໂຈມຕີກ່ອນ ຢ່າງໄຮ້ຄວາມ
ເມດຕາປານີ ຕໍ່ເກົາຫຼີໃຕ້ ຖ້າຫາກການຊ້ອມລົບດຳເນີນໄປຕາມແຜນ.
