ພະສັນຕະປາປາ Francis ຈະເດີນທາງມາ ສະຫະລັດ ໃນວັນ
ອັງຄານມື້ນີ້ ຫລັງຈາກໄດ້ປະກອບພິທີທາງສາສະໜາເທື່ອທີ
ສາມ ແລະເທື່ອສຸດທ້າຍຢູ່ທີ່ ປະເທດເກາະດອນ ຄອມມິວ
ນິສຄິວບາ.
ພະອົງຈະປະກອບພິທີທາງສາສະໜາ ຢູ່່ທີ່ໂບດ Virgin of
Charity ແຫ່ງ ເມືອງ El Cobre. ພະສັນຕະປາປາ ໄດ້ເດີນ
ທາງໄປຍັງໂບດດັ່ງກ່າວ ບໍ່ດົນຫຼັງຈາກໄດ້ເດີນທາງໄປເຖິງ
ເມືອງ Santiago ໃນຕອນແລງວັນຈັນ ແລະນຳ ພາການສູດ
ມົນພາວະນາເປັນເວລາສັ້ນໆ ເພື່ອເປັນການປະນີປະນອມ
ແກ່ບັນດາ “ລູກຫຼາຍທີ່ພາກັນກະຈັດຈະຈາຍກັນຢູ່ໃນ
ທົ່ວໂລກ.”
ພະອົງປາກົດວ່າ ບໍ່ຄ່ອຍສະບາຍປານໃດ ລະຫວ່າງການຢ້ຽມຢາມໂບດດັ່ງກ່າວ ຊຶ່ງພະ
ສັນຕະປາປາ ທີ່ມີພະຊົນມາຍຸ 78 ປີແລ້ວນັ້ນ ຊົງມີອາການເຈັບທີ່ຮ້າຍແຮງຈາກສະພາບ
ການທີ່ຮ້ອງວ່າ sciatica ຫລືການປວດຕາມເສັ້ນປະສາດທີ່ ລາມລົງໄປຫາສັນຫລັງ ແລະ
ລົງໄປສູ່ຂາ.
ພະສັນຕະປາປາ Francis ໄດ້ສະເດັດໄປເຖິງເມືອງ Santiago ຫລັງຈາກໄດ້ປະກອບ
ພິທີທາງສາສະໜາ ໃນຕອນເຊົ້າວັນຈັນວານນີ້ ຢູ່ເມືອງ Holguin ໃນ ພາກຕາເວັນອອກ
ຂອງຄິວບາ ໂດຍກ່າວຕໍ່ຫລາຍສິບພັນຄົນ ໃຫ້ເອົາໃຈໃສ່ນຳຄຳເຊື້ອເຊີນຂອງພະເຍຊູ
ເຈົ້າ ເພື່ອໃຫ້ເອົາໄຊຊະນະ ການຕ້ານຢັນຕໍ່ການປ່ຽນແປງ.
ເມືອງ Holguin ຊຶ່ງເປັນເມືອງໃຫຍ່ອັນດັບສາມຂອງປະເທດຄິວບາ ເປັນສູນ ກາງຄວາມ
ເຊື່ອຖືໃນສາສະໜາຄາໂທລິກ ຢູ່ໃນຄິວບາ ແລະເປັນທີ່ຮູ້ກັນອີກວ່າ ມີໄມ້ກາງເຂນ ທີ່ຕັ້ງ
ຢູ່ບ່ອນສູງເບິ່ງລົງມາຍັງເມືອງດັ່ງກ່າວໄດ້ຫລາຍສັດຕະວັດ ແລ້ວ. ນອກນັ້ນ ຍັງເປັນຂົງ
ເຂດບ້ານເກີດຂອງບັນດາຜູນຳຄອມມິວນິສ ທ່ານ Fidel ແລະທ່ານ Raul Castro ຜູ້ປົກຄອງຄິວບາ ມາແຕ່ປີ 1959.
ພະສັນຕະປາປາ Francis ໄດ້ພົບປະກັບສອງອ້າຍນ້ອງ Castro
ທີ່ນະຄອນ Havanna ໃນຕອນເລີ້ມຕົ້ນ ການຢ້ຽມຢາມຄິວບາ
ຂອງພະອົງ.
ໃນຂະນະດຽວກັນ ບັນດາຜູ້ຄັດຄ້ານລັດຖະບານຫຼາຍໆຄົນ ໄດ້ຕິ
ຕຽນພະສັນຕະປາປາ ວ່າ ບໍ່ຮັບເອົາການຂໍພົບຂອງພວກເຂົາເຈົ້າ
|ລະຫວ່າງການຢ້ຽມຢາມ.
ຫົວໜ້າ ກຸ່ມຝ່າຍຄ້ານແມ່ຍິງ ທີ່ພາກັນນຸ່ງຂາວກ່າວວ່າ ສະມາຊິກ
22 ຫາ 24 ໃນກຸ່ມຂອງ ທ່ານນາງ ທີ່ຢາກເຂົ້າຮ່ວມພິທີທາງສາ
ສະໜາໃນວັນອາທິດແລ້ວ ທີ່ນະຄອນ Havannaໄດ້ຖືກກີດກັ້ນ
ຂັດຂວາງບໍ່ໃຫ້ເຂົ້າໄປ ໂດຍເຈົ້າໜ້າທີ່ຮັກ ສາຄວາມປອດໄພ
ຄິວບາ.
