ສັນຕະປາປາ Francis ປະກອບພິທີທາງສາສະໜາແກ່ຊາວ
ຟີລິບປິນ ຫຼາຍລ້ານຄົນ ທີ່ພາກັນໂຮມຊຸມນຸມກັນທ່າມກາງຝົນ
ຕົກລິນຢ່າງບໍ່ຂາດສາຍທີ່ສວນສາທາລະນະ Rizal ໃນນະ
ຄອນຫຼວງມະນີລາ ແລະເຂດອ້ອມແອ້ມໃນວັນອາທິດມື້ນີ້
ມື້ສຸດທ້າຍແຫ່ງການສະເດັດປະພາດເປັນເວລາ 4 ມື້ຂອງ
ພະອົງທີ່ຟີລິບປິນນັ້ນ.
ພວກຈັດແຈງການໂຮມຊຸມນຸມໄດ້ຄາດໄວ້ກ່ອນວ່າ ຈະມີຜູ້
ຄົນມາຮ່ວມ ນຳຫຼາຍເຖິງ 6 ລ້ານຄົນ ທີ່ຈະກາຍຈຳນວນ
5 ລ້ານຄົນທີ່ ມື້ລາງສັນຕະປາປາ John Paul ທີ 2 ທຳ
ລາຍສະຖິຕິມາກ່ອນທີ່ສວນສາທາລະນະແຫ່ງດຽວກັນນີ້ໃນ
ປີ 1995 ນັ້ນ. ບັນດາເຈົ້າໜ້າທີ່ໃນນະຄອນມະນີລາ ກະປະມານວ່າ ມີຜູ້ຄົນມາຮ່ວມ 4 ລ້ານຄົນ.
ນາຍ Genie Mutya ໄວ 35 ປີຈາກເມືອງ Valenzuelaກ່າວວ່າ”ຂ້າພະເຈົ້າດີໃຈ
ແທ້ໆ ບໍ່ເປັນຫຍັງທີ່ຂ້າພະເຈົ້າປຽກຈົນຮອດພິທີເສັດສິ້ນລົງ ຕາບໃດທີ່ຂ້າ
ພະເຈົ້າຢູ່ນີ້ຂ້າພະເຈົ້າຈະຢູ່ນີ້ຕໍ່ໄປ”.
ໃນລະຫວ່າງການເທດສະໜາຂອງພະອົງ ສັນຕະປາປາ Francis ໄດ້ຊົງຮຽກຮ້ອງໃຫ້
ຊາວຟີລິບປິນ ຈົ່ງປະຕິເສດ” ຕໍ່ພວກໂຄງລ່າງດ້ານສັງຄົມທີ່ສ້າງຄວາມທຸກຈົນ
ຄວາມໂງ່ຈ້າແລະຄວາມເປື່ອຍເຍື່ອຍ” ຊຶ່ງເປັນຫົວຂໍ້ທີ່ພະອົງໄດ້ເນັ້ນໜັກ ເວລາ
ພະອົງຊົງກ່າວຕໍ່ປະທານາທິບໍດີ Benigno Aquino ແລະພວກເຈົ້າໜ້າທີ່ອື່ນໆໃນ
ວັນສຸກຜ່ານມານີ້.
ສັນຕະປາປາ ຊົງພະຊົນມາຍຸ 78 ພັນສາ ໄດ້ຖືກບັງຄັບໃຫ້ຕັດການ ສະເດັດປະພາດ
ຂອງພະອົງລົງໃນການຢ້ຽມຢາມພວກທີລອດຊີວິດຈາກລົມພາຍຸໄຕ້ຝຸ່ນ Haiyan ທີ່ເປັນອັນຕະລາຍເຖິງຕາຍໃນເດືອນພະຈິກປີ 2013 ໃນວັນເສົາເພື່ອຫຼີກລ້ຽງລົມພາຍຸຝົນທີ່ກຳລັງຫຍັບໃກ້ເຂົ້າມານັ້ນ.
