ພະສັນຕະປາປາ Francis ຍັງສືບຕໍ່ສົ່ງຄຳຮຽກຮ້ອງຂອງພະອົງ
ໃຫ້ມີຄວາມ ສາມັກຄີກັນ ໃນປະເທດສຣີລັງກາ ຢູ່ໃນພິທີຖວາຍ
ມະຫາບູຊາ ທີ່ມີປະຊາຊົນ ຫລາຍຮ້ອຍພັນຄົນ ເຂົ້າຮ່ວມ ຢູ່ໃນ
ເມືອງຫລວງຂອງປະເທດດັ່ງກ່າວ.
ຝູງຊົນໄດ້ເຕົ້າໂຮມກັນຢ່າງໜາແໜ້ນຕາມຖະໜົນຫົນທາງຢູ່
ແຄມທະເລຂອງ ນະຄອນໂຄລົມໂບ ໃນວັນອັງຄານວານນີ້ ໂຮ່ຮ້ອງສະແດງຄວາມດີອົກດີໃຈ ຂະນະທີ່ພະສັນຕະປາປາ
ສະເດັດໄປເຖິງ ຢູ່ໃນລົດພິເສດຂອງພະສັນຕະປາປາ.
ໃນລະຫວ່າງພິທີຖວາຍມະຫາບູຊານັ້ນ ພະອົງໄດ້ຊົງປະກາດ
ຢ່າງເປັນທາງການ ໃຫ້ຄຸນພໍ່ Joseph Vaz ເປັນນັກບຸນອົງທຳອິດ ຂອງສຣີລັງກາ ໂດຍ
ກ່າວວ່າ “ເປັນການສະແດງໃຫ້ເຫັນເຖິງຄວາມສຳຄັນໃນການຢູ່ເໜືອການແບ່ງແຍກທາງ ສາສະໜາ ເພື່ອເຫັນແກ່ສັນຕິພາບ.”
ສັນຕະປາປາ ຢ້ຽມຢາມ ສຣີລັງກາ
ພະສັນຕະປາປາ Francis ກ່າວວ່າ “ເສຣີພາບທາງສາສະໜາ ແມ່ນສິດທິພື້ນຖານຂອງ
ມະນຸດ. ແຕ່ລະຄົນຕ້ອງມີສິດເສຣີພາບດ້ວຍຕົນເອງ ຫລືຮ່ວມກັບຄົນອຶ່ນໆ ເພື່ອສະ
ແຫວງຫາຄວາມຈິງ ແລະສະແດງອອກມາຢ່າງເປີດເຜີຍຕໍ່ຄວາມເຊື່ອຖືທາງສາສະໜາ
ຂອງພວກເຂົາເຈົ້າ ໂດຍປາດສະຈາກການຂົ່ມຂູ່ແລະການ ບັງຄັບໃດໆ.”
ຄຸນພໍ່ Vaz ແມ່ນຜູ້ເຜີຍແຜ່ສາສະໜາ ໃນສັດຕະວັດທີ 17 ທີ່ຖືວ່າ ເປັນຮື້ຟື້ນ ການນັບຖື
ສາສະໜາກາໂຕລິກ ໃນຊ່ວງທີ່ມີການປະຫັດປະຫານໂດຍພວກໂຮນ ລັງທີ່ນັບຖືສາສະ
ໜາໂປຣແຕັສຕັງ Calvinists.
ພະສັນຕະປາປາ ຈະເດີນທາງຕໍ່ໄປປະເທດຟິລິບປີນ ໃນວັນພະຫັດມື້ອື່ນນີ້ ໃນ ການຢ້ຽມ
ຢາມຂົງເຂດເປັນເວລານຶ່ງອາທິດຂອງພະອົງ.
