ລິ້ງ ສຳຫລັບເຂົ້າຫາ

ພະສັນຕະປະປາ ປະກອບ ພິທີທາງສາສະໜາທ່າມກາງ ການຮັກສາຄວາມປອດໄພເຄັ່ງຄັດ

  • ໄພສານ ວໍຣະຈັກ

ພະສັນຕະປະປາ ຊົງປະກອບພິທີທາງສາສະໜາ ທີ່ພະວິຫານເຊນປີເຕີ້ ໃນກຸງວາຕີກັນ (24 ທັນວາ 2010)

ພະສັນຕະປະປາ Benedict ຊົງຮຽກຮ້ອງໃຫ້ມີສັນຕິພາບ
ຂະນະທີ່ພະອົງປະກອບພິທີທາງສາສະໜາ ໃນຄໍ່າຄືນກ່ອນ
ມື້ວັນບຸນຄຣິສຕ໌ມາສ ທ່າມກາງການຮັກສາຄວາມປອດໄພ
ຢ່າງເຄັ່ງຄັດລຸນຫຼັງທີ່ໄດ້ເກີດເຫດລະເບີດຫີບຫໍ່ 2 ຄັ້ງທີ່ກຸງ
ໂຣມໃນມື້ວັນພະຫັດຜ່ານມານີ້.

ຜູ້ຄົນຈຳນວນຫຼາຍພັນຄົນ ໄດ້ໄປຮ່ວມພິທີທາງສາສະໜາ
ໃນຕອນທ່ຽງຄືນ ທີ່ພະວິຫານເຊນປີເຕີ ໃນກຸງວາຕິກັນ.

ໄດ້ມີການຮັກສາຄວາມປອດໄພຢ່າງເຄັ່ງຢູ່ໃນພິທີດັ່ງກ່າວ.
ໃນປີກາຍນີ້ ແມ່ຍິງຄົນນຶ່ງທີ່ມີປະວັດກ່ຽວກັບໂຣກຈິດມາ
ກ່ອນ ໄດ້ເລັດລອດຜ່ານເຈົ້າໜ້າທີ່ຮັກສາຄວາມປອດໄພເຂົ້າໄປແລະຕຳພະສັນຕະປະປາ ລົ້ມລົງກັບພື້ນໃນລະຫວ່າງພິທີແຫ່.

ການແຕກຂຶ້ນຂອງລະເບີດທີ່ສົ່ງທາງໄປສະນີ ຢູ່ທີ່ສະຖານທູດ 2 ແຫ່ງໃນນະຄອນຫຼວງອີ
ຕາລີເຮັດໃຫ້ມີຜູ້ໄດ້ຮັບບາດເຈັບ 2 ຄົນນຶ່ງໃນຈຳນວນນີ້ແມ່ນມີອາການສາຫັດ. ສະມາຊິກ ຂອງກຸ່ມສ້າງຄວາມວຸ້ນວາຍ ທີ່ຢາກລົ້ມລ້າງກົດໝາຍ ແລະລັດຖະບານກຸ່ມນຶ່ງ ໄດ້ອ້າງເອົາ
ຄວາມຮັບຜິດຊອບກ່ຽວກັບເຫດລະເບີດ ທີ່ສະຖານທູດສວິສເຊີນແລນ ແລະສະຖານທູດຊີ
ເລ.

ເຈົ້າໜ້າທີ່ທ່ານນຶ່ງຂອງກະຊວງພາຍໃນອີຕາລີກ່າວວ່າ ສະຖານທູດທັງ 2 ມີທ່າທາງວ່າໄດ້
ຕົກເປັນເປົ້າກໍຍ້ອນເມື່ອໄວໆມານີ້ສວິສເຊີແລນ ໄດ້ຈຳຄຸກສະມາຊິກຄົນນຶ່ງຂອງກຸ່ມທີ່ຢາກ
ລົ້ມລ້າງກົດໝາຍ ແລະລັດຖະບານໃນອີຕາລີ ຂະນະທີ່ອີກຄົນນຶ່ງ ໄດ້ເສຍຊີວິດໃນເຫດລະ
ເບີດຢູ່ປະເທດຊີເລ.

XS
SM
MD
LG