ສັນຕະປະປາ ນຳພາ ສະຫລອງ ສັບປະດາ ສັກສິດ ຂອງບຸນ Easter (ວີດີໂອ)

ພະ​ສັນ​ຕະປາປາ Francis ​ໄດ້​ເປີດ​ສາກ ການ​ເຮັດບຸນ​
ໃນ​ສັບປະດາ​ສັກສິດ ຫລື ສັບປະດາບຸນ Easter ​ໂດຍ
ການສູດ​ມົນ​ພາວະນາ ຮ່ວມກັບ​ບັນດາ​ຜູ້​ສະ​ແຫ​ວງບຸນ
ທີ່ຈະ​ຕຸ​ລັດ St Peter’s ​ໃນ​ວັນ​ອາທິດ​ວານ​ນີ້ ທີ່​ເອີ້ນ​ວ່າ
Palm Sunday ນັ້ນ.

ພະສັນຕະປາປາ ​ບໍ່ໄດ້​ເອົາຫົວຊາ​ກັບ​ບົດ​ເທດ​ສະນາ ທີ່
​ມີ​ການ​ກະກຽມໄວ້​ໃຫ້ ກ່ອນ ​ ​ແຕ່ໄດ້​ກ່າວ​ໂດຍ​ກົງທັງ​ໝົດ​
ຈາກ​ປາກຄຳຕົນ​ເອງ ​ໃນ​ອັນ​ທີ່​ເປັນ​ການ​ຫັນເຫ​ອອກ​ຈາກ
​ພາກ​ປະຕິບັດທີ່​ໄດ້​ກະທຳ​ມາ​ແຕ່​ໃດໆ. ຕໍ່​ມາ ພະ​ອົງ​ໄດ້​ຊົງ
ຂື້ນ​ລົດ ຂອງ​ສັນຕະປາປາ ​ເພື່ອ​ຖ່າຍ​ຮູບໃຫ້​ພະ​ອົງ​ເອງ ​
ຮ່ວມກັບ​ບັນດາ​ຊາວ​ໜຸ່ມທີ່​ພາ ກັນລໍຖ້າ​ຢູ່​ຢ່າງ​ໜ້າ​ແໜ້ນ​.

ສັນຕະປາປ​າ Francis ​ໄດ້ຊົງ​ຮຽກຮ້ອງ​ໃຫ້ຜູ້​ຄົນ ຮວມ​ທັງ​ພະ​ອົງ​ເອງ ​ໃຫ້​ພາກັນ​ເບິ່ງ
ຫົວ​ໃຈ​ຂອງ​ເຂົາ​ເຈົ້າ​ເອງ​ວ່າ ​ເຂົາ​ເຈົ້າ​ພາກັນ​ມີ​ຊີວິດ​ຢູ່​ຢ່າງ​ໃດ.

ຢູ່​ໃນ​ຝູງ​ຊົນ​ປະມານ 100,000 ຄົນ ​ທີ່​ມີ​ທັງ​ຊາວເມືອງ​ໂຣມ ນັກ​ທ່ອງ​ທ່ຽວ ​ແລະ​ຜູ້​ສະ​ແຫວ​ງບຸນນັ້ນ ຜູ້​ຄົນ​ພາກັນ​ຖື​ງ່າ​ຂອງ​ຕົ້ນ Olive ​ງ່າໃບ​ຕານ ຫລື​ໃບ​ຕານ ​ທີ່​ນຳ​ມາ​ເປຍ​ເປັນ​ຮູບ
​ໄມ້​ກາງ​ເຂນ ທີ່ ສັນ​ຕະປາປາ Francis ​ໄດ້ສູດ​ໃຫ້​ພອນ​ ​ໃນ​ເວລາ​ເລີ້ມ​ພິທີ.