ລັດຖະມົນຕີກະຊວງຕ່າງປະເທດສະຫະລັດ ທ່ານໄມຄ໌ ພອມພຽວ ເດີນທາງໄປເຖິງ
ນະຄອນຫຼວງໂຕກຽວໃນວັນເສົາມື້ນີ້ ຊຶ່ງເປັນບ່ອນຢຸດແວ່ ແຫ່ງທຳອິດໃນການຢ້ຽມ
ຢາມເຂດເອເຊຍຕາເວັນອອກ ເປັນເວລາ 3 ມື້.
ທ່ານໄດ້ເຈລະຈາຫາລື ກັບນາຍົກລັດຖະມົນຕີຍີ່ປຸ່ນ ທ່ານຊິໂຊ ອາເບະ ແລະລັດຖະ
ມົນຕີການຕ່າງປະເທດ ຕາໂຣະ ໂກໂນະ ຊຶ່ງເປັນທີ່ຄາດກັນວ່າຈະຮວມທັງການເດີນ
ທາງໄປຢ້ຽມຢາມເກົາຫຼີເໜືອຄັ້ງຈະມາຂອງທ່ານຕະຫຼອດທັງເລື້ອງການຄ້າ.
ຫົວໜ້ານັກການທູດຂອງສະຫະລັດ ຍັງຈະເດີນທາງໄປຢ້ຽມຢາມເກົາຫຼີໃຕ້ ແລະປະ
ເທດຈີນ ກ່ອນທີ່ຈະເດີນທາງກັບຄືນມາຍັງສະຫະລັດ.
ຢູ່ທີ່ພຽງຢາງ ເປັນທີ່ຄາດກັນວ່າ ທ່ານພອມພຽວ ຈະໂອ້ລົມກ່ຽວກັບການປົດອາວຸດ
ນິວເຄລຍກັບຜູ້ນຳເກົາຫຼີເໜືອ ທ່ານກິມ ຈົງ ອຶນ. ທ່ານພອມພຽວກ່າວໃນລະຫວ່າງ
ທີ່ກຳລັງເດີນທາງໄປຍີ່ປຸ່ນວ່າເປົ້າໝາຍໃນການພົບປະກັບຜູ້ນຳເກົາຫຼີເໜືອ ກໍແມ່ນ
“ເພື່ອໃຫ້ເປັນທີ່ແນ່ໃຈໃນການເຂົ້າໃຈຂອງພວກເຮົາກ່ຽວກັບວ່າແຕ່ລະຝ່າຍພະຍາ
ຍາມ ທີ່ຈະບັນລຸສິ່ງໃດ ແລະພວກເຮົາຈະສະໜອງຕອບແບບໃດ ຕໍ່ຄວາມໝັ້ນໝາຍ
ທີ່ພວກເຮົາໄດ້ໃຫ້ໄວ້” ຢູ່ສິງກະໂປ ບ່ອນທີ່ທ່ານກິມ ແລະປະທານາທິບໍດີ ສະຫະລັດ
ທ່ານດໍໂນລ ທຣຳ ໄດ້ພົບປະສຸດຍອດ ຄັ້ງປະຫວັດສາດນັ້ນ.
ທ່ານພອມພຽວ ກ່າວວ່າ ທ່ານຢາກຈະກຳນົດຢ່າງເປັນການແນ່ນອນກ່ຽວກັບວັນເວ
ລາໃນການພົບປະສຸດຍອດຄັ້ງທີ 2 ລະຫວ່າງທ່ານກິມ ແລະປະທານາທິບໍດີທຣຳ.
