ການຢັ່ງຫາງສຽງຢູ່ໃນສະຫະລັດເມື່ອບໍ່ດົນມານີ້ສະແດງໃຫ້ເຫັນ
ວ່າ ອາເມຣິກາ ຍັງບໍ່ທັນ ກ້າວເຂົ້າສູ່ “ໂລກແຫ່ງຄວາມປອງດອງ
ສາມັກຄີ” ໃນຍຸກຫຼັງແບ່ງແຍກເຊື້ອຊາດຜິວພັນ ທີ່ຫຼາຍໆຄົນໄດ້
ນຶກຄິດໄວ້ ດ້ວຍການເລືອກເອົາ ປະທານາອາເມຣິກັນເຊື້ອສາຍ
ອາຟຣິກາຄົນທຳອິດຂອງປະເທດ.
ຊາວອາເມຣິກັນ ເກືອບ 6 ໃນທຸກ 10 ຄົນໃດ ຮວມທັງສຽງສ່ວນ
ຫຼາຍທັງຂອງຊາວຜິວດຳແລະຊາວຜິວຂາວ ຕ່າງກໍກ່າວວ່າ ເຂົາ
ເຈົ້າຄິດວ່າສະພາບການກ່ຽວກັບເລື້ອງຜິວພັນໃນປັດຈຸບັນແມ່ນ
ບໍ່ດີໃນຂະນະທີ່ເກືອບ 4 ໃນທຸກ 10 ຄົນໃດຄິດວ່າຄວາມສຳພັນ
ທາງດ້ານຜິວພັນ ໃນສະຫະລັດ ແມ່ນຊຸດໂຊມລົງ ກວ່າແຕ່ກ່ອນ
ອີງຕາມການຢັ່ງຫາງສຽງຂອງໜັງສືພິມ New York Times ແລະອົງການຂ່າວ CBS ໃນ ອາທິດແລ້ວນີ້.
ບໍ່ດົນ ຫລັງຈາກທ່ານບາຣັກ ໂອບາມາ ໄດ້ຖືກເລືອກເປັນປະທານາທິບໍດີ ສອງສ່ວນສາມ ຂອງຊາວອາເມຣິກັນກ່າວວ່າ ເຂົາເຈົ້າຄິດວ່າຄວາມສຳພັນໃນເລື້ອງເຊື້ອຊາດຜິວພັນຂອງ ປະເທດໂດຍທົ່ວໄປແລ້ວແມ່ນຢູ່ໃນສະພາບທີ່ດີ.
ເມື່ອປີ 2008 ໃນລະຫວ່າງການໂຄສະນາຫາສຽງເລືອກຕັ້ງເປັນປະທານາທິບໍດີຄັ້ງທຳອິດ ຂອງທ່ານໂອບາມານັ້ນເກືອບ 60 ເປີເຊັນຂອງຊາວອາເມຣິກັນກ່າວວ່າ ຄວາມສຳພັນທາງ ດ້ານເຊື້ອຊາດຜິວພັນ ໂດຍທົ່ວໄປແລ້ວແມ່ນບໍ່ດີ. ຈຳນວນດັ່ງກ່າວໄດ້ຫລຸດລົງເຄິ່ງນຶ່ງ ຫຼັງ ຈາກທ່ານໄດ້ຖືກຮັບເລືອກ.
ແຕ່ແນວໃດກໍຕາມ ເວລານີ້ 68 ເປີເຊັນ ຂອງຊາວອາເມຣິກັນເຊື້ອສາຍອາຟຣິກາ ກ່າວວ່າ ເຂົາເຈົ້າຄິດວ່າຄວາມສຳພັນທາງດ້ານເຊື້ອຊາດຜິວພັນ ແມ່ນບໍ່ດີ.
