ຕຳຫຼວດໃນນະຄອນຫຼວງ Bujumbura ຂອງ Burundi ໄດ້
ປະທະກັນໃນວັນອາທິດມື້ນີ້ ກັບພວກປະທ້ວງຄັດຄ້ານປະທາ
ນາທິບໍດີ Pierre Nkurunziza ທີ່ກຳລັງພະຍາຍາມ ໃຫ້ໄດ້
ດຳລົງຕຳແໜ່ງປະທານາທິ ບໍດີສະໄໝທີສາມ ທີ່ເປັນບັນຫາ
ໂຕ້ແຍ້ງກັນນັ້ນ.
ລັດຖະບານໄດ້ຫ້າມທຳການເດີນຂະບວນປະທ້ວງໃດໆ ກ່ຽວ
ກັບ ການແຕ່ງຕັ້ງຂອງພັກ CNDD-FDD ຂອງລັດຖະບານ
ໃຫ້ທ່ານ Nkurunziza ເປັນຜູ້ສະໝັກເລືອກຕັ້ງເປັນປະທາ
ນາທິບໍດີ ສະໄໝທີສາມນັ້ນ.
ບັນຫາໃນການມີສິດເຂົ້າຮັບເລືອກຕັ້ງຂອງທ່ານ ແມ່ນສືບເນື່ອງມາຈາກ ການໂຕ້ແຍ້ງກັນ
ທາງດ້ານກົດໝາຍ ກ່ຽວກັບຂໍ້ຄວາມໃນຂໍ້ຕົກລົງສັນຕິ ພາບ ແລະລັດຖະທຳມະນູນຂອງ
ປະເທດ.
ໂຄງສ້າງດ້ານການເມືອງທີ່ມີຢູ່ໃນປັດຈຸບັນຂອງບູຣຸນດີ ແມ່ນໄດ້ຈັດຕັ້ງຂຶ້ນມາໃນຂໍ້ຕົກລົງ Arusha ໃນປີ 2000 ຊຶ່ງໄດ້ເຮັດໃຫ້ສົງຄາມກາງເມືອງຍຸດຕິລົງ ລະຫວ່າງກຸ່ມຊົນເຜົ່າ Hutu ແລະເຜົ່າ Tutsi ທີ່ໄດ້ ສັງຫານປະຊາຊົນຫຼາຍເຖິງ 3 ແສນຄົນ. ຂໍ້ຕົກລົງສະບັບນັ້ນ ກ່າວວ່າປະທານາທິບໍດີສາມາດດຳລົງຕຳແໜ່ງໄດ້ ບໍ່ເກີນສອງສະໄໝ.
ແຕ່ລັດຖະທຳມະນູນ ສະບັບປີ 2005 ບົ່ງໄວ້ວ່າ ປະທານາທິບໍດີຕ້ອງຖືກເລືອກຕັ້ງໂດຍ
ຜ່ານ “ການລົງຄະແນນສຽງເລືອກຕັ້ງໂດຍກົງ” ຊຶ່ງແປວ່າ ການລົງຄະແນນສຽງໂດຍປະຊາຊົນ. ທ່ານ Nkurunziza ຖືກເລືອກຕັ້ງໂດຍລັດຖະສະພາໃນການດຳລົງຕຳແໜ່ງ
ສະໄໝທຳອິດຂອງທ່ານ ຊຶ່ງພວກສະໜັບສະໜຸນທ່ານໂຕ້ແຍ້ງວ່າ ທ່ານມີສິດສະໝັກເປັນປະທານາທິບໍດີອີກສະໄໝໜຶ່ງໄດ້.
