ຍັງມີເວລາບໍ່ເຖິງສີ່ອາທິດ ກໍຈະຮອດການເລືອກຕັ້ງກາງສະໄໝ ຂອງລັດຖະສະພາສະຫະລັດແລ້ວ ຊຶ່ງໃນນັ້ນການຮັບຮອງເອົາ ທ່ານແບຣັດ ຄາແວນໍ ເປັນຜູ້ພິພາກສາ
ສານສູງສຸດ ທີ່ເຕັມໄປດ້ວຍຄວາມຂົມຂື່ນໄດ້ກະຕຸ້ນໃຫ້ພວກນັກເຄື່ອນໄຫວຈາກ ທັງ
ສອງພັກການເມືອງໃຫຍ່ຂອງສະຫະລັດມີຄວາມຫ້າວຫັນຂຶ້ນ. ບັນດາສະມາຊິກພັກ
ຣີພັບບລິກກັນກ່າວວ່າ ການສູ້ຢັນກັນເພື່ອໃຫ້ທ່ານຄາແວນໍໄດ້ຮັບການຮັບຮອງ ເອົາເປັນກຳລັງຊຸກຍູ້ຈິດໃຈໃຫ້ແກ່ພວກເຂົາເຈົ້າ ໃນຂະນະທີ່ພວກເດໂມແຄຣັດໄດ້ຕອບ
ໂຕ້ຄືນວ່າ ການຢືນຢັນດັ່ງກ່າວ ແມ່ນເປັນການເຮັດໃຫ້ຜູ້ປ່ອນບັດແມ່ຍິງພາກັນໂກດ
ແຄ້ນ. ນັກຂ່າວ ແຫ່ງຊາດຂອງວີໂອເອ ຈິມ ມາໂລນ ມີລາຍງານກ່ຽວກັບການສູ້ຢັນ
ກັນດັ່ງກ່າວ ຈາກວໍຊິງຕັນ ຊຶ່ງກິ່ງສະຫວັນ ຈະນຳມາສະເໜີທ່ານ.
ຫຼັງຈາກການສູ້ຢັນກັນຢ່າງຂົມຂື່ນ ການສາບານໂຕເຂົ້າຮັບຕຳແໜ່ງຂອງຜູ້ພິພາກ
ສາສານສູງສຸດ ຄາແວນໍ ກໍເປັນໄຊຊະນະທາງການເມືອງຂອງປະທານາທິບໍດີ
ດໍໂນລ ທຣຳ.
ປະທານາທິບໍດີ ທຣຳ ກ່າວວ່າ “ໂດຍຕາງໜ້າປະເທດຊາດຂອງພວກເຮົາ ຂ້າພະເຈົ້າ
ຢາກຂໍຄະມາໂທດຕໍ່ທ່ານ ແບຣັດ ຄາແວນໍ ແລະຄອບຄົວຂອງທ່ານຄາແວນໍໝົດທຸກ
ຄົນ ຕໍ່ຄວາມເຈັບປວດທີ່ຮ້າຍແຮງ ແລະຄວາມທຸກທໍລະມານທີ່ພວກທ່ານໄດ້ຖືກບັງ
ຄັບໃຫ້ອົດທົນໄວ້.”
ທ່ານຄາແວນໍ ໄດ້ຮັບການຮັບຮອງເອົາເຖິງແມ່ນວ່າ ຈະຖືກກ່າວຫາວ່າໄດ້ລວນລາມ
ທາງເພດ ທີ່ທ່ານໄດ້ປະຕິເສດວ່າບໍ່ໄດ້ເຮັດນັ້ນ ກໍຕາມ.
ແລະບັດນີ້ ປະທານາທິບໍດີກຳລັງໃຊ້ທ່ານຄາແວນໍ ເພື່ອລະດົມຜູ້ປ່ອນຈາກພັກຣິ
ພັບບລິກັນ ໃນການເລືອກຕັ້ງກາງສະໄໝ.
ທ່ານປະທານາທິບໍດີທຣຳ ກ່າວອີກວ່າ “ໃນວັນທີ 6 ພະຈິກຈາມາເຖິງນີ້ ທ່ານຈະ
ມີໂອກາດຢັບຢັ້ງພວກຫົວຮຸນແຮງເດໂມແຄຣັດ ແລະນັ້ນຄືສິ່ງທີ່ເຂົາເຈົ້າໄດ້ກາຍ
ມາເປັນ, ໂດຍການເລືອກເອົາຣີພັບບລິກກັນໄປປະຈຳຢູ່ໃນສະພາຕ່ຳ ແລະຣີພັບ
ບລິກກັນໄປຢູ່ສະພາສູງ. ພວກເຮົາຈະເຮັດໃຫ້ສຽງສ່ວນຫຼາຍຂອງພວກເຮົາເພີ້ມ
ທະວີຂຶ້ນ.”
ແຕ່ພວກສັງກັດພັກເດໂມແຄຣັດກໍໄດ້ເພີ້ມຄວາມຫ້າວກັນຂຶ້ນຍ້ອນການສູ້ຢັນກັນ
ກ່ຽວກັບທ່ານຄາແວນໍ ເຊັ່ນກັນ.
ພວກປະທ້ວງພາກັນລົງໄປເຕົ້າໂຮມກັນຢູ່ຕາມຖະໜົນຫົນທາງຕ່າງໆ ແລະໄດ້ຮັບ
ການສະໜັບສະໜູນໂດຍຜູ້ແທນສະພາສູງສັງກັດພັກເດໂມແຄຣັດ ຮວມທັງທ່ານ
ນາງເອລີຊາເບັຕຮ໌ ວາຣຣັນ ຈາກລັດແມັສຊາຈູແຊັສ.
ທ່ານນາງວາຣຣັນ ກ່າວວ່າ “ພວກເຮົາໄດ້ເຮັດໃຫ້ສຽງຂອງຜູ້ລອດຊີວິດຈາກການ
ລວນລາມທາງເພດຫຼາຍລ້ານຄົນດັງຂຶ້ນ. ພວກເຮົາບໍ່ຍອມເປັນແມ່ຍິງທີ່ນັ່ງຢູ່ເສີຍໆ
ແລະບໍ່ປາກບໍ່ຕີງຫຍັງ.”
ທ່ານນາງຄາມາລາ ແຮຣຣິສ, ສະມາຊິກສະພາສູງຈາກພັກເດໂມແຄຣັດ ກ່າວວ່າ
“ຄວາມຮ້າຍແຮງຂອງການປະທ້ວງຈະແຜ່ລາມເຂົ້າໄປຫາການເລືອກຕັ້ງໃນເດືອນ
ພະຈິກຈະມາເຖິງນີ້.”
ທ່ານນາງແຮຣຣິສ ກ່າວອີກວ່າ “ໃຫ້ພວກເຮົາໃຊ້ອາທິດນີ້ ເພື່ອໃຫ້ພວກເຮົາມີພະລັງ
ງານເພີ້ມຂຶ້ນເປັນພິເສດ ທີ່ພວກເຮົາຮູ້ວ່າ ພວກເຮົາຕ້ອງຈື່ຈຳວ່າ ຄວາມຈິງແທ້ໆນັ້ນ
ກໍຄື ເຂົາເຈົ້າອາດມີອຳນາດໃນປັດຈຸບັນນີ້ ແຕ່ພວກເຮົາຕ້ອງເອົາມັນກັບຄືນມາ.”
ທ່ານຄາຍລ໌ ຄອນດິກນັກວິເຄາະຈາກມະຫາວິທະຍາໄລເວີຈີເນຍ ກ່າວວ່າ ການຕໍ່ສູ້ກັນ
ກ່ຽວກັບເລື້ອງຂອງທ່ານຄາແວນໍ ອາດເຮັດໃຫ້ທັງສອງພັກ ພະລັງເພີ້ມຂຶ້ນ ກ່ອນການ
ເລືອກຕັ້ງກາງສະໄໝ.
ທ່ານຄອນນິກ ກ່າວອີກວ່າ “ບາງທີຄວາມຮູ້ສຶກກຽດຊັງບາງສ່ວນຍັງຄ້າງຄາຢູ່ໃນ
ໃຈຂອງພວກສັງກັດພັກຣີພັບບລິກກັນ ແລະສິ່ງນັ້ນກໍແມ່ນການຮຽກຮ້ອງຊັກຊວນ
ໃຫ້ໄປປ່ອນບັດເລືອກຕັ້ງກາງສະໄໝ. ແຕ່ວ່າອີກເທື່ອນຶ່ງ ຂ້າພະເຈົ້າຄິດວ່າ ປະ
ຫວັດສາດຈະບອກໃຫ້ພວກເຮົາຮູ້ ແລະຂໍ້ມູນການຢັ່ງຫາງສຽງບອກໃຫ້ພວກເຮົາ
ຮູ້ວ່າ ພັກເດໂມແຄຣັດແມ່ນມີຄວາມກະຕືລືລົ້ນຫຼາຍກວ່າກ່ຽວກັບເລື້ອງ ຂອງທ່ານ
ຄາແວນໍ ແລະກ່ຽວກັບເລື່ອງອື່ນໆອີກ.”
ນັກວິເຄາະຈາກພັກເດໂມແຄຣັດ ທ່ານຈິມ ແຄສເລີ ກ່າວວ່າ ການຕໍ່ສູ່ກ່ຽວກັບ ທ່ານ
ຄາແວນໍ ອາດຊັກຊວນໃຫ້ກຸ່ມສຳຄັນຂອງພວກປ່ອນບັດທີ່ເປັນແມ່ຍິງ.
ທ່ານແຄສເລີ ກ່າວວ່າ “ແລະຈາກນັ້ນ ມັນກໍຍັງມີກຸ່ມນຶ່ງຂອງພວກປ່ອນບັດ ອີກກຸ່ມ
ນຶ່ງ, ພວກແມ່ຍິງອາວຸໂສທີ່ເປັນຜູ້ສະໜັບສະໜູນທີ່ດີພໍສົມຄວນ ແກ່ພັກຣີພັບບລິກ
ກັນ ແຕ່ພວກເຂົາເຈົ້າພາກັນເລີ້ມສ້າງແຮງກະຕຸ້ນໃຫ້ແກ່ພັກຣີພັບບລິກັນ ແລະຂ້າ
ພະເຈົ້າຄິດວ່າ ເຂົາເຈົ້າອາດເປັນປະເດັນທີ່ຕັດສິນຊີ້ຂາດສຳລັບການເລືອກຕັ້ງ
ໃນຄັ້ງນີ້.”
ທ່ານແຟຣງຄ໌ ນິວພອດທ໌ ຈາກບໍລິສັກຢັ່ງສຽງ Gallup ກ່າວວ່າ ແຕ່ສຳລັບທ່ານທຣຳ
ແລ້ວ ການເນັ້ນໜັກໃສ່ເລື້ອງທ່ານຄາແວນໍ ອາດເປັນການເຮັດໃຫ້ ພວກສະໜັບສະ
ໜູນທ່ານຢູ່ແລ້ວມີຄວາມຕື່ນເຕັ້ນຂຶ້ນ.
ທ່ານນິວພອດທ໌ ກ່າວອີກວ່າ “ທ່ານໄດ້ເບິ່ງໂຕເລກ ແລະກໍເຫັນວ່າ ທ່ານບໍ່ຄ່ອຍໄດ້
ຮັບຄວາມນິຍົມປານໃດຢູ່ທຸກບ່ອນ ນອກຈາກຄ້າຍທີ່ສະໜັບສະໜູນທ່ານຢູ່ແລ້ວ
ສະນັ້ນ ທ່ານໄດ້ຕັດສິນໃຈເພື່ອເຮັດຕາມຄວາມຄິດຂອງຕົນເອງ ແລະຕາມຄວາມ
ຮູ້ສຶກແບບສ່ວນຕົວວ່າໂຕເອງດັງ ໂຕເອງໃຫຍ່ ໂດຍໄດ້ເວົ້າວ່າ “ດີລະ ຂ້າພະເຈົ້າ
ພຽງຢາກເບິ່ງວ່າ ຂ້າພະເຈົ້າຈະເຮັດໄດ້ດີປານໃດ ຢູ່ໃນເຂດທີ່ສະໜັບສະໜູນຂ້າ
ພະເຈົ້າ ແລະຈະໂອ້ລົມກັບແຕ່ພວກທີ່ຢູ່ໃນຄ້າຍສະໜັບສະໜູນຂ້າພະເຈົ້າເທົ່າ
ນັ້ນ.” ອັນນັ້ນ ເປັນສ່ວນນຶ່ງຂອງເຫດຜົນເຮັດໃຫ້ທ່ານເຮັດໃນສິ່ງທີ່ທ່ານກຳລັງ
ເຮັດຢູ່.”
ການເລືອກຕັ້ງຄັ້ງນີ້ ອາດເຮັດໃຫ້ຮູ້ວ່າ ພວກສະໜັບສະໜູນທີ່ຈົງຮັກພັກດີຂອງປະ
ທານາທິບໍດີ ຈະສາມາດສູ້ກັບການລົງໄປປ່ອນບັດຢ່າງເປັນຂະບວນໃຫຍ່ຂອງພວກ
ສັງກັດພັກເດໂມແຄຣັດ ທີ່ພາກັນຫາວິທີທີ່ຈະສົ່ງສັນຍານໃຫ້ທ່ານ ທຣຳຮູ້ໃນວັນທີ 6
ເດືອນພະຈິກທີ່ຈະມາເຖິງນີ້.