ຕຳຫລວດ Burundi ໄດ້ຍິງສາມຄົນຕາຍ ໃນວັນຈັນວານນີ້
ລະຫວ່າງການເດີນຂະບວນປະທ້ວງຄືນໃໝ່ ຕໍ່ຕ້ານປະທານາ
ທິບໍດີ ທີ່ພະຍາຍາມຈະຕໍ່ການປົກຄອງຂອງທ່ານອອກໄປອີກ.
ສະພາກາແດງ Burundi ໄດ້ຢືນຢັນການເສຍຊີວິດຂອງສາມ
ຄົນກັບ ວີໂອເອ ພະແນກພາສາອາຟຣິກາກາງ. ລາຍງານ
ກ່າວວ່າ ມີຫລາຍສິບຄົນໄດ້ຮັບບາດເຈັບ ໃນວັນຈັນວານນີ້
ເວລາຕຳຫລວດເປີດສາກຍິງໃສ່ພວກປະທ້ວງ ທີ່ພາກັນເດີນ
ຂະບວນຢູ່ໃນເຂດຊານເມືອງຫລວງ Bujumbura.
ຢ່າງໝ້ອຍ 12 ຄົນໄດ້ເສຍຊີວິດ ໃນໄລຍະໜຶ່ງອາທິດປາຍຜ່ານ
ມາ ໃນການເດີນປະທ້ວງຕໍ່ຕ້ານ ປະທານາທິບໍດີ Pierre Nkurunziza ທີ່ໄດ້ຕັດສິນໃຈຈະສະໝັກແຂ່ງຂັນເອົາສະໄໝທີ່ສາມ ໃນການເລືອກຕັ້ງເດືອນໜ້ານີ້.
ບັນດາຜູ້ຕິຕຽນ ກ່າວວ່າ ນັ້ນຈະເປັນການຝ່າຝືນຕໍ່ການຈຳກັດໃຫ້ປະທານາທິບໍດີດຳລົງ
ຕຳແໜ່ງໄດ້ແຕ່ສອງສະໄໝ ຕາມທີ່ລະບຸໄວ້ໃນລັດຖະທຳມະນູນ ສະບັບ ປີ 2005 ຫລັງ
ສົງຄາມກາງເມືອງນັ້ນ.
ພວກສະໜັບສະໜູນ ປະທານາທິບໍດີ ກ່າວວ່າ ສະໄໝທຳອິດຂອງທ່ານນັ້ນບໍ່ນັບ ເພາະ
ວ່າທ່ານໄດ້ຖືກເລືອກຕັ້ງຈາກສະພາ ບໍ່ແມ່ນຈາກຜູ້ປ່ອນບັດ ດັ່ງທີ່ລະບຸໄວ້ຢູ່ໃນ ລັດຖະ
ທຳມະນູນ.