NEW YORK —
ວັນອາທິດມື້ນີ້ ປະທານາທິບໍດີ ບາຣັກ ໂອບາ
ມາ ຈະເດີນທາງໄປຍັງເມືອງ Newtown ລັດ Connecticut
ເພື່ອໃຫ້ຄວາມອົບອຸ່ນແລະກໍາລັງໃຈແກ່ເມືອງດັ່ງກ່າວ ທີ່ເກີດ
ເຫດການຍິງສັງຫານຢູ່ໂຮງຮຽນແຫ່ງນຶ່ງທີ່ຍັງຜົນໃຫ້ເດັກນ້ອຍ
20 ແລະຜູ້ໃຫຍ່ອີກ 6 ຄົນເສຍຊີວິດຈາກເຫດຮ້າຍຄັ້ງນີ້.
ເຈົ້າໜ້າທີ່ທໍານຽບຂາວເວົ້າວ່າ ທ່ານໂອບາມາ ຈະພົບປະກັບ
ບັນດາຄອບຄົວທີ່ໄດ້ສູນເສຍຄົນຮັກແພງໄປ ໃນເຫດການຍິງ
ສັງຫານ ຢູ່ໂຮງຮຽນປະຖົມ Sandy Hook ແລະ ກ່າວຂອບໃຈ ບັນດາຕໍາຫຼວດແລະເຈົ້າໜ້າທີ່ ທີ່ໄປຮັບມືກັບເຫດດັ່ງກ່າວກ່ອນໝູ່ນັ້ນ. ປະທານາທິບໍດີໂອບາມາ ມີແຜນການຈະກ່າວ ຕໍ່ຄອບຄົວຂອງພວກເຄາະຮ້າຍ ໃນພິທີໄວ້ອາໄລໃນຕອນແລງວັນອາທິດມື້ນີ້ ຫລືເຊົ້າວັນຈັນມື້ອື່ນ ຕາມເວລາໃນເມືອງລາວ.
ຕໍາຫຼວດລັດ Connecticut ເວົ້າວ່າ ລາຍຊື່ຜູ້ເສຍຊີວິດຍ້ອນເຫດຮ້າຍຄັ້ງນີ້ ມີເດັກຍິງ 12 ຄົນ ແລະເດັກຊາຍ 8 ຄົນ ທັງໝົດອາຍຸ 6 ຫາ 7 ປີ ເປັນນັກຮຽນຮຽນຢູ່ຊັ້ນ ປ.ນຶ່ງ. ສ່ວນຜູ້ໃຫຍ່ຫົກຄົນ ແມ່ນແມ່ຍິງທັງໝົດ.
ທ່ານ H. Wayne Carver ຫົວໜ້າສັນລະສູດທາງການແພດ ເວົ້າວ່າ ພວກເສຍຊີວິດທັງໝົດຖືກຍິງໃນໄລຍະເຜົາຂົນຫລາຍໆນັດ ດ້ວຍປືນຍາວໂອໂຕມາຕິກ ທີ່ຖືກລະບຸໃນຕອນຕົ້ນໆວ່າ ເປັນປືນຍາວຈູ່ໂຈມ ຍີ່ຫໍ້ Bushmaster. ລາຍງານກ່ອນໜ້ານີ້ເວົ້າວ່າ ຍັງມີການພົບເຫັນປືນສັ້ນ ໂອໂຕມາຕິກສອງກະບອກ ວາງຢູ່ໃກ້ສົບຂອງມືປືນ. ທາງການລັດ Connecticut ເວົ້າວ່າ ມືປືນເສຍຊີວິດຢູ່ບ່ອນເກີດເຫດ ຈາກການຍິງສັງຫານຕົນເອງ
ການສັນລະສູດສົບຂອງມືປືນ ທີ່ຖືກຊີ້ຕົວວ່າແມ່ນນາຍ Adam Lanza ອາຍຸ 20 ປີ ນັ້ນ ຄາດວ່າຈະມີຂຶ້ນໃນວັນອາທິດມື້ນີ້ ພ້ອມກັບການກວດສົບຂອງແມ່ຂອງມືປືນ ທີ່ລາຍງານເວົ້າວ່າ ຖືກລູກຊາຍຂອງລາວເອງ ສັງຫານ ຢູ່ທີ່ບ້ານ.
ທາງການສະຫະລັດຍັງບໍ່ລະບຸສາເຫດດົນໃຈຂອງການຍິງສັງຫານຄັ້ງນີ້ເທື່ອ ທີ່ເກີດຂຶ້ນຢູ່ຫ່າງຈາກ ນີວຢ໊ອກ ປະມານ 120 ກິໂລແມັດ ທາງກໍ້າ ຕາເວັນອອກສຽງເໜືອ. ເຈົ້າໜ້າທີ່ທີ່ບໍ່ຂໍເປີດເຜີຍຊື່ ເວົ້າວ່າມີຫຼັກຖານພໍທີ່ຈະພາໃຫ້ເຂົ້າໃຈເຖິງສາເຫດດົນໃຈໄດ້. ມີລາຍງານວ່າ ນາຍ Lanza ນີ້ເປັນຄົນບໍ່ມັກເວົ້າ ແລະບໍ່ເຂົ້າສັງຄົມ ແຕ່ກໍເປັນຄົນສະຫຼຽວສະຫຼາດຫຼາຍ.
Pete Fedynsky ຜູ້ສື່ຂ່າວວີໂອເອ ຢູ່ບ່ອນເກີດເຫດ ເວົ້າວ່າ ສື່ມວນຊົນ ຈາກ ຍີ່ປຸ່ນ ຈີນ ສວີເດັນ ແລະຫຼາຍໆປະເທດ ໄດ້ສົ່ງນັກຂ່າວ ມາເອົາຂ່າວເຫດຮ້າຍນີ້. ການຍິງສັງຫານຄັ້ງນີ້ ນັບວ່າເປັນການສັງຫານທໍານອງນີ້ ທີ່ໂຫດຮ້າຍທີ່ສຸດຄັ້ງທີ່ສອງໃນປະວັດສາດສະຫະລັດ ທີ່ກາຍເປັນຫົວຂ່າວໃຫຍ່ຢູ່ຕາມໜັງສືພິມ ເມື່ອວັນເສົາວານນີ້ ໃນທົ່ວພາກພື້ນຢູໂຣບ ແລະພາກສ່ວນໃຫຍ່ຂອງເອເຊຍ.
ໃນຄໍາຖະແຫຼງຕໍ່ປະເທດຊາດປະຈໍາອາທິດຂອງທ່ານນັ້ນ ປະທານາທິບໍດີ ໂອບາມາ ເວົ້າວ່າ ພໍ່ແມ່ທຸກໆຄົນໃນອະເມຣິກາມີຫົວໃຈທີ່ໜັກອຶ້ງໄປດ້ວຍຄວາມເຈັບປວດ ແລະທ່ານຮຽກຮ້ອງໃຫ້ມີການປະຕິບັດການຢ່າງມີຄວາມ ໝາຍ ເພື່ອປ້ອງກັນບໍ່ໃຫ້ເກີດເຫດໂສກນາດຕະກໍາແບບນີ້ຂຶ້ນອີກໄດ້.
![Connecticut School Massacre]()
Photo Gallery:
ມາ ຈະເດີນທາງໄປຍັງເມືອງ Newtown ລັດ Connecticut
ເພື່ອໃຫ້ຄວາມອົບອຸ່ນແລະກໍາລັງໃຈແກ່ເມືອງດັ່ງກ່າວ ທີ່ເກີດ
ເຫດການຍິງສັງຫານຢູ່ໂຮງຮຽນແຫ່ງນຶ່ງທີ່ຍັງຜົນໃຫ້ເດັກນ້ອຍ
20 ແລະຜູ້ໃຫຍ່ອີກ 6 ຄົນເສຍຊີວິດຈາກເຫດຮ້າຍຄັ້ງນີ້.
ເຈົ້າໜ້າທີ່ທໍານຽບຂາວເວົ້າວ່າ ທ່ານໂອບາມາ ຈະພົບປະກັບ
ບັນດາຄອບຄົວທີ່ໄດ້ສູນເສຍຄົນຮັກແພງໄປ ໃນເຫດການຍິງ
ສັງຫານ ຢູ່ໂຮງຮຽນປະຖົມ Sandy Hook ແລະ ກ່າວຂອບໃຈ ບັນດາຕໍາຫຼວດແລະເຈົ້າໜ້າທີ່ ທີ່ໄປຮັບມືກັບເຫດດັ່ງກ່າວກ່ອນໝູ່ນັ້ນ. ປະທານາທິບໍດີໂອບາມາ ມີແຜນການຈະກ່າວ ຕໍ່ຄອບຄົວຂອງພວກເຄາະຮ້າຍ ໃນພິທີໄວ້ອາໄລໃນຕອນແລງວັນອາທິດມື້ນີ້ ຫລືເຊົ້າວັນຈັນມື້ອື່ນ ຕາມເວລາໃນເມືອງລາວ.
ຕໍາຫຼວດລັດ Connecticut ເວົ້າວ່າ ລາຍຊື່ຜູ້ເສຍຊີວິດຍ້ອນເຫດຮ້າຍຄັ້ງນີ້ ມີເດັກຍິງ 12 ຄົນ ແລະເດັກຊາຍ 8 ຄົນ ທັງໝົດອາຍຸ 6 ຫາ 7 ປີ ເປັນນັກຮຽນຮຽນຢູ່ຊັ້ນ ປ.ນຶ່ງ. ສ່ວນຜູ້ໃຫຍ່ຫົກຄົນ ແມ່ນແມ່ຍິງທັງໝົດ.
ທ່ານ H. Wayne Carver ຫົວໜ້າສັນລະສູດທາງການແພດ ເວົ້າວ່າ ພວກເສຍຊີວິດທັງໝົດຖືກຍິງໃນໄລຍະເຜົາຂົນຫລາຍໆນັດ ດ້ວຍປືນຍາວໂອໂຕມາຕິກ ທີ່ຖືກລະບຸໃນຕອນຕົ້ນໆວ່າ ເປັນປືນຍາວຈູ່ໂຈມ ຍີ່ຫໍ້ Bushmaster. ລາຍງານກ່ອນໜ້ານີ້ເວົ້າວ່າ ຍັງມີການພົບເຫັນປືນສັ້ນ ໂອໂຕມາຕິກສອງກະບອກ ວາງຢູ່ໃກ້ສົບຂອງມືປືນ. ທາງການລັດ Connecticut ເວົ້າວ່າ ມືປືນເສຍຊີວິດຢູ່ບ່ອນເກີດເຫດ ຈາກການຍິງສັງຫານຕົນເອງ
ການສັນລະສູດສົບຂອງມືປືນ ທີ່ຖືກຊີ້ຕົວວ່າແມ່ນນາຍ Adam Lanza ອາຍຸ 20 ປີ ນັ້ນ ຄາດວ່າຈະມີຂຶ້ນໃນວັນອາທິດມື້ນີ້ ພ້ອມກັບການກວດສົບຂອງແມ່ຂອງມືປືນ ທີ່ລາຍງານເວົ້າວ່າ ຖືກລູກຊາຍຂອງລາວເອງ ສັງຫານ ຢູ່ທີ່ບ້ານ.
ທາງການສະຫະລັດຍັງບໍ່ລະບຸສາເຫດດົນໃຈຂອງການຍິງສັງຫານຄັ້ງນີ້ເທື່ອ ທີ່ເກີດຂຶ້ນຢູ່ຫ່າງຈາກ ນີວຢ໊ອກ ປະມານ 120 ກິໂລແມັດ ທາງກໍ້າ ຕາເວັນອອກສຽງເໜືອ. ເຈົ້າໜ້າທີ່ທີ່ບໍ່ຂໍເປີດເຜີຍຊື່ ເວົ້າວ່າມີຫຼັກຖານພໍທີ່ຈະພາໃຫ້ເຂົ້າໃຈເຖິງສາເຫດດົນໃຈໄດ້. ມີລາຍງານວ່າ ນາຍ Lanza ນີ້ເປັນຄົນບໍ່ມັກເວົ້າ ແລະບໍ່ເຂົ້າສັງຄົມ ແຕ່ກໍເປັນຄົນສະຫຼຽວສະຫຼາດຫຼາຍ.
Pete Fedynsky ຜູ້ສື່ຂ່າວວີໂອເອ ຢູ່ບ່ອນເກີດເຫດ ເວົ້າວ່າ ສື່ມວນຊົນ ຈາກ ຍີ່ປຸ່ນ ຈີນ ສວີເດັນ ແລະຫຼາຍໆປະເທດ ໄດ້ສົ່ງນັກຂ່າວ ມາເອົາຂ່າວເຫດຮ້າຍນີ້. ການຍິງສັງຫານຄັ້ງນີ້ ນັບວ່າເປັນການສັງຫານທໍານອງນີ້ ທີ່ໂຫດຮ້າຍທີ່ສຸດຄັ້ງທີ່ສອງໃນປະວັດສາດສະຫະລັດ ທີ່ກາຍເປັນຫົວຂ່າວໃຫຍ່ຢູ່ຕາມໜັງສືພິມ ເມື່ອວັນເສົາວານນີ້ ໃນທົ່ວພາກພື້ນຢູໂຣບ ແລະພາກສ່ວນໃຫຍ່ຂອງເອເຊຍ.
ໃນຄໍາຖະແຫຼງຕໍ່ປະເທດຊາດປະຈໍາອາທິດຂອງທ່ານນັ້ນ ປະທານາທິບໍດີ ໂອບາມາ ເວົ້າວ່າ ພໍ່ແມ່ທຸກໆຄົນໃນອະເມຣິກາມີຫົວໃຈທີ່ໜັກອຶ້ງໄປດ້ວຍຄວາມເຈັບປວດ ແລະທ່ານຮຽກຮ້ອງໃຫ້ມີການປະຕິບັດການຢ່າງມີຄວາມ ໝາຍ ເພື່ອປ້ອງກັນບໍ່ໃຫ້ເກີດເຫດໂສກນາດຕະກໍາແບບນີ້ຂຶ້ນອີກໄດ້.
