ລິ້ງ ສຳຫລັບເຂົ້າຫາ

ວັນຈັນ, ໒໐ ພຶດສະພາ ໒໐໒໔

ປ. Rousseff ທີ່ຖືກປົດຈາກຕຳແໜ່ງ ປະກາດ ຈະຕໍ່ສູ້ ການຟ້ອງ ຂອງສະພາສູງ


ປະທານາທິບໍດີ Dilma Rousseff ກ່າວຫລັງຈາກອອກຈາກ ທຳນຽບປະທານາທິບໍດີ Planalto ວັນທີ 12 ພຶດສະພາ 2016.
ປະທານາທິບໍດີ Dilma Rousseff ກ່າວຫລັງຈາກອອກຈາກ ທຳນຽບປະທານາທິບໍດີ Planalto ວັນທີ 12 ພຶດສະພາ 2016.

ປະທານາທິບໍດີຊົ່ວຄາວ ​ຂອງ​ບຣາຊີ​ລ ທ່ານ Michel Temer ​ເລີ້​ມການ​ປົກຄອງ​ຂອງ​ ລັດຖະບານ​ໃໝ່​ຂອງ​ທ່ານ ​ໃນ​ວັນ​ສຸກ​ມື້ນີ້ ​ໃນ​ຂະນະ​ທີ່​ພວກສະໜັບສະໜູນປະທານາທິ ບໍດີ​ຄົ​ນກ່ອນ​ຫຼາຍ​ຮ້ອຍ​ຄົນ ຍັງ​ສືບ​ຕໍ່​ພາກັນ​ປະ​ທ້ວງ​ຢູ່​ຕາມ​ຖະໜົນ​ຫົນທາງ ​ແລະ​ບັນດາ ​ຜູ້ນຳ​ຂົງ​ເຂດ ປະນາມ​ການ​ລົງ​ຄະ​ແນນ​ສຽງ​ຂອງ​ສະພາ​ສູງ​ ​ເພື່ອຟ້ອງ​ການ​ດຳ​ເນີນ​ຄະດີ ​ນັ້ນວ່າ ​ເປັນ​ການ​ເຮັດ​ລັດຖະປະຫານ.

ອະດີ​ດຮອງ​ປະທານ​າທິບໍດີ ​ໄດ້​ປະ​ກອບ​ຄະນະ​ລັດຖະບານ​ ທີ່​ເປັນ​ມິດ​ກັບທຸລະ​ກິດ ​ໃນ​ ວັນ​ພະຫັດ​ວານ​ນີ້ ພຽງ​ບໍ່​ເທົ່າ​ໃດ​ຊົ່ວ​ໂມງ ຫລັງ​ຈາກ​ບັນດາສະມາຊິກ​ສະພາ​ສູງ​ໄດ້​ລົງ​ຄະ​ ແນນ​ສຽງປົດ​ອະດີດ​ພັນທະ​ມິດ ທີ່​ໄດ້​ກາຍ​ມາ​ເປັນ​ສັດຕູ​ທາງການ​ເມືອງຂອງ​ທ່ານ ຄືທ່ານ ​ນາງ Dilma Rousseff ອອກຈາກຕຳ​ແໜ່​ງ ​ເປັນ​ການ​ຊົ່ວຄາວ ຍ້ອນຖືກ​ກ່າວ​ຫາວ່າ​ສໍ້ ​ລາດ​ບັງ​ຫລວງ. ລັດຖະບານ​ຂອງ​ທ່ານ Temer ຍັງປະ​ເຊີນ​ກັບ​ບັນຫາ​ທ້າ​ທາຍ​ອັນ​ໃຫຍ່ ຫລວງ ທີ່​ຈະແກ່ດືງ​ເອົາ​ປະ​ເທດ​ຊາດອອກຈາກ​ສະພາບເສດຖະກິດ​ຕົກ​ຕໍ່າ​ສຸດ ​ແລະ​ປະ ຕິ​ຮູບ​ລະບົບ​ເບ້ຍ​ບຳນານ.

ທ່ານ Temer ອາ​ຍຸ 75 ປີ ກ່າວ​ເປັນ​ເ​ທຶ່ອທຳ​ອິດ​ໃນ​ນາມຜູ້ນຳຂອງບຣາຊິ​ລວ່າ “ພວກ​ເຮົາ​ ຕ້ອງ​ປັບ​ປຸງ​ ບັນຍາກາດ​ທາງ​ດ້ານທຸລະ​ກິດ ​ໃຫ້​ດີ​ຂຶ້ນສຳລັບພາກ​ເອກ​ກະ​ຊົນແລະ​ເຮັດ​ໃຫ້​ ງົບປະມານຂອງ​ລັດຖະບານ ມີ​ຄວາມ​ສົມ​ດຸນ​ຄືນ​ໃໝ່.”

ບັນດາສະມາຊິກສະພາສູງ ບຣາຊິລ ສະແດງປະຕິກິຣິຍາ ຫລັງຈາກລົງຄະແນນສຽງຟ້ອງ ປະທານາທິບລດີ Dilma Rousseff.
ບັນດາສະມາຊິກສະພາສູງ ບຣາຊິລ ສະແດງປະຕິກິຣິຍາ ຫລັງຈາກລົງຄະແນນສຽງຟ້ອງ ປະທານາທິບລດີ Dilma Rousseff.

ເຖິງ​ຢ່າງ​ໃດ​ກໍ​ດີ ພວກ​ຕຳ​ໜິຕິຕຽນ ​ໄດ້​ໃຫ້​ຂໍ້​ສັງ​ເກດ​ວ່າ ຄະນະລັດຖະບານ​ຂອງ​ທ່ານ Tremer ​ຢູ່ໃນ​ບຣາຊິ​ລທີ່​ມີຄວາ​ມ​ຫລາກ​ຫຼາຍ​ໃນ​ດ້ານ​ຊົນ​ຊາດ​ຊົນ​ເຜົ່ານັ້ນ ບໍ່ໄດ້ຮວມ​ເອົາ​ຊາວ​ຜີວ​ດຳ​ແລະ​ພວກ​ແມ່ຍິງເຂົ້າຮ່ວມ​ນຳ ຊຶ່ງ​ນັບເປັນ​ເທື່ອ​ທຳ​ອິດ​ທີ່​ໄດ້​ເກີດ​ຂຶ້ນ​ ​ໃນ​ຮອບ​ຫລາຍໆ​ປີ.

ທ່ານ Sergio Pracia ນັກລັດຖະສາດ​ການ​ເມືອງ ກ່າວ​ຕໍ່ ໜັງສືພິມ​ New York Time ວ່າ “ມັນ​ເປັນ​ໜ້າ​ອັບອາຍ​ທີ່​ການ​ເລືອກ​ເອົາຄະນະ​ບໍລິຫານ​ຂອງ​ທ່ານ Tremer ສ່ວນ​ໃຫຍ່​ແລ້ວ​ມີ​ແຕ່​ຜູ້​ເຖົ້າ ​ເປັນຜູ້​ຊາຍ​ຄົນ​ຂາວ.”

​ແລະ​ທ່ານ Temer ​ເອງກໍ​ຍັງມີ​ຮອຍ​ດ່າງຂອງ​ການ​ສໍ້​ລາດ​ບັງ​ຫລວງ. ​ເຖິງ​ແມ່ນ​ວ່າ​ຈະ​ບໍ່​
ໄດ້​ຢູ່​ພາຍ​ໃຕ້​ການ​ສືບສວນກໍ​ຕາມ​ແຕ່ທ່ານກໍຍັງ​ຄວາມ​ສ່ຽງຢູ່​ຕໍ່​ການ​ກ່າວ ​ຫາ​ວ່າ​ມີ​ການ ສໍ້ລາດບັງ​ຫຼວງ ທີ່​ບໍ​ລິ​ສັດລັດ​ວິ​ສາ​ຫະກິດ​ນໍ້າມັນ Petrobas ທີ່​ໄດ້ເຮັດ​ໃຫ້​ສະ​ມາ​ຊິກ​ອະ​ວຸ ​ໂສ ໃນພັກຂອງທ່ານ ຖືກ​ກັບ​ດັກ ພ້ອມ​ດ້ວຍ​ທ່ານ​ນາງ Rouseff.

ອ່ານຂ່າວນີ້ເພີ້ມເປັນພາສາອັງກິດ

Brazil Impeachment
please wait
Embed

No media source currently available

0:00 0:02:11 0:00

XS
SM
MD
LG