ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຕຳຫຼວດ ຍິງຊາຍຄົນໜຶ່ງ ຫຼັງຈາກ ປະທະກັນ ຢູ່ບ່ອນປະທ້ວງ ໃນເມືອງເຟີເກິສັນ


ຜູ້​ບັນຊາ​ການຕຳຫຼວດເມືອງ St. Louis ທ່ານ Jon Belmar ສະແດງທ່າທີ ໃນລະຫວ່າງ ກອງປະຊຸມນັກຂ່າວ ໃນ ເມືອງ ເຄລຕັນ, ລັດ ມິສຊູຣີ, ວັນທີ 10 ສິງຫາ 2015.
ຜູ້​ບັນຊາ​ການຕຳຫຼວດເມືອງ St. Louis ທ່ານ Jon Belmar ສະແດງທ່າທີ ໃນລະຫວ່າງ ກອງປະຊຸມນັກຂ່າວ ໃນ ເມືອງ ເຄລຕັນ, ລັດ ມິສຊູຣີ, ວັນທີ 10 ສິງຫາ 2015.

ຕຳຫຼວດຢູ່​ເມືອງ​ ​ເຟີ​ເກິ​ສັນ ​ໃນລັດມິສຊູຣີ ກ່າວ​ວ່າ ຊາຍ​ຄົນ​ໜຶ່ງ
​ແມ່ນ​ຕົກຢູ່​ໃນ​ສະພາບອາການ​ສາຫັດ ​ໃນ​ວັນ​ຈັນ​ມື້​ນີ້ ຫຼັງຈາກ​ໄດ້
​ຖືກ​ຍິງ​ໂດຍ​ຕຳຫຼວດ ​ໃນ​ລະຫວ່າງ​ຍິງ​ຕອບ​ໂຕ້ກັນ ​ຢູ່​ດ້ານ​ນອກ
​ຂອງອັນ​ທີ່​ປາກົດ​ວ່າ ​ເປັນມື້​ຂອງ​ຂະ​ບວນຍ່າງທີ່​ສັນຕິ ​ເພື່ອ​ລະນຶກ
​ເຖິງ​ຊາຍ​ໜຸ່ມ​ຜິວ​ດຳ ບໍ່ຕິດອາວຸດຄົນ​ໜຶ່ງ​ ​ຖືກ​ຍິງ​ເສ​ຍຊີວິດ ​ໂດຍ
ຕຳຫຼວດຜິວ​ຂາວ​ ຄົບຮອບ 1 ປີ​.​

ຜູ້​ບັນຊາ​ການຕຳຫຼວດນະຄອນ St. Louis ທ່ານ Jon Belmar
ກ່າວ​ວ່າ ບັນດາຕຳຫຼວດລັບ ​ໄດ້​ຕິດຕາມ​ເບິ່ງ ຊາຍ​ຄົນ​ໜຶ່ງ ທີ່​
ພວກ​ເຂົາເຈົ້າຢ້ານ​ວ່າ ມີອາວຸດຕິດ​ຕົວ​ນັ້ນ ​ແລະ​ ວ່າ ຕໍ່​ມາຜູ້ກ່ຽວ
​ໄດ້ມີ​ສ່ວນ​ໃນ​ການ​ຍິງຕອບ​ໂຕ້​ກັນ 40 ຫຼື 50 ນັດ ລະຫວ່າງ​
ສອງ​ກຸ່ມຄົນ ກ່ອນ​ໜ້າ ການ​ຍິງ​ໃສ່​ລົດຕຳຫຼວດບໍ່ຕິດ​ເຄື່ອງໝາຍ ຫຼາຍນັດ. ຕຳຫຼວດລັບ ທັງ 4 ຄົນ ​ໄດ້​ຍິງ​ຕອບ​ໂຕ້​ຄືນຈົນຊາຍ​ຄົນ​ນັ້ນ ລົ້ມລົງ.​

ພວກຄົນຈຳນວນໜຶ່ງ ເຂົ້າມາຊ່ວຍ ແມ່ຍິງຄົນໜຶ່ງ ຜູ້ທີ່ຕື່ນຕົກໃຈ ຫຼັງຈາກ ໄດ້ມີການຍິງປືນໃສ່ບໍລິເວນໃກ້ກັບພວກປະທ້ວງ ໃນເມືອງເຟີເກິສັນ ລັດ ມິສຊູຣີອ, ວັນທີ 9 ສິງຫາ 2015.
ພວກຄົນຈຳນວນໜຶ່ງ ເຂົ້າມາຊ່ວຍ ແມ່ຍິງຄົນໜຶ່ງ ຜູ້ທີ່ຕື່ນຕົກໃຈ ຫຼັງຈາກ ໄດ້ມີການຍິງປືນໃສ່ບໍລິເວນໃກ້ກັບພວກປະທ້ວງ ໃນເມືອງເຟີເກິສັນ ລັດ ມິສຊູຣີອ, ວັນທີ 9 ສິງຫາ 2015.

St. Louis Post-Dispatch ​ລາຍງານ​ວ່າ ພໍ່​ຂອງ​ຊາຍ​ຄົນ​ດັ່ງ​ກ່າວ ລະບຸ​ຕົວ​ລາວວ່າ​ແມ່ນ
ທ້າວ Tyrone Harris Jr. ອາຍຸ 18 ປີ ​ແລະ ວ່າ ລາວ​ເປັນ​ເພື່ອນ “​ໃກ້ຊິດ” ກັບ​ທ້າວ
Michael Brown ອາຍຸ 18 ປີ ຜູ້​ທີ່​ຖືກ​ສັງຫານ​ໂດຍ​ຕຳຫຼວດ​ໃນ​ເມືອງ​ເຟີເກິ​ສັນ ​ເມື່ອ​ປີ​ກາຍ​ນີ້.

ທ່ານ Belmar ກ່າວ​ຖະ​ແຫລ​ງຕໍ່​ກອງ​ປະຊຸມ​ນັກຂ່າ​ວ ວ່າ ການລະ​ເບີດ​ຂຶ້ນຂອງ​ຄວາມ​ຮຸນ​ແຮງ​ນັ້ນ ​ແມ່ນ​ “ກຳລັງຈະເກີດມີ​ການ​ປ່ຽນ​ແປງ​ໃນ​ທາງ​ບວກ” ​ ໂດຍ​ເນັ້ນ​ວ່າ ການ​ຍິງ​
ກັນນັ້ນ ບໍ່ມີ​ສ່ວນ​ກ່ຽວ​ພັນ​ກັບ​ການ​ເດີນ​ຂະ​ບວນ​ເລີຍ.

ທ່ານ​ກ່າວ​ອີກ​ວ່າ “ພວກ ​ເຂົາ ​ແມ່ນ​ພວກ​ອາ​ຊະ​ຍາກ​ອນ ພວກ​ເຂົາ​ບໍ່​ແມ່ນ​ພວກ​ປະ​ທ້ວງ ພວກ​ທີ່​ທຳ​ການ​ປະ​ທ້ວງ ​ແມ່ນ​ພວກ​ຄົນຜູ້ທີ່ຢູ່​ແຫ່ງ​ນັ້ນ ຜູ້​ທີ່ກຳລັງ​ໂອ້​ລົ​ມກັນຫາ​ທາງ ​ປ່ຽນແປງ ສິ່ງ​ໃດ​ກໍ​ຕາມ​ທີ່​ອາດ​ເປັນ​ໄປ​ໄດ້. ອັນ​ນັ້ນ ບໍ່​ແມ່ນ​ອັນ​ທີ່​ເກີດ​ຂຶ້ນຢູ່​ນະ​ທີ່​ນີ້.”

ພວກປະທ້ວງຮ້ອງໂຮໃສ່ ແຖວເຈົ້າໜ້າທີ່ຕຳຫຼວດ ເມື່ອບໍ່ດົນ ກ່ອນໜ້າ ການຍິງຕອບໂຕ້ກັນ ໃນເຫດການທີ່ກ່ຽວພັນກັບຕຳຫຼວດໃນເມືອງ Ferguson, ລັດ Missouri ຍິງຊາຍໜຸມຜິວດຳບໍ່ຕິດອາວຸດ, ວັນທີ 9 ສິງຫາ 2015.
ພວກປະທ້ວງຮ້ອງໂຮໃສ່ ແຖວເຈົ້າໜ້າທີ່ຕຳຫຼວດ ເມື່ອບໍ່ດົນ ກ່ອນໜ້າ ການຍິງຕອບໂຕ້ກັນ ໃນເຫດການທີ່ກ່ຽວພັນກັບຕຳຫຼວດໃນເມືອງ Ferguson, ລັດ Missouri ຍິງຊາຍໜຸມຜິວດຳບໍ່ຕິດອາວຸດ, ວັນທີ 9 ສິງຫາ 2015.

ທ່ານ​ ກ່າວ​ຕໍ່​ໄປ​ວ່າ ກ່ອນ​ອື່ນຕຳຫຼວດໄດ້ເພີ້​ມຈຳນວນ​ຂຶ້ນ​ໃນ​ສະຖານ​ທີ່​ດັ່ງກ່າວ​ນັ້ນ ຫຼັງຈາກ ມີ​ລາຍ​ງານການຈະ​ລາ​ຈົນ ​ແລະ ວ່າ ພວກ​ຄົນ​ບາງ​ສ່ວນ​ໄດ້ແກວ່ງຂວດ​ແກ້ວ ​ທີ່​ຕົກ​ແຕກ​ຢູ່​ໃກ້ໆ​ກັບ​ເຈົ້າໜ້າ​ທີ່​ຕຳຫຼວດ. ທ່ານ​ຍັງ​ໄດ້​ລາຍ​ງານ​ວ່າ ຕຳຫຼວດຄົນ​ໜຶ່ງ ​ໄດ້​ຮັບ​ບາດ​ເຈັບ ​ດ້ວຍ​ກ້ອນ​ດິນຈີ່​ທີ່​ແກວ່ງ​ມາ ​ໃນ​ຄ່ຳ​ຄືນ​ຂອງວັນ​ອາທິດວານ​ນີ້ ​ໃນ​ເມືອງ​ເຟີເກິ​ສັນ.

ທ່ານ Belmar ກ່າວ​ວ່າ ທ່ານ​ເຊື່ອວ່າ ຄວາມ​ຮຸນ​ແຮງນີ້ ​ແມ່ນຈະ​ຫລີກ​ລ້ຽງ​ໄດ້ ​ແລະ ວ່າ ຫຼາຍໆ ຄົນຢູ່​ໃນ​ເມືອງ​ເຟີເກິ​ສັນ ​ແມ່ນ​ໄດ້​ເຮັດ​ວຽກ​ໜັກມາຫຼາຍແລ້ວ ​ເພື່ອ​ພະຍາຍາມບໍ່ໃຫ້​ຄວາມ​ຮຸນ​ແຮງເກີດ​ຂຶ້ນ.

ບັນດາຄອບຄົວ ເພື່ອນມິດ ແລະ ຜູ້ສະໜັບສະໜູນ ຢຸດແວ່ ຢືນສະຫງົບຫງຽບ ເວລາສັ້ນໆ ຢູ່ທີ່ ອະນຸສອນສະຖານ ຂອງທ້າວ Michael Brown, ວັນທີ 9 ສິງຫາ 2015.
ບັນດາຄອບຄົວ ເພື່ອນມິດ ແລະ ຜູ້ສະໜັບສະໜູນ ຢຸດແວ່ ຢືນສະຫງົບຫງຽບ ເວລາສັ້ນໆ ຢູ່ທີ່ ອະນຸສອນສະຖານ ຂອງທ້າວ Michael Brown, ວັນທີ 9 ສິງຫາ 2015.

Ferguson Anniversary
please wait
Embed

No media source currently available

0:00 0:02:30 0:00

XS
SM
MD
LG