ລິ້ງ ສຳຫລັບເຂົ້າຫາ

ໂປແລນຈັບນາຍ Zakayev

  • ໄພສານ ວໍຣະຈັກ

ຕຳຫຼວດໂປແລນ ຈັບກຸມຜູ້ນຳ ກຸ່ມແບ່ງແຍກດິນແດນຊາວ Chechnya ນາຍ Akhmed Zakayev.

ເຈົ້າໜ້າທີ່ເວົ້າວ່າ ນາຍ Zakayev ທີ່ທາງການຣັດເຊຍ ຕ້ອງການໂຕໃນຂໍ້ຫາກໍ່ການຮ້າຍນັ້ນໄດ້ຖືກຈັບທີ່ນະຄອນ ຫຼວງວໍຊໍ ໃນວັນສຸກມື້ນີ້.

ຕຳຫຼວດໂປແລນກ່າວວ່າ ຜູ້ນຳກຸ່ມແບ່ງແຍກດິນແດນຊາວ Chechnya ຈະຖືກຈັບ ພາຍໃຕ້ໝາຍຈັບ ຂອງນາໆຊາດ ຖ້າຜູ້ກ່ຽວ ຫາກເດີນທາງໄປຍັງ ປະເທດໂປແລນ.

ຜູ້ຊ່ອຍຂອງນາຍ Zakayev ເວົ້າວ່າ ນາຍ Zakayev ໄດ້ເດີນທາງເຂົ້າໄປ ໃນປະເທດໂປ ແລນ ໃນມື້ວານນີ້ ໂດຍບໍ່ມີບັນຫາໃດໆທັງສິ້ນ. ລາວເດີນທາງໄປໂປແລນ ເພື່ອເຂົ້າຮ່ວມ ກອງປະຊຸມ ສະພາໂລກປະຊາຊົນຊາວ Chechnya ຊຶ່ງເປັນການເຕົ້າໂຮມ ຂອງຊາວ Chechnya ທີ່ລີ້ໄພຢູ່ໃນຕ່າງປະເທດ.

ນາຍ Zakayev ອາໄສຢູ່ທີ່ປະເທດອັງກິດ ບ່ອນທີ່ລາວໄດ້ຮັບການອະນຸມັດ ໃຫ້ລີ້ໄພການ ເມືອງ ເມື່ອປະມານ 7 ປີ ຜ່ານມາແລ້ວ.

ຖ້າຫາກຖືກສົ່ງໂຕໃຫ້ຣັດເຊຍ ລາວຈະປະເຊີນກັບຂໍ້ຫາ ໃນການກໍ່ອາດຊະຍາກຳຈຳນວນນຶ່ງ ຮວມທັງ ຖືກກ່າວຫາວ່າ ມີບົດບາດໃນການໂຈມຕີ ຂອງຜູ້ກໍ່ການຮ້າຍ.

ມົສກູໄດ້ສູ້ລົບໃນສົງຄາມ 2 ຄັ້ງກັບພວກແບ່ງແຍກດິນແດນໃນ Chechnya ທີ່ປະຊາຊົນ ສ່ວນໃຫຍ່ ນັບຖືສາສະໜາອິສລາມ ນັບແຕ່ປີ 1994 ເປັນຕົ້ນມາ.

XS
SM
MD
LG