ໂປແລນ ຈະດຳເນີນການທຸກຢ່າງທີ່ຈຳເປັນ ເພື່ອຢຸດວິກິດການຢູ່ຊາຍແດນກັບ ເບລາຣຸສ

ໂປ​ແລນ​ ຈະດຳເນີນການທຸກວິທີທາງ ​ເພື່ອ​ແກ້​ໄຂ​ວິ​ກິດ​ການ​ຜູ້ຍົກຍ້າຍຖິ່ນຖານ ​ຢູ່ບໍລິເວນ​ຊາຍ​ແດນຕິດ​ກັບ​ເບ​ລາ​ຣຸສ, ຮອງລັດ​ຖະ​ມົນ​ຕີ​ກະ​ຊວງ​ປ້ອງ​ກັນ​ປະ​ເທດ​ຂອງ​ປະ​ເທດກ່າວ ໃນຂະນະທີ່ລັດ​ຖະ​ບານ ວໍຊໍ ພິຈາລະນາທາງເລືອກຕ່າງໆ ທີ່ອາດຈະລວມເຖິງການປິດຊາຍແດນ, ອີງຕາມອົງການຂ່າວ ຣອຍເຕີສ໌.

ຊາຍແດນດັ່ງກ່າວ ໄດ້ກາຍເປັນຈຸດທີ່ເຮັດໃຫ້ເກີດບັນຫາ ໃນຂະນະທີ່ເຈົ້າຫນ້າ ທີ່ຕາເວັນຕົກ ກ່າວຫາລັດຖະບານ ເບລາຣຸສ ວ່າໄດ້ສົ່ງຜູ້ຍົກຍ້າຍຖິ່ນຖານ ຈາກນອກຢູໂຣບ ເຂົ້າໄປໃນໂປແລນ, ໃນຮູບແບບຂອງ "ສົງຄາມປະສົມ".

ກ່ອນ​ໜ້າ​ນີ້, ​ລັດຖະມົນຕີ​ການ​ຕ່າງປະ​ເທດໂປແລນ ທ່ານ ຣາໂດສລໍ ຊີກອສກີ (Radoslaw Sikorski) ​ໄດ້​ກ່າວ​ວ່າ ໂປ​ແລນ​ ບໍ່​ໄດ້​ປະຕິ​ເສດ​ການ​ປິດ​ຊາຍ​ແດນຢ່າງສິ້ນເຊິງ, ​ໃນ​ຂະນະ​ທີ່​ປະທານາທິບໍດີ ອານເດຣ ດູດາ (Andrzej Duda) ໄດ້ຍົກ​ບັນຫາ​ວິ​ກິດ​ການ​ຊາຍ​ແດນ​ຂຶ້ນໃນລະຫວ່າງ​ການ​ເຈລະຈາ​ກັບ​ຄູ່ຮ່ວມ​ຕຳ​ແໜ່​ງຈາກຈີນ ທ່ານ ສີ ຈິ້ນຜິງ (Xi Jinping), ໂດຍ​ເນັ້ນ​ຍໍ້າ​ເຖິງ​ຜົນ​ສະທ້ອນ​ຕໍ່ການ​ຄ້າ​ກັບ​ຢູໂຣບ.

ໂປ​ແລນ​ໄດ້​ປິດ​ດ່ານ​ຊາຍ​ແດນ​ 4 ໃນ​ 6 ​ແຫ່ງ​ຂອງ​ຕົນ​ກັບ​ເບ​ລາຣຸສ ຢ່າງ​ສິ້ນ​ເຊີງ ຍ້ອນ​ຄວາມ​ເຄັ່ງ​ຕຶງ​ກັບລັດ​ຖະ​ບານ​ ມິງສ໌ (Minsk).

"ພວກເຮົາພ້ອມແລ້ວສໍາລັບທຸກການແກ້ໄຂບັນຫາ ໃນຂົງເຂດນີ້, ເພາະວ່າພວກ ເຮົາຈະບໍ່ຍອມໃຫ້ວິກິດການການຍົກຍ້າຍຖິ່ນຖານ ທີ່ເກີດຈາກເບລາຣຸສ ເກີດຂຶ້ນແບບບໍ່ມີກໍານົດ," ຮອງລັດຖະມົນຕີກະຊວງປ້ອງກັນປະເທດ ທ່ານ ຊີຊາຣີ ທອມຊິກ (Cezary Tomczyk) ກ່າວຕໍ່ ອົງການຂ່າວ Reuters.

ຄວາມພະຍາຍາມຂອງໂປແລນ ໃນການແກ້ໄຂວິກິດການ ສ່ວນນຶ່ງແມ່ນປະ ກອບດ້ວຍການປັບປຸງປ້ອມຍາມປ້ອງກັນ ແລະການກວດກາຢູ່ບໍລິເວນຊາຍ ແດນ, ແຕ່ ວໍຊໍ (Warsaw) ກໍຍັງສົ່ງຂໍ້ຄວາມທາງດ້ານການເມືອງທີ່ຈະແຈ້ງວ່າ ສະຖານະການໃນປະຈຸບັນ "ບໍ່ສາມາດເປັນຢູ່ແບບນີ້ຕະຫຼອດໄປ," ທ່ານ ທອມຊິກ (Tomczyk) ກ່າວ.

ເມື່ອຖືກຖາມວ່າ ປັກກິ່ງ ສາມາດຊ່ວຍໂປແລນ ຢຸດຕິວິກິດການດັ່ງກ່າວ ໄດ້ຫຼືບໍ່, ທ່ານ ທອມຊິກ (Tomczyk) ກ່າວວ່າທ່ານເຊື່ອວ່າ ຈີນ ບໍ່ຕ້ອງການ ໃຫ້ມີສະຖານະການບໍ່ດີຢູ່ຊາຍແດນ.

"ຈີນແມ່ນຜູ້ມີສ່ວນຮ່ວມລະດັບໂລກປະເທດນຶ່ງ. ຈີນມີຜົນປະໂຫຍດລະດັບໂລກ ຢູ່ໃນຢູໂຣບ ແລະພວກເຂົາຈະຕ້ອງເຂົ້າໄປຮອດຢູໂຣບ ດ້ວຍວິທີໃດວິທີນຶ່ງ.

ອ່ານຂ່າວເປັນພາສາອັງກິດລຸ່ມນີ້:

WARSAW, July 10 (Reuters) - Poland will do whatever it takes to resolve a migrant crisis on its border with Belarus, a deputy defence minister said, as Warsaw weighed options that may include closing the frontier.

The border has become a flashpoint as Western officials accuse the Belarus government of sending migrants from outside of Europe to Poland, in a form of "hybrid warfare".

Foreign Minister Radoslaw Sikorski has previously said that Poland does not rule out a complete closure of the border, while President Andrzej Duda raised the border crisis in talks with his Chinese counterpart Xi Jinping, stressing its impact on trade with Europe.

Poland has completely closed four of its six border crossings with Belarus due to tensions with Minsk.

"We are ready for any solution in this area, because we will not allow this migration crisis caused by Belarus to last indefinitely," Deputy Defence Minister Cezary Tomczyk told Reuters.

Poland's efforts to resolve the crisis partly comprised improving fortification and policing on the border, but Warsaw was also sending a clear political message that the current situation "cannot last forever," Tomczyk said.

Asked whether Beijing could help Poland to end the crisis, Tomczyk said he believed China did not want a bad situation on the border.

"China is a global player. China has global interests in Europe. And they have to reach Europe somehow."