ທ່ານ Donald Tusk ຜູ້ນໍາໂປແລນດ໌ ທີ່ນິຍົມກາງອ່ຽງຂວາ ໄດ້ເປັນນາຍົກລັດຖະມົນຕີ
ຄົນທໍາອິດ ທີ່ຈະໄດ້ດໍາລົງຕໍາແໜ່ງສອງສະໄໝລຽນຕິດໃນໂປແລນດ໌ ນັບຕັ້ງແຕ່ການພັງ
ທະລາຍລົງຂອງພັກຄອມມີວນີສໂຊ ວຽດເມື່ອ 22 ປີ ຜ່ານມາ.
ດ້ວຍຄະແນນປ່ອນບັດທີ່ຖືກນັບໄປແລ້ວ 93 ເປີເຊັນ ທ່ານ Tusk ກ່າວວ່າ ພັກ Civic
Platform Party ຂອງທ່ານ ໄດ້ຄະແນນສຽງ 39 ເປີເຊັນ ຂອງການເລືອກຕັ້ງໃນວັນ
ອາທິດວານນີ້ ຄູ່ແຂ່ງທີ່ໃກ້ກັນທີ່ສຸດ ຄືພັກ Law ແລະ Justice ຫລືພັກກົດໝາຍແລະ
ຄວາມຍຸຕິທໍາ ທີ່ນິຍົມແນວທາງເດີມຂອງທ່ານ Jaroslaw Kaczynski ໄດ້ຄະແນນ
ສຽງ 30 ເປີເຊັນ.
ຄືກັນກັບໃນສະໄໝທີ່ນຶ່ງຂອງທ່ານນັ້ນ ທ່ານ Tusk ແມ່ນຈະຕ້ອງໄດ້ ຊອກເອົາພາຄີ
ມາຮ່ວມຈັດຕັ້ງລັດຖະບານປະສົມຂຶ້ນ ທໍານອງດຽວກັບທີ່ ໄດ້ເຮັດກັບ ພັກ Peasants
ຫລືພັກຊາວໄຮ່ຊາວນາ ໃນປີ 2007 ນັ້ນ. ທ່ານ Tusk ກ່າວວ່າ ການເຈລະຈາກັນໃນ
ເລື່ອງນີ້ຈະເລິ່ມຕົ້ນໃນທັນທີ.
ໂປແລນດ໌ເປັນພຽງປະເທດດຽວໃນ 27 ສະມາຊິກຂອງສະຫະພາບຢູໂຣບ ທີ່ໂຜ່ໂຕອອກມາຈາກສະພາວະຖົດຖອຍຂອງໂລກໃນປີ 2008 ໂດຍມີການຂະຫຍາຍໂຕທາງເສດຖະກິດ.
