ຜົນການນັບຄະແນນສຽງທີ່ເກືອບແລ້ວໆ ຂອງການເລືອກຕັ້ງປະທານາທິບໍດີຮອບຕັດສິນຊີ້ຂາດຂອງ Poland ສະແດງໃຫ້ເຫັນວ່າ
ທ່ານ Bronislaw Komorowski ປະທານາທິບໍດີຊົ່ວຄາວ ທ່ີນິຍົມແນວ ທາງປານກາງນັ້ນ ໄດ້ຮັບຄະແນນເໜືອທ່ານ Jaroslaw Kaczynski ຫົວນິຍົມແນວທາງເດີມ ທີ່ໄດ້ຍອມຮັບເອົາຄວາມປາໄຊໄປແລ້ວນັ້ນ.
ຜົນການເລືອກຕັ້ງຢ່າງເປັນທາງການ ຈາກ 95 ສ່ວນຮ້ອຍຂອງໜ່ວຍ ປ່ອນບັດທັງໝົດ ສະແດງໃຫ້ເຫັນວ່າ ທ່ານ Komorowski
ໄດ້ຮັບສຽງສະໜັບສະໜຸນ 52.6 ເປີເຊັນຂອງຄະແນນສຽງທັງໝົດ. ຄາດວ່າຈະຮູ້ຈັກຜົນຂອງການເລືອກຕັ້ງຢ່າງເປັນທາງການ
ໃນຕອນແລງວັນຈັນມື້ນີ້.
ທ່ານ Kaczynski ໄດ້ສະແດງຄວາມຊົມເຊີຍຕໍ່ທ່ານ Komorowski ແລ້ວ ວ່າເປັນຜູ້ຊະນະການເລືອກຕັ້ງ ຫລັງຈາກການສຳຫລວດ
2 ບັ້ນ ຫາງສຽງປະຊາຊົນຫລັງຈາກບ່ອນບັດແລ້ວ ສະແດງໃຫ້ເຫັນວ່າປະທາ ນາທິບໍດີຊົ່ວຄາວມີຄະແນນນຳໜ້າ.
ໃນຄຳປາໄສໃນຄືນວັນອາທິດຜ່ານມານີ້ ທ່ານ Komorowski ໄດ້ ກ່າວຊົມເຊີຍ ທີ່ຜົນຂອງການເລືອກຕັ້ງສູສີກັນຫລາຍ ຊຶ່ງທ່ານເອີ້ນວ່າ
ມັນເປັນໄຊຊະນະຂອງລະບອບປະຊາທິປະໄຕ. ນອກນັ້ນ ທ່ານຍັງກ່າວຕໍ່ພວກສະໜັບສະໜູນທ່ານວ່າ ການໂຄສະນາຫາສຽງເລືອກຕັ້ງ
ໄດ້ເປັນໄປຢ່າງລຳບາກ ຍ້ອນຕິດຕາມມາລຸນຫລັງໂສກນາດຕະກຳ ທີ່ປະເທດໄດ້ປະສົບພົບພໍ້.
ທ່ານ Komorowski ໄດ້ຂຶ້ນດຳຣົງຕຳແໜ່ງປະທານາທິບໍດີພາງໃນເດືອນເມສາຜ່ານມາ ເວລາປະທານາທິບໍດີ Lech Kaczynski ຊຶ່ງ
ເປັນອ້າຍຝາແຝດຂອງທ່ານ Jaroslaw Kaczynski ໄດ້ເຖິງແກ່ມໍລະ ນະກຳໄປ ຍ້ອນອຸບັດເຫດເຮືອບິນຕົກໃນລັດເຊຍນັ້ນ.
