ເມື່ອລູກປືນ 4 ລູກທີ່ຍິງໂດຍມືປືນຄົນດຽວ ຖືກນາຍົກລັດຖະມົນຕີສະໂລວາເກຍ ທ່ານ ໂຣເບີທ ຟີໂກ (Robert Fico), ຊີວິດຂອງ ທ່ານ ມາຕຸສ ຄອສໂຕລນີ (Matus Kostolny) ໃນຖານະນັກຂ່າວ ກໍໄດ້ປ່ຽນຈາກຍາກ ໄປສູ່ສິ່ງທີ່ຍາກກວ່າເກົ່າ.
ຫົວຫນ້າບັນນາທິການອາຍຸ 49 ປີ ຂອງໜັງສືພິມອິດສະຫຼະ Dennik N daily, ທີ່ຖືກລັດຖະບານເອີ້ນວ່າເປັນ "ສັດຕູ", ກໍໄດ້ຮັບການຂົ່ມຂູ່ຈາກຜູ້ອ່ານ ແລະການກ່າວຫາຈາກພັນທະມິດທາງດ້ານການເມືອງຂອງທ່ານ ຟີໂກ ໃນທັນທີ.
ທ່ານ ຄອສໂຕລນີ (Kostolny) ກ່າວຕໍ່ອົງການຂ່າວ AFP ວ່າ “ສິບນາທີຫຼັງຈາກທີ່ພວກເຮົາໄດ້ເລົ່າເລື່ອງກ່ຽວກັບນາຍົກລັດຖະມົນຕີຖືກຍິງ, ຂ້າພະເຈົ້າ ເລີ້ມໄດ້ຮັບຂໍ້ຄວາມທີ່ຂ້າພະເຈົ້າຕ້ອງຖືກຕໍານິ ວ່າຂ້າພະເຈົ້າມີເລືອດຢູ່ໃນມືຂອງຂ້າພະເຈົ້າ ແລະຈະຕ້ອງຊົດໃຊ້.”
ທ່ານກ່າວໃນການໃຫ້ສຳພາດວ່າ “ນັບຕັ້ງແຕ່ມື້ທຳອິດ ມີນັກການເມືອງບາງຄົນຈາກກຸ່ມລັດຖະບານປະສົມ ກ່າວວ່າ ...ມີສື່ມວນຊົນບາງປະເພດ ລວມທັງ Dennik N ທີ່ຕ້ອງຮັບຜິດຊອບຕໍ່ການໂຈມຕີດັ່ງກ່າວ.”
ໃນປີ 2018 ສື່ມວນຊົນພາຍໃນປະເທດໄດ້ເປີດເຜີຍການພົວພັນລະຫວ່າງກຸ່ມມາເຟຍອີຕາລີ ແລະ ລັດຖະບານຂອງທ່ານ ຟີໂກ, ເຮັດໃຫ້ເກີດການປະທ້ວງທີ່ນຳໄປສູ່ການລາອອກຈາກຕຳແໜ່ງຂອງທ່ານ.
ທ່ານ ຟີໂກ ຢູ່ໃນຫ້ອງມໍລະສຸມ ຫຼັງຈາກການພາຕັດສອງຄັ້ງ, ແຕ່ຊີວິດຂອງທ່ານບໍ່ໄດ້ຮັບອັນຕະລາຍໃດໆ.
ຟໍຣັມສະແດງຄວາມຄິດເຫັນ