ລິ້ງ ສຳຫລັບເຂົ້າຫາ

ວັນອາທິດ, ໑໔ ກໍລະກົດ ໒໐໒໔

ຟິລິບ​ປິນ ​ປ່ອນ​ບັດ ​ເລືອກຕັ້ງ ສະພາ ​ໃນ​ມື້​ນີ້ (ວີດິໂອກັບສະໄລດ໌)


ປະຊາຊົນພາກັນ ຊອກຫາຊື່ຂອງຕົນຢູ່ໃນລາຍຊື່ຜູ້ປ່ອນບັດ ທີ່ຕິດຢູ່ນອກສູນກາງປ່ອນບັດ ກ່ອນທີ່ພວກເຂົາເຈົ້າຈະເຂົ້າ ໄປປ່ອນບັດລົງຄະແນນສຽງເລືອກຕັ້ງກາງສະໄໝ ໃນເມືອງ Taguig ເຂດເທດສະບານຂອງນະຄອນຫລວງ ມານີລາ ຂອງຟີລິບປິນ ໃນວັນທີ 13 ພຶດສະພາ 2013.
ປະຊາຊົນພາກັນ ຊອກຫາຊື່ຂອງຕົນຢູ່ໃນລາຍຊື່ຜູ້ປ່ອນບັດ ທີ່ຕິດຢູ່ນອກສູນກາງປ່ອນບັດ ກ່ອນທີ່ພວກເຂົາເຈົ້າຈະເຂົ້າ ໄປປ່ອນບັດລົງຄະແນນສຽງເລືອກຕັ້ງກາງສະໄໝ ໃນເມືອງ Taguig ເຂດເທດສະບານຂອງນະຄອນຫລວງ ມານີລາ ຂອງຟີລິບປິນ ໃນວັນທີ 13 ພຶດສະພາ 2013.
ປະຊາຊົນຟິລິບ​ປິນພາກັນ​ໄປ​ປ່ອນ​ບັດ​ໃນ​ວັນ​ຈັນ​ມື້​ນີ້ ​ໃນ
ການ​ເລືອກຕັ້ງສະພາ ທີ່​ຖືກ​ເບິ່ງເຫັນວ່າ ຈະເປັນການມອບ
​ສິດອໍານາດໃຫ້ປະທານາທິບໍດີ Benigno Aquino ຈັດ​
ຕັ້ງ​ປະຕິບັດ​ໂຄງການປະຕິຮູບຂອງທ່ານ.

ຜູ້ໄປ​ປ່ອນ​ບັດ​ ​ກໍາລັງ​ເລືອກເອົາ​ເຈົ້າໜ້າທີ່ຫລາຍກວ່າ
18,000 ຄົນ ເຂົ້າຮັບຕໍາແໜ່​ງ ຊຶ່ງລວມມີຜູ້ນໍາໃນທ້ອງຖິ່ນ,
ສະມາຊິກສະພາສູງຫາຍກວ່າ ເຄິ່ງນຶ່ງ​ຂອງ​ຈໍານວນທັງ​ໝົດ 24 ຄົນ ແລະບັນດາຜູ້ແທນຫລາຍຮ້ອຍຄົນ ເຂົ້ານັ່ງໃນສະພາຕໍ່າ.

ປະທານາທິບໍດີ Aquino ໄດ້ເຂົ້າກໍາອໍານາດໂດຍການເລືອກ
ຕັ້ງທີ່ທ່ານ​ ໄດ້​ຮັບ​ຄະ​ແນນ​ສຽງ​ຢ່າງ​ຖ້ວມ​ລົ້ນ ໃນປີ 2010 ໂດຍໃຫ້ຄໍາໝັ້ນສັນຍາວ່າ ຈະ
ຕໍ່ຕ້ານການສໍ້ລາດບັງຫລວງ ທີ່ທ່ານກ່າວວ່າ ເປັນຕົ້ນເຫດຂອງຄວາມທຸກຈົນທີ່ມີຢູ່ຢ່າງ
ແຜ່ຫລາຍນັ້ນ.

ເບິ່ງວີດິໂອກ່ຽວກັບຂ່າວນີ້:

ການເລືອກຕັ້ງ ສະພາ ທີ່ຟິລິບປິນ
please wait

No media source currently available

0:00 0:00:43 0:00


ທ່ານໄດ້ຮັບຄະແນນນິຍົມສູງ ຍ້ອນການດໍາເນີນຄະດີຕໍ່ເຈົ້າໜ້າທີ່ ທີ່ສໍ້ລາດ ບັງຫລວງ ຊຶ່ງ
ລວມທັງອະດີດ​ປະທານາທິບໍດີ Gloria Arroyo ທີ່ທ່ານ ຂຶ້ນດໍາລົງຕໍາແໜ່ງແທນ ແລະ
ປັດຈຸບັນກໍາລັງຖືກກັກຂັງຢູ່ ໃນຂະນະທີ່ຖືກດໍາເນີນຄະດີ ໃນຂໍ້ຫາຮັບ​ເອົາ​ເງິນສິນບົນ
ອັນຫລວງຫລາຍ.

ການ​ເລືອກ​ຕັ້ງໃນຟີລິບປິນ ມີປະຫວັດມາເປັນເວລາດົນນານວ່າ ຖືກລົບກວນດ້ວຍການ
ໃຫ້ສິນບົນ ໄປພ້ອມກັບການນາບຂູ່ ຫລືການກໍ່ ຄວາມຮຸນແຮງ ຕໍ່ພວກທີ່​ຄັດ​ຄ້ານລັດ
ຖະບານ.

ຄາດວ່າຜົນຂອງການລົງຄະແນນສຽງໃນວັນຈັນມື້ນີ້ ຈະປະກາດໃຫ້ຮູ້ ໃນສອງສາມວັນ
ຂ້າງໜ້ານີ້.

ປະມວນພາບການເລືອກຕັ້ງສະພາກາງສະໄໝ ທີ່ຟີລິບປິນ:

XS
SM
MD
LG