ເຈົ້າໜ້າທີ່ຟີລິບປິນກ່າວໃນວັນສຸກມື້ນີ້ວ່າ ຈຳນວນພວກທີີ່ຫາຍສາບສູນຍ້ອນໄພນໍ້າຖ້ວມ
ໃນສັບປະດາແລ້ວນີ້ ໄດ້ເພີ່ມຂຶ້ນເປັນຫຼາຍກວ່າ 1 ພັນຄົນແລ້ວ.
ອົງການຄຸ້ມຄອງໄພພິບັດແຫ່ງຊາດຂອງຟີລິບປິນກ່າວວ່າ ລົມພາຍຸເຂດຮ້ອນ Washi ຊຶ່ງ
ໄດ້ພາໃຫ້ເກີີດໄພນໍ້າຖ້ວມສຸຢູ່ທີ່ເກາະມິນດານາວໃນພາກໃຕ້ຂອງປະເທດນັ້ນ ກໍເຮັດໃຫ້ມີ
ຜູ້ເສຍຊີວິດບໍ່ຕໍ່າກວ່າ 1 ພັນ 80 ຄົນ.
ພະແນກການດັ່ງກ່າວຂອງຟີລິບປິນແຈ້ງໃຫ້ຊາບກ່ຽວກັບໂຕເລກຂອງພວກທີ່ຫາຍສາບ
ສູນແມ່ນ 1 ພັນ 75 ຄົນ ເພີ່ມຂຶ້ນຢ່າງຫຼວງຫຼາຍຈາກການກະປະມານໃນເມື່ອກ່ອນ 50
ຄົນ.
ສ່ວນໃຫຍ່ຂອງພວກທີ່ບາດເຈັບລົ້ມຕາຍ ແມ່ນມີຂຶ້ນທີ່ເມືອງ Cagayan de Oro ແລະ
ເມືອງ Iligan ບ່ອນທີ່ປະຊາຊົນຈຳນວນຫຼາຍຮ້ອຍພັນຄົນຕ້ອງໄດ້ຍົກຍ້າຍໜີນັ້ນ.