ເວລານີ້ຈໍານວນຜູ້ເສຍຊີວິດຈາກລົມພາຍຸ Washi ໃນຟິລິບປິນ ສູງຂຶ້ນເຖິງ 652
ຄົນແລ້ວເມື່ອວັນອາທິດວານ ໃນຂະນະທີ່ພວກເຈົ້າໜ້າທີ່ກູ້ໄພ ສືບຕໍ່ຄົ້ນຫາຜູ້ທີ່ຍັງ
ຫາຍສາບສູນຫລາຍກວ່າ 900 ຄົນນັ້ນຢູ່.
ລົມພາຍຸ Washi ໄດ້ປະທະເກາະໃຫຍ່ມິນດານາວທາງພາກໃຕ້ຂອງຟິລິບປິນ ໃນ
ຕອນແລງວັນສຸກຜ່ານມານີ້ ທີ່ເກີດຝົນຕົກໜັກ ແລະລົມແຮງໄປທົ່ວເກາະ. ນໍ້າຖ້ວມ
ໂດຍທັນທີ ແລະດິນເຈື່ອນໄດ້ພັດເອົາເຮືອນ ແລະພວກຄອບຄົວທີ່ຍັງຢູ່ໃນເຮືອນໃນ
ຫລາຍສິບໝູ່ບ້ານຕາມຝັ່ງທະເລ ໃນເມືອງ Caga yan de Oro ແລະ Iligan.
ສະພາກາແດງຟິລິບປິນ ກ່າວວ່າ ພວກປະສົບໄພສ່ວນໃຫຍ່ແມ່ນແມ່ຍິງ ແລະເດັກນ້ອຍ
ປະຊາຊົນຫລາຍສິບພັນຄົນພັດພາກບ້ານຢູ່ອາໃສ.
ພວກເຈົ້າໜ້າທີ່ທ້ອງຖິ່ນແນະນໍາໃຫ້ຝັງສົບໝູ່ຂອງພວກເສຍຊີວິດ ເນຶ່ອງຈາກເປັນຫ່ວງ
ດ້ານສຸຂະພາບ ຄືນອກຈາກຊາກສົບທີ່ເນົ່າເປື່ອຍແລ້ວນັ້ນ ກໍຍັງມີສັດສາວາສິ່ງທີ່ຕາຍ
ໄປ ຢາຍຢູ່ໃນຕົມ.
ຄວາມພະຍາຍາມກູ້ໄພສ່ວນຫລາຍ ແມ່ນເພັ່ງເລັງໃສ່ພື້ນໜ້າດິນ ແຕ່ພວກເຈົ້າໜ້າທີ່ກູ້
ໄພທີ່ໃຊ້ເຮືອນ້ອຍ ສາມາດດຶງເອົາພວກລອດຊີວິດຫລາຍຄົນອອກຈາກໜ້ານໍ້າຢູ່ຕາມ
ແຄມຝັ່ງ.
ພວກທະຫານແລະຕໍາຫລວດຫລາຍພັນຄົນ ໄດ້ຖືກສົ່ງໄປຮ່ວມໃນການກູ້ໄພ ທີ່ຖືກສະ
ກັດກັ້ນໂດຍສິ່ງກີດຂວາງຕ່າງໆຕາມຖະນົນຫົນທາງ ແລະຂາດເຂີນໄຟຟ້າ.