ລິ້ງ ສຳຫລັບເຂົ້າຫາ

ຢ່າງໜ້ອຍ 101 ຄົນ ເສຍຊີວິດ ທີ່ຟິລິບປິນ ຍ້ອນພາຍຸໃຕ້ຝຸ່ນ ເມື່ອສອງອາທິດຜ່ານມາ

  • ທອງປານ ເທບວົງສາ

ໄພນໍ້າຖ້ວມທີ່ເກີດຈາກພາຍຸໃຕ້ຝຸ່ນສອງລູກ ທີ່ພັດຖະຫລົ່ມເກາະໃຫຍ່ລູຊອນ ປະເທດຟິລິບປິນ ໃນສອງອາທິດຜ່ານມາ.

ພວກເຈົ້າໜ້າທີ່ຟິລິບປິນກ່າວວ່າ ມີຜູ້ເສຍຊີວິດຢ່າງໜ້ອຍ 101 ຄົນ ​ໃນເຫດພາຍຸໃຕ້ຝຸ່ນ
ສອງລູກປະທະເກາະໃຫຍ່ລູຊອນ ເມື່ອສອງອາທິດຜ່ານມາ ​ແລະອີກຫລາຍໝື່ນຄົນຕອ້ງ
ພັດພາກຖິ່ນຢູ່ອາໃສ ຍ້ອນໄພນໍ້າຖ້ວມໃນ ພື້ນທີ່ອັນກວ້າງໃຫຍ່.

ຫ້ອງການປ້ອງກັນພົນລະເຮືອນກ່າວ​ໃນວັນອາທິດມື້ນີ້ວ່າ ມີຜູ້ຫາຍສາບສູນ 27 ຄົນ ຊຶ່ງ​
ພາ​ໃຫ້ຢ້ານກົວກັນວ່າ ຈໍານວນຜູ້ເສຍຊີວິດອາດມີເພີ່ມຂຶ້ນ.

ພາຍຸໃຕ້ຝຸ່ນ Nesat ໄດ້ພັດ​ຖະຫລົ່ມໄປທົ່ວເກາະໃຫຍ່ລູຊອນເມື່ອວັນທີ 27 ເດືອນກັນຍາ
ຜ່ານມາ ແລະຕິດຕາມມາດ້ວຍພາຍຸໃຕ້ຝຸ່ນ Nalgae ເມື່ອວັນທີ 1 ເດືອນຕຸລານີ້ ໂດຍທີ່
ພາຍຸ ທັງສອງລູກດັ່ງກ່າວໄດ້ສ້າງຄວາມ ເສຍຫາຍແກ່ພວກແຂວງການກະເສດ ທາງພາກ
ເໜືອຂອງນະຄອນຫລວງ ມະນິລາ ຢ່າງ​ຫລວງຫລາຍ.

XS
SM
MD
LG