ປະຊາຊົນ 5 ແສນຄົນ ໃນຟິລິບປີນ ໄດ້ຖືກຍົກຍ້າຍ ອອກ
ຈາກໝູ່ບ້ານທີ່ຢູ່ຕາມແຄມຝັ່ງທະເລແລະຂົງເຂດທີ່ຈະເກີດ
ດິນເຈື່ອນ ກ່ອນທີ່ລົມໄຕ້ຝຸ່ນຮ້າຍແຮງຈະ ໄປເຖິງ.
ບັນດານັກພະຍາກອນອາກາດເຕືອນວ່າ ໄຕ້ຝຸ່ນ Hagupit
ຄາດວ່າຈະພັດເຂົ້າຖະຫລົ່ມເຂົ້າຟິລິບປີນ ໃນຕອນແລງວັນ
ເສົາມື້ນີ້ ຫລືຕອນເຊົ້າວັນອາທິດມື້ອື່ນ ຊຶ່ງຈະມີຜົນກະທົບຕໍ່
ບາງພາກສ່ວນ ຢູ່ໃນຂົງເຂດທີ່ໄດ້ຮັບຄວາມເສຍຫາຍຢ່າງ
ໜັກຈາກລົມພາຍຸຮ້າຍແຮງ Haiyan ໃນປີແລ້ວນີ້.
ບັນດາເຈົ້າໜ້າທີ່ ກ່າວວ່າ ປະມານເຄິ່ງນຶ່ງຂອງແຂວງຕ່າງໆ
ໃນປະເທດ ຖືກພິຈາລະນາວ່າ ຢູ່ໃນຄວາມສ່ຽງຈາກໄຕ້ຝຸ່ນ Hagupit.
ພາຍຸດັ່ງກ່າວ ໄດ້ອ່ອນກຳລັງລົງໜ້ອຍນຶ່ງ ໃນຂະນະທີ່ເຄື່ອນຍ້າຍຂ້າມມະຫາສະມຸດປາຊິ
ຟິກ ໃນວັນສຸກວານນີ້ ຊຶ່ງຫລຸດລົງມາຢູ່ໃຕ້ລະດັບ “Super Typhoon” ຫລືພາຍຸຍັກໃຫຍ່
ໃນຂະນະທີ່ຄວາມແຮງສຸດໄຕ້ຝຸ່ນ ໄດ້ຫລຸດລົງມາເຫລືອຢູ່່ 195 ກິໂລແມັດຕໍ່ຊົ່ວໂມງ.
ແຕ່ບັນດານັກພະຍາກອນອາກາດທຳ ນາຍວ່າ ໄຕຝຸ່ນ Hgupit ຈະເປັນພາຍຸແຮງທີ່ສຸດ
ຈະພັດເຂົ້າຖະຫລົ່ມ ຟິລິບປີນ ໃນປີນີ້.
ບັນດານັກພະຍາກອນອາກາດທໍານາຍວ່າ ຈະມີຝົນຕົກໜັກ ແລະລົມແຮງທີ່ຈະເຮັດໃຫ້ເກີດ
ຟອງທະເລ ສູງກວ່າສີ່ແມັດ ມາຢູ່ຕາມຊາຍຝັ່ງທະເລ.
