ລິ້ງ ສຳຫລັບເຂົ້າຫາ

ໄຕ້ຝຸ່ນໂບພາ ກັບຄືນມາ ປະທະພາກເໜືອ ຂອງຟິລິບປີນ (ສະໄລດ໌)


ຂີ້ຕົມໄດ້ຖົມຕັ້ນໄມ້ ແລະພືດຜົນທີ່ຫັກລົງນັ້ນໝົດ ລຸນຫລັງທີ່ ລົມໄຕ້ຝຸ່ນ Bopha ໄດ້ກະໜໍ່າເຂດຮ່ອມພູ Compostela Valley ທາງພາກໃຕ້ຟີລິບປິນ ໃນວັນທີ 7 ທັນວາ 2012 (Malacanang Photo Bureau.)
ພວກນັກພະຍາກອນອາກາດເວົ້າວ່າພາຍຸໄຕ້ຝຸ່ນທີ່ໄດ້ພັດ
ກະໜໍ່າເຂດພາກໃຕ້ຂອງຟິລິບປີນ ໃນອາທິດແລ້ວນີ້ ແລະ
ສົ່ງຜົນໃຫ້ຫລາຍຮ້ອຍຄົນເສຍຊີວິດ ພ້ອມກັບອີກຫຼາຍພັນ
ຄົນຂາດທີ່ຢູ່ອາໄສນັ້ນ ໄດ້ພັດຄືນມາເຂົ້າມາຝັ່ງອີກ ຊຶ່ງໃນ
ຄັ້ງນີ້ ແມ່ນຢູ່ທາງພາກເໜືອຂອງປະເທດ.

ອົງການພະຍາກອນອາກາດແຫ່ງລັດຂອງຟິລິບປີນ ເວົ້າໃນ
ວັນອາທິດມື້ນີ້ວ່າ ພາຍຸທີ່ເຄີຍເປັນໄຕ້ຝຸ່ນ Bopha ໄດ້ອ່ອນ
ກໍາລັງລົງມາເປັນ ພາຍຸຄວາມກົດດັນອາກາດຕໍ່າເຂດຮ້ອນ ແລະໄດ້ພັດໄປທົ່ວເຂດກໍ້າເໜືອຂອງເກາະໃຫຍ່ Luzon.
ພວກນັກພະຍາກອນອາກາດ ຍັງເວົ້າອີກວ່າ ຝົນຕົກແຮງໃນ ເຂດນັ້ນແມ່ນຄວາມເປັນຫ່ວງຫລັກ ຊຶ່ງເບິ່ງຊົງວ່າ ຈະສາ
ມາດເຮັດໃຫ້ມີດິນເຈື່ອນ ແລະນໍ້າຖ້ວມຢ່າງກະທັນຫັນໄດ້.

ສູນກາງເຕືອນໄພລົມພາຍຸໄຕ້ຝຸ່ນຮ່ວມກັນ ທີ່ຕັ້ງຢູ່ເກາະຮາວາຍຂອງສະຫະລັດ ກໍໄດ້ອອກ ຄໍາພະຍາກອນຫລ້າສຸດຂອງຕົນໃນວັນອາທິດມື້ນີ້ ໂດຍທໍານາຍວ່າ ລົມພາຍຸໄຕ້ຝຸ່ນ Bopha ຈະຜ່ອນຄວາມແຮງລົງ ແລະກະຈາຍອອກໄປຢູ່ເຂດທະເລຈີນໃຕ້ ພາຍໃນ 24 ຊົ່ວໂມງ.

ລົມພາຍຸໄຕ້ຝຸ່ນ Bopha ໄດ້ກະໜໍ່າໃສ່ແຂວງ Mindanao ໃນເຂດພາກໃຕ້ຂອງຟິລິບປີນ
ໃນວັນພຸດຜ່ານມາ ດ້ວຍກໍາລັງຄວາມແຮງເຖິງ 160 ກິໂລແມັດຕໍ່ຊົ່ວໂມງ ຊຶ່ງໄດ້ເຮັດໃຫ້ ຫລາຍກວ່າ 500 ຄົນເສຍຊີວິດ ແລະ ຫລາຍກວ່າ 800 ຄົນ ຍັງຫາຍສາບສູນຢູ່.

ສະໄລດ໌ພາບຫລັງພາຍຸໄຕ້ຝຸ່ນໂບພາ:

ຖ່າຍທອດສົດ ປ. ດໍໂນລ ທຣຳ ກ່າວຄຳປາໄສ ຕໍ່ ອົງການສະຫະປະຊາຊາດ

XS
SM
MD
LG