ຂອບເຂດຂອງການສົ່ງສະບຽງບັນເທົາທຸກນາໆຊາດໄປຍັງຟີລິບ
ປີນທີ່ໄດ້ຖືກປະທະຢ່າງໜັກຈາກລົມໄຕ້ຝຸ່ນໄດ້ຂະຫຍາຍກວ້າງ
ອອກອີກໃນວັນຈັນມື້ນີ້ ທີ່ພວກເຮືອບິນເຮລີຄອບເຕີຂອງກອງທັບ
ສະຫະລັດ ໄດ້ຖິ້ມພວກເຂົ້າປາອາຫານ ນ້ຳດື່ມນ້ຳໃຊ້ແລະເຄື່ອງ
ບັນເທົາທຸກອື່ນໆໃຫ້ພວກປະຊາຄົມຕ່າງໆໃນເກາະແລະພູຜາໃນ
ເຂດຫ່າງໄກ.
ກຳປັ່ນບັນທຸກເຮືອບິນ USS George Washington ຂອງສະຫະລັດກຳລັງຖືກໃຊ້ເປັນສູນກາງຄວາມພະຍາຍາມໃຫ້ການຊ່ອຍເຫຼືອຕ່າງໆໂດຍໃຫ້ເຮືອບິນສົ່ງເຄື່ອງບັນເທົາທຸກໄປແຈກຢາຍ ແລະນຳພວກທີ່ໄດ້ຮັບເຄາະຮ້າຍຫຼາຍຮ້ອຍຄົນມາຮັບເອົາຂອງຊ່ອຍເຫຼືອແລະຮັບການປິ່ນປົວດ້ານການແພດນັ້ນ.
ຢູ່ທາງບົກນັ້ນ ໄດ້ມີຮ່ອງຮອຍຕ່າງໆທີ່ສະແດງໃຫ້ເຫັນວ່າ ພວກປະຊາຄົມຕ່າງໆທີ່ໄດ້ຮັບຄວາມເສຍຫາຍໜັກນັ້ນ ເລີ້ມຟື້ນໂຕຄືນແລ້ວ ໂດຍມີການໄຂຕະຫຼາດ ແລະປ້ຳນ້ຳມັນບາງແຫ່ງຄືນ. ປະຊາຊົນພາກັນເລີ້ມສ້ອມແປງບ້ານເຮືອນທີ່ເປ່ເພຂອງຕົນຄືນ ຫຼືພາກັນປຸກບ່ອນພັກພາອາໄສຊົ່ວຄາວຄືນ ໂດຍໃຊ້ສິ່ງສະຫຼັກພັງຂອງບ້ານເຮືອນເກົ່າຂອງຕົນນັ້ນ.
ລັດຖະບານສະຫະລັດປະກາດໃຫ້ການຊ່ອຍເຫຼືອຕື່ມອີກເປັນເງິນ 10 ລ້ານດອນລາ ຊຶ່ງເຮັດໃຫ້ການຊ່ອຍເຫຼືອຂອງສະຫະລັດທັງໝົດເປັນຈຳນວນ 37 ລ້ານດອນລາແລ້ວມາຮອດປັດຈຸບັນນີ້.
ປະທານາທິບໍດີ Benigno Aquino ແຫ່ງຟີລິບປີນ ໄດ້ໃຫ້ຄຳໝັ້ນສັນຍາວ່າຈະຢູ່ໃນພາກກາງຂອງປະເທດຊຶ່ງເປັນຈຸດໃຈກາງທີ່ພາຍຸໄຕ້ຝຸ່ນປະທະຢ່າງໜັກນັ້ນຕໍ່ໄປຈົນຮອດເວລາໃດທີ່ທ່ານມີຄວາມພໍໃຈນຳຄວາມພະຍາຍາມໃຫ້ການຊ່ອຍເຫຼືອແກ່ພວກທີ່ລອດຊີວິດມາໄດ້ຈາກພາຍຸລູກດັ່ງກ່າວທີ່ເກີດຂຶ້ນໃນວັນທີ 8 ພະຈິກເດືອນນີ້.
![ປະຕິບັດການ Damayan ຊ່ວຍເຫຼືອ ພວກປະສົບ ໄພພາຍຸ ໄຫຢານ]()
Photo Gallery:
ປີນທີ່ໄດ້ຖືກປະທະຢ່າງໜັກຈາກລົມໄຕ້ຝຸ່ນໄດ້ຂະຫຍາຍກວ້າງ
ອອກອີກໃນວັນຈັນມື້ນີ້ ທີ່ພວກເຮືອບິນເຮລີຄອບເຕີຂອງກອງທັບ
ສະຫະລັດ ໄດ້ຖິ້ມພວກເຂົ້າປາອາຫານ ນ້ຳດື່ມນ້ຳໃຊ້ແລະເຄື່ອງ
ບັນເທົາທຸກອື່ນໆໃຫ້ພວກປະຊາຄົມຕ່າງໆໃນເກາະແລະພູຜາໃນ
ເຂດຫ່າງໄກ.
ກຳປັ່ນບັນທຸກເຮືອບິນ USS George Washington ຂອງສະຫະລັດກຳລັງຖືກໃຊ້ເປັນສູນກາງຄວາມພະຍາຍາມໃຫ້ການຊ່ອຍເຫຼືອຕ່າງໆໂດຍໃຫ້ເຮືອບິນສົ່ງເຄື່ອງບັນເທົາທຸກໄປແຈກຢາຍ ແລະນຳພວກທີ່ໄດ້ຮັບເຄາະຮ້າຍຫຼາຍຮ້ອຍຄົນມາຮັບເອົາຂອງຊ່ອຍເຫຼືອແລະຮັບການປິ່ນປົວດ້ານການແພດນັ້ນ.
ຢູ່ທາງບົກນັ້ນ ໄດ້ມີຮ່ອງຮອຍຕ່າງໆທີ່ສະແດງໃຫ້ເຫັນວ່າ ພວກປະຊາຄົມຕ່າງໆທີ່ໄດ້ຮັບຄວາມເສຍຫາຍໜັກນັ້ນ ເລີ້ມຟື້ນໂຕຄືນແລ້ວ ໂດຍມີການໄຂຕະຫຼາດ ແລະປ້ຳນ້ຳມັນບາງແຫ່ງຄືນ. ປະຊາຊົນພາກັນເລີ້ມສ້ອມແປງບ້ານເຮືອນທີ່ເປ່ເພຂອງຕົນຄືນ ຫຼືພາກັນປຸກບ່ອນພັກພາອາໄສຊົ່ວຄາວຄືນ ໂດຍໃຊ້ສິ່ງສະຫຼັກພັງຂອງບ້ານເຮືອນເກົ່າຂອງຕົນນັ້ນ.
ລັດຖະບານສະຫະລັດປະກາດໃຫ້ການຊ່ອຍເຫຼືອຕື່ມອີກເປັນເງິນ 10 ລ້ານດອນລາ ຊຶ່ງເຮັດໃຫ້ການຊ່ອຍເຫຼືອຂອງສະຫະລັດທັງໝົດເປັນຈຳນວນ 37 ລ້ານດອນລາແລ້ວມາຮອດປັດຈຸບັນນີ້.
ປະທານາທິບໍດີ Benigno Aquino ແຫ່ງຟີລິບປີນ ໄດ້ໃຫ້ຄຳໝັ້ນສັນຍາວ່າຈະຢູ່ໃນພາກກາງຂອງປະເທດຊຶ່ງເປັນຈຸດໃຈກາງທີ່ພາຍຸໄຕ້ຝຸ່ນປະທະຢ່າງໜັກນັ້ນຕໍ່ໄປຈົນຮອດເວລາໃດທີ່ທ່ານມີຄວາມພໍໃຈນຳຄວາມພະຍາຍາມໃຫ້ການຊ່ອຍເຫຼືອແກ່ພວກທີ່ລອດຊີວິດມາໄດ້ຈາກພາຍຸລູກດັ່ງກ່າວທີ່ເກີດຂຶ້ນໃນວັນທີ 8 ພະຈິກເດືອນນີ້.
ປະຕິບັດການ Damayan ຊ່ວຍເຫຼືອ ພວກປະສົບ ໄພພາຍຸ ໄຫຢານ
The USS George Washington supports and the 3 Marine Expeditionary Brigade assist the Philippine government in response to Super Typhoon Haiyan
