ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ພາຍຸ ຮາ​ກູ​ປິດ​ ທີ່ຖະຫລົ່ມ ຟິລິບປິນ ໄດ້ອ່ອນກຳລັງລົງ ແລະພັດໄປສູ່ທະເລຈີນໃຕ້


ພາບຄວາມເສຍຫາຍ ຈາກໄຕ້ຝຸ່ນ Hagupit ຢູ່ໝູ່ບ້ານແຫ່ງນຶ່ງ ທີ່ Delores ທີ່ແຂວງ Samar ຕາເວັນອອກ ຂອງຟິລິບປິນ.
ພາບຄວາມເສຍຫາຍ ຈາກໄຕ້ຝຸ່ນ Hagupit ຢູ່ໝູ່ບ້ານແຫ່ງນຶ່ງ ທີ່ Delores ທີ່ແຂວງ Samar ຕາເວັນອອກ ຂອງຟິລິບປິນ.

ພາຍຸ​ຮ້າຍ​ແຮງ ຮາ​ກູ​ປິດ​ ທີ່ມະຫາ​ສະມຸດ​ປາຊິ​ຟິກ ​ໄດ້​ອ່ອນ
ແຮງ​ລົງ​ແລ້ວ ​ແລະ​ກຳລັງເຄື່ອນ​ຍ້າຍ​ອອກ​ຈາກ ຟິລິບ​ປີນ​ໄປ
ຫລັງ​ຈາກໄດ້​ເຮັດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 27 ຄົນ ​ຢູ່​ໃນ
​ປະ​ເທດ​ເກາະ​ດອນທີ່ອັນ​ຕະລາຍ ມັກ​ປະສົບ​ກັບ​ພາຍຸ​ນັ້ນ.

ໄຕ້​ຝຸ່ນ Hagupit ​ໄດ້​ພັດ​ເຂົ້າຖະຫລົ່ມ ​ພາກ​ຕາ​ເວັນ​ອອກ​
ຂອງຟິລິບ​ປີນ​ໃນ​ວັນ​ເສົາ​ທີ່​ຜ່ານ​ມາ ​ໂດຍພັດ​ເອົາ​ຫລັງຄາ
​ຕຶກ​ຕ່າງໆອອກ ​ແລະ​ເຮັດ​ໃຫ້ໄຟຟ້າ​ມອດ ​ ຢູ່ໃນ​ທັງ​ໝົດບັນ
ດາແຂວງ​ແຄມ​ຝັ່ງ​ທະ​ເລ.

ສະພາກາ​ແດງຟິລິບ​ປິນ ​ໄດ້​ລາຍ​ງານເຖິງຈຳນວນ​ຜູ້​ເສຍ
​ຊີວິດ​ ວ່າມີຢູ່ 27 ຄົນ ຊຶ່ງ​ແມ່ນຫລາຍ​ກວ່າ ຈຳນວນທີ່ລັດຖະບານລາຍ​ງານ​ໃຫ້​ຊາບ ທີ່ມີ
​ແຕ່ພຽງ 11 ຄົນ ​ໃນ​ວັນ​ອັງຄານ​ມື້​ນີ້.

ບ່ອນ​ໄດ້​ຮັບ​ຄວາມ​ເສຍ​ຫາຍ​ຮ້າຍ​ແຮງ​ທີ່​ສຸດ ​ແມ່ນຢູ່ແຂວງ Samar ​ທາງພາກ​ຕາ​ເວັນ
ອອກ ​ຂອງປະ​ເທດ​ ທີ່​ຍັງ​ກຳລັງ​ພະຍາຍາມຟື້ນ​ໂຕ​ຄືນຈາ​ກ ໄຕ້​ຝຸ່​ນ ​ໄຫ​ຢ້ຽນ ໃນປີ​ກາຍ​ນີ້
ທີ່​ໄດ້ເຮັດ​ໃຫ້​ຫລາຍ​ພັນ​ຄົນ​ເສຍ​ຊີວິດ.

ໄຕ້​ຝຸ່​ນ ຫາ​ກູ​ປິດ ບໍ່​ໄດ້​ສ້າງ​ຄວາມ​ເສຍ​ຫາຍ ​ຫລາຍເທົ່າ​ກັບ ໄຕ້​ຝຸ່​ນ ​ໄຫ​ຢ້ຽນ ທັງ​ນີ້​ກໍ​ເນື່ອງ
ຈາກ​ວ່າ​ ປະຊາຊົນເກືອບ 1 ລ້ານ 7 ​ແສນ​ຄົນ ​ໄດ້​ໜີ​ໄປອາ​ໄສ​ຢູ່ຕາມບັນດາ​ສູນ​ລີ້​ໄພ ​ໃນ
​ຂະນະ​ທີ່​ພາຍຸ​ກຳລັງ​ຈະ​ມາ​ເຖິງ.

ພະຍຸ​ໄດ້​ອ່ອນ​ກຳລັງ​ລົງ​ຢ່າງ​ສະໝຳ່ສະ​ເໝີ ​ໃນ​ຂະນະ​ທີ່​ພັດ​ຂ້າ​ມພາ​ກກາງຂອງ ຟິລິບ​ປີີນ
ຫລີກ​ເວັ້ນຈາກ ນະຄອນຫລວງມະນີ​ລາ ທີ່​ໄດ້​ພາກັນ​ປິດ​ຢ່າງ​ໃຫຍ່ ໃນ​ການ​ຕຽມ​ພ້ອມ.

​ໃນ​ວັນ​ອັງຄານ​ມື້​ນີ້ ພະຍຸ Hagupit ​ໄດ້​ອ່ອນ​ກຳລັງ​ລົງ​ມາ​ເປັນ​ ພະຍຸ​ລະດູ​ຮ້ອນ ​ແລະ​ອອກ
​ໄປ​ສູ່​ທາງ​ພາກ​ຕາ​ເວັນ​ຕົກ​ຂອງ​ທະ​ເລ​ຈີນ​ໃຕ້.

PHILIPPINES STORM VO
please wait
Embed

No media source currently available

0:00 0:01:14 0:00

XS
SM
MD
LG